Ebreodenidsa 3:1 - Kulina New Testament Brazil

¹ Rrehe ouimecotedeni, Deopa pocca madirra pouaza bicaqquiri tiquenaniuarrine tiadeni tocatterrizabaqquirrari. Nema nezape Zesoza tibodideni uatonissa tarri, onarraro. Pouaza rrehe inezape poua tauimari ehecomera narraro. Pouapa Imehi Deocca zossenirri ccaronarrari, iaza Imehi tauimari uati tauiuarrine. Poua naco icca uima uauati toqquimade deni torrauicca. Icca uima Imehiza uati uati tarrari, inarraro.

Culina Mádija

¹ Jehe ohuemecotedeni, Diopa pocca madija Pohuadsa bicaqquiri tiquinanijine tiadeni tocattejidsabaqquijari. Nema nadsapi Jesodsa tibodideni huatonissa taji, onajaro. Pohuadsa jehe inadsapi pohua tahimari ehecomera najaro. Pohuapa Imehi Diocca dosseniji ccaronajari, iadsa Imehi tahimari huati tahijine. Pohua naco icca ima huahuati toqquimade deni tojahicca. Icca ima Imehidsa huati huati tajari, inajaro.

Ebreodenidsa 3:1 Iomraidhean Croise

Huano 17:3

Narraro camittehe rriquerreranicca carrimanauiuarrinepa Tiaza noccodeni torrizerarrari. Tiana Deo orrari tarraro. Tiana ia Cacauade parrissehecca. Arri oua Zeso Cristo oua zosse taronarrarope ouaza naco noccodeni rrizeraqquiri naui. Madirra Tiaza, ouaza parrissa quenazapa camittehe rriquerreranicca carrimanauitoui.

Huano 20:21

Nazapa Zeso uati tapomade: —Ticappinemana-rrerarri. Deocca biquehera tiadeniza torrana. Pina occa Abi oua zosse naronarrarissa narraro oua naqui tiadeni zosse onarizabaqquina −nade.

Huano 20:27

Nazapa Tomeza uati tade: —Tome, ozepecca opparicca qqui tarri. Tizepeza perecorrine, uauarrinarrine odiniza bara tarri −nade. —“Parrissa onerrerani” terrerarri. Pina rrehe tarri −nade Zeso.

Tahimarideni 1:15

Nazapa uada onihiza Deoza uatide queriqquipomarrari. Madirra 120 quenaha queriqquimanarrari. Nazapa Pedoro totemaza pouadeniza uati tarrari:

Romanodenidsa 11:17

Zodeodeni motapa pina uizarracca rritona ininessa quenarrari. Cacauadepa rritona inine mota ca ippirizaza manaco zamacca rritona ininera ppa icazana-rizarrari. Tiadeni Abarahao potemaui tiquerrena-rrerarrarope pina zamacca rritona inine ppa cazana-rizarrarissa tiquenarraro. Nezape rritona rraborrinena camittaqquiri tiquenarraro.

Romanodenidsa 15:27

Pouadeni touini quenazapa uatizemanaza nama quenarrari. Arra zodeodeni motarrine zodeo querrena-rrararrarideni Zeso Cristo tauimariza toquerrenarrari. Narraro uima bicani pouadeniza torrarraro manaconipe pina zodeodeniza dirrihe carrimanarrarissa quenarrari. Narrarorrine zodeo querrena-rrararrarideni poccadeni ziniro mota zodeodeniza da iquenarraro bica tani.

Romanodenidsa 15:8

Tiadeniza uati onarraro. Cristo zodeodeni acco icanabaqquiuiuarrine ccarronarraripa Deo icca idideniza uati taporraricca uima inaparrirenissa taniuarrine ccarronarrari. Parrissehera uati uati narronarraria Cristorrine auato tarraroparri.

Romanodenidsa 9:24

Ia motape zodeodeni iquerrenarraro, motape zodeo tiquerrena-rrerarraro bazima Deo pocca madirra iquerrenaniuarrine ia uaua tabaqquirrariparra.

1 Corintodeniza 1:2

Oza panani Corintouarricca Deoza tiquerrenarraro titiqueriqqui naniuarri tiadeniza arrirraro uima zosse inarraro. Bazima Zeso Cristoza parrissa tiquenezape pouarrine tibodideni touissorizarraro. Narrarorrine Deocca tiquerrenarraroparri. Deo tiadeniza uaua narraripa: —Ouazara tibodideni uatoni orrari narri −narrari. Zama bazimaza madirizemanarrari Zeso Cristoza parrissa quenarrarideniza naco: —Ouazara tibodideni uatoni orrari narri −nanarra narrari. Zeso Cristopa pouadeni Zozossede. Narrari orrariui ia Zozossede.

1 Corintodeniza 10:17

Iape uapi ineraha pao orrariaza irripaqquirrarorrinea itassaqquirraro. Pina essire orrarirrarossa inarraroparri.

1 Corintodeniza 9:23

Nazama arri occa madie nema onarizarrarope Zeso Cristo tauimari icassiuaueraniuarrinecca madirra bazimaza torrarizaniuarrine, pocca uima bicani ouaza naqui torraniuarrine touini onarraro.

2 Corintodeniza 1:7

Nazama ocasserehe tinauanemanarraro pina ocasserehe inauanarrarossa nezape Deo tiadeni acco tocanabaqquiuitoui. Pina ia acco tocanabaqquirrarissa nauitoui. Narraro parrissa torraniuarrine nauatoto inarraro.

2 Corintodeniza 9:13

Imecotedeni acco ticanabaqquimanazapa Zeso Cristo tauimari icassiuaueraniuarrineccaza iboraqquiri tiquenarrarorrine auato taniuarrine. Arri pouadeniza, madirra ouahadeniza naqui accoraqquiri tiquenezape Deoza uatizemanaza: —Rrehe Abi Deo, tiana deni tirrani, bica tinani −quenauitoui.

Epesodeniza 3:6

Arri Deocca uima bicani narroraporaha auatora taporrarope arrima narraro: Zeso Cristo pouarrine icassiuaueraniuarrinecca uima zodeo querrena-rrararrarideniza naqui bacco tarraro. Zodeo querrena-rrararraridenipa zodeodeni tezerre Zeso Cristoza parrissa quenazapa pouaza orrariqquimanarrari. Pina poua assire orrarirrarissa quenarrari. Nama quenazapa zodeo querrena-rrararrarideni, arra zodeodeni tezerre Zeso Cristoza toquerrenazapa Deocca danirri bicani Poua uati taporraricca carrimanarrari.

Epesodeniza 4:1

Rrehe ouape ia Zozossede Zeso Cristo tauimari mari mari ohonariza narrarorrine toponi cocoro onauanarraro. Tiadenipe Deo pocca madirra tiquerrenaniuarrine tiadeni uaua tabaqquirrari. Nezape timadimananissa tarri. Ticcadeni madie pina Deo touini nauiccassa tinanemanana, onarraro.

Epesodeniza 4:4

Ia bazima Zeso Cristoza iquerrenarrarope pouaza irrariqquirraro. Pina poua assire orrarirrarissa inarraro. Deo Poua Corime iaza anirrari naco orrariui. Itezerremacca uima bicani touini imadirraro naqui orrarini. Narraro iaza torraniuarrine Deo ia tocatterrizabaqquirrariparra.

Piripodeniza 3:14

Ouape Deouarri omadinitoui oneza, uima bicani onananiuarrinera obodi uatoni orrari narraro. Deouarrina Deo pocca danirri ouaza torraniuarrine, onarraro. Zeso Cristocca iquerrenarrarope Deo itoui uaua narrari, pocca madieza iparrirenissa taniuarrine. Niza Deouarri bacco inezape pocca danirri camittehe rriquerreranicca iaza torranitoui.

Corosadeniza 1:12

Tetizemaneza naqui tettideni Deoza: —Abi Deo, peperri, tirrine bica tani −titiquena naniuarrine ineza Pouaza uati uati ihizanapo narraro. Deopa ia tonaparrire-baqquiuissa taza Poua zamari memeuarri ia tonamadi-baqquiuitoui. Bazima pocca iquerrenarrarope arri Pouarrine ibodi ssiuarra tarraroparri. Narraroa arri pocca danirri bicani iaza inanarrorarraroparri. Niza Poua madiuiuarri Poua ssiuerreneza bacco inezape iaza da inanitoui, inarraro.

Corosadeniza 1:22

Naraha rridapanape Zeso Cristorrine Deoza tirronemanarraro. Arra Zeso Cristopa poua assire pina essiressa narraroza zoqqueuiuarrine ocasserani auarrari. Nama narraria arra niza poua Imehi Deouarri ia touaccamacossani-baqquizapa Imehiza: —Arrarraridenipa occa madirra −nauitoui iaza. Naui Deo ia qqui tabaqquizapa uimasiri rrirehe ibodi ssiuarraqquiri nehe ia qqui tabaqquiuiuarrine. Deo iaza naco: —Uaidiraqquiri tiquenani −narrarauitoui. Zesorrine iaza uima nouererre narraro.

Corosadeniza 3:12

Deo tiadeni tocatterrizabaqquirraripa pocca madirra bicaqquiri tiquenaniuarrine. Deopa tiadeniza uati uana tarrari. Nema nezape tiadeni naqui madirraza tetideni uanaqquiri neza acco acco titicanabaqquimana narro. Bicaqquiri tiquenaza uima bicanira titinanemana narri. —Ouana deni orrani −tiquenerrerarri. Rroneqquiri tiquenaza madirraza catizeqquiri tiquenarri. Tizepedeni irrirrarocca narro teza naqui nebomana terrerarri. Madirra mari ticanemanaza naco touatta-rrarazapa tedimane-rrereza mouaraza mari ticanemanapomana, onarraro.

1 Tesaronicadeniza 5:27

Arra ia Zozossederrine ouatti ocarriza tiadeniza arrima onarraro: Timecotedeni bazimaza arrirraro uima teppe ua tarizemanarri, onarraro.

2 Tesaronicadeniza 1:11

Arrirraro uima bazima tiadeniza torraniuarrine Deoza uati uati ihinanarraro. Deo ticcadeni madie qqui tazapa: —Occa uaua tabaqquinarrapa ouaza dameraqquiri naui. Ponima pouadeniza uaua onerrerarraro −nauiuarrine. Deoza uati uati ihinanarraro. Uima bicani tinanemananiuarrine touini tiquenaza naqui Deo pocca dacorehema ticcadeni uima bica taniuarrine ineza Deoza uati uati ihinanarraro. Deoza rrehe tiquenarrarorrine Pouaza tizepedeni ihirrimana narraro naqui ticcadeni uima toccanissa taniuarrine ineza Deoza uati uati ihinanarraro.

2 Tesaronicadeniza 2:14

Nazapa Zeso Cristo tauimari icassiuaueraniuarrinecca tiadeni mari icanabaqquizape timittemanarrarode. Narraroza Deopa titouideni uaua narrari. Niza zotodepe arra ia Zozossede Zeso Cristo poua zibehine, pocca deni torrehe tiadeniza torranitoui.

1 Timoti 6:12

Ia Zozossede Zeso Cristo tauimari deni torraniuarrine daco tirrirarri. Pina madirra ittomeza taide bacco tapouiuarrine damera tarrarissa tarri. Camittehe rriquerreranicca ticarriniuarrine Deo titoui uaua narraride. Narraro camittehe bacco tinaniuarrine daco tirrirarri. Narraroa uima bicani tecomerarizapoza bazima mittemanarraroparride.

1 Timoti 6:2

Tiadeni zossededeni Zesoza rrehe quenaza naco tettidenipe: —A, oua zossedepa Deocca madirra torraza ouimecote torraui. Poua attiza ibora onerrerana −tiquenerrerarri. Zeso Cristorrine timecote torrarrari. Deopa pouaza uati uana taui. Pouaza denima bicaqquiri tiquenarri. Pouaza tarabaia tiquenanissa tarri. Nema tiquenezape timecote acco ticanemanarrariparra. Rrehe Timoti, arrirraro marinarra ticca mamari tabaqqui tinauattabaqquiuissa tarro, onarraro.

2 Timoti 1:9

Deopa ia tonassiuauabaqquirrari. Pouaza bicaqquiri inaniuarrine ia tocatterrizabaqquirrari. Narrarope ia irrine rrerani. Deo iaza uati cauanari canaza: —Madirra onassiuauabaqquina −naporrari. Nama narraria maittaccazama zama inauato-rreraccazama iaza uati cauanari canapozapa Zeso Cristo iaza da inauiuarrine narroraporrari.

2 Timoti 2:7

Rrehe, narrarideni tauimarideniza tibodi uatonissa tarri. Ia Zozossede Zeso Cristopa uima bazima timittanissa taniuarrine tia acco canauitoui.

Ebreodenidsa 10:19

Rrehe ouimecotedeni, Zeso Cristo zoqqueza poua emene toccarrarorrine Deo aniuiuarri rrauirrezimaniuarrine toppinerani. Toppinerezape rridapana icappine-rrereza Deoza iarriressiniuarrine iparrireni.

Ebreodenidsa 10:21

Pouapa icca danirri Deoza dada toqquimade, icca uima uauati toqquimade deni torrauicca. Deocca ozacca madirra Cacauade torrarrari.

Ebreodenidsa 10:23

Deopa maizera taui. Uima bicani iaza inananiuarrine uati taporraripa parrissa narrarossa inananitoui. Nezape etti rrouizo terreraza: —Parrissa nitide, parrissa rreranitide −inerrerana. Ettipe: —Rrehe, Deo Poua Attissa inananitoui. Pocca biquehe iaza inananitoui, parrissa −inana. Nema inezape narraro toui imadina. Nezape dacoco irrirana, narraroza parrissa izanaponiuarrine.

Ebreodenidsa 13:22

Rrehe ouimecotedeni, arrirraro uima teppe tiadeniza dozo onarrarope ticcadeni rrehenirri todacorani naniuarrine. Arri orrine dozo nanipe uapi terrerani. Pamema nani. Narraro ua tiquenanissa tarri. —Ua nani narro tani −tiquenerrerarri.

Ebreodenidsa 2:11

Zeso pouarrine uimarideni touissorraridenipa Abi Deo orrariaza: —Abi −quenarrari. Zeso naco Deo Bedi torrarrari. Nama nazapa Zeso iaza: —Ouimecotedeni −nauiuarrine cappina-rrararrari.

Ebreodenidsa 2:17

Pouapa pina iassa narrarirrine ia acco canade parrireuissa tarrari. Nama nazapa poua poua ccaccoraza zoqquezapa icca danirri Deoza torrarrari. Narraria icca uimasiri manaconi torrarrari. Pouaza parrissa inezape Deopa iaza: —Peperri, tiaza ouadi-rrerani. Ticca uimasiri ouati rrimani −narrari. Narrarorrine —Zesopa icca danirri Deoza dada toqquimade deni torrauicca −inarraro. Pouapa iaza uati uana, Imehi Deoza uati uana tarrari. Maizera tarrari, Imehi Deoza damera tarrari.

Ebreodenidsa 3:12

Parri ouimecotedeni, tibodideniza uaidirehe tecauemana-rrerarri. Tibodideniza rrehe tiquenanissa terreraza naqui Deo camitta tarrari Pouaza tiarrimanerana.

Ebreodenidsa 3:14

Zeso Cristoza iquerrenaniuarrinepe pouaza rrehe izanaponiuarrine. Pina taide pouaza rrehe inazama narrarossa inarronehe damera izanapoza poua ccaniuicca uada bacco inezape pouaza iquerrena-zanaponitoui.

Ebreodenidsa 6:20

Narrarossa narraro Zesopa Imehi madiuiuarri toqquezimaporrari. Narrarope ia Deouarri bacco inaniuarrine irrauine inauabarraro. Nama nazapa pouana icca danirri Deoza dada toqquimade, icca uima uauati toqquimade deni torrauicca nama zanapouitoui. Pina Meoquizedequi Deoza dada toqquimade nama zanaporrarissa nauitoui.

Ebreodenidsa 7:26

Nazapa Zeso pouana icca danirri Deoza dada toqquimade, icca uima Deoza uauati toqquimade deni torrauicca iaza parrireuissa tarrari. Pouapa uima bicanira carrirrari. Pouaza uima nouerarraro. Uimasiri cappirauissa tarrari. Pouapa uimasiri carrimanarrarideniza carrimaraha. Imehi Deo pouara inanarrari. Idimacossaniza deni inanarrari. Nazapa memeuarri madimanarrarideni bazimaza deni torrarrari. Ouaha pina pouassa narrari noueraui.

Ebreodenidsa 7:28

Deo pocca zossenirri Moizeza da inarrarope Pouaza dada toqquimade, uimarideni uauati toqquimade toquerrenauiuarrinepa madirrara icatterrizabaqquirrari. Naraha madirradenipa rrapariqquiri naui. Deo Attiza iboraqquiri nauissa tauiuarrine parriremana-rrararrari. Naraha zotode Moizecca marinarra nattinipe Deo Poua Bedina icatterrizarrari, dada toqquimade deni torrauicca torrauiuarrine. Poua Atti Bediza: —Parrissehera tiaza uati onarraro. Ouattissa onananitoui −nazapa Deo Poua Bedi Zeso inaparrireuissa taza madirracca danirri dada toqquimade, uimarideni uauati toqquimade deni torrauicca torrazanaporrari.

Ebreodenidsa 9:11

Naraha rridapanapa Zeso Cristo iaza aniui. Pouapa icca danirri Deoza dada toqquimade, icca uima uauati toqquimade deni torrauicca. Pouana icca uima Deoza inanabicaniuarrine parrireui. Pouapa memeuarricca Deo aniuiuarri toqquezimarrari. Naniuarripe Deo tazari bani etero ssequi nauiccassa nerrerani. Madirra icanauatomana-rrerani. Arrirraro zamacca rrerani. Memeuarriccape denima bica tani. Parrirenissa tani.

Ebreodenidsa 9:15

Rrehe, Zeso Cristo poua ccaccoraza poua emene toccarrarorrine pouana Deocca rrehe canirenirri zati iaza inanarraro. Arri Deocca rrehe canirenirri taideccaza madirra iboqquiri nazapa uimasiri ihinanemana narraro. Narraro uimasiri manaconi Zeso zoqquerrariparra. Nama nazapa Deo pocca madirra toquerrenauiuarrine icatterriza-baqquirrarideni pocca biquehe rriquerreranicca carrimana-zanapouitoui. Pina Deo Poua uati taporrarissa inananitoui.

1 Pedoro 2:9

Naraha tiadenipe Deocca tocatterrizabaqquinarra tiquerrenarraro. Deopa ticcadeni tamine deni torrarrari. Tiadenipe pina Deoza dada toqquimadedenissa tiquenarraro, Deo pocca zossenirriza tizepedeni irrimanazanaponiuarrine. Pocca madirra tiquerrenarraro. Pouazara iboraqquiri tiquenarraro. Tiadeniza: —Occa madirra, occa todinibaqquinarra −narrari Deo. Taidepe ziziniza timadimanaporaha rraui tirrenaniuarrine tiadeni uaua tabaqquirrari. Deo tiadeni nama tonanabaqquirraripa Poua ssiuerrene bicaboteza timadimananiuarrine. Poua tauimari bicabote deni torranicca tecomerarizemananiuarrine.

1 Pedoro 3:5

Maittaccazama Deo Attiza iboraqquiri narrarodenicca biquehepe ponideni bodinina parri. Deoza rrehe quenanissa tezape ponidenicca maqqui attiza naqui iboraqquiri narraro quenade.

1 Pedoro 5:1

Arrirraro uimape Zesoza rrehe quenarrarideni cacauadedeniza dozo onarraro. Ouape pina pouadenissa onarraro, rrehe quenarrarideni cacauade orrani. Ouape Zeso Cristo ocasserani auaui onoccoza qqui onarrarocca ohouacomerariza narraro. Niza poua ccanipomaza pocca deni torrehe torrarizezape pouadeniza, ouaza naqui torranitoui. Nema nezape pouadeniza arrima onarraro:

1 Pedoro 5:10

Rridapana ocasserehe tinauanemanaccani. Naraha niza rriquezape Deo tiadeni tonabicabaqquiuissa tauitoui. Ticcadeni rrehenirri inaparrirenissa tanitoui. Tibodideni inadacora-baqquinitoui. Zesoza dameraqquiri tiquenaniuarrine tiadeni acco tocanabaqquiuitoui. Abi Deopa uati cauanari canaza pocca cacauehe bicaniza imadi-zanaponiuarrine ia tocatterrizabaqquirrari. Zeso Cristo tezerre Deocca deni torreheza imadi-zanaponitoui.

1 Zouao 1:3

Nazama arri qqui inarraro, imittarraro tiadeniza uati inarrarope iaza tirrariqquimananiuarrine. Pina ia Abi Deoza irrariqquirrarossa, Poua Bedi Zeso Cristoza naqui irrariqquirrarossa tiquenaniuarrine.

Jodacca 1:1

Nirra ouimecotedeni? Ouape Zoda, Tiaco imecote orrani. Ouape Zeso Cristoza ozepe irrirraro. Arrirraro uima teppe tiadeniza dozo onarraro. Abi Deo tiadeniza uati uana tazapa tiadeni uaua tabaqquirrari, Zeso Cristoza tiquerrenaniuarrine. Zeso Cristopa tiadeni Cacauade torrarrari.

Apocalipsis 17:14

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Apocalipsis 18:20

Nezape memeuarri timadimanarrarodenipe arrirraro oza panani rricarraroza tetizemanarri! Zeso Cristocca zozosse tabaqqui, Deo Atti cacomeraqquiri narrarideni, Deoza tiquerrenarrarodeni bazima tetizemanarri. Ponirrine nanarrizo tiquerrenarizaporraro manaconi rridapanana Deo inarrizorraro.