Ebreodenidsa 2:3 - Kulina New Testament Brazil

³ Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

Culina Mádija

³ Jidapapi Diocca dosseniji dsati icassiejeranijinecca iadsa anini. Najaropi denima bica tajaro. Naraha najaro ettajodsapi Diocca najidsohue ¿dsori inapadseje? ¡Dsori inejeranitohui! Ia Medsede pohuana tahide najaro dosseniji bicani madija mari mari ihicanabaqqui najari. Dsotodepa najaro dosseniji mittamanajarideni ia mari tocanabaqqui-manadsa pajissa tojani iadsa ahuato inanamanajarode.

Ebreodenidsa 2:3 Iomraidhean Croise

Mateo 23:33

—Tiadenipe pina maccassa tiquenani. Ticcadeni uima uaidira tarraro. “Deocca narrizoue zori icanirenitoui” tiquenarraroqui? Zori ticanire-rreranitoui! Rrororoni rriquerreraniuarri tiquerrenanitoui.

Mateo 4:17

Nauiuarri Zeso bacco tazana Deo Atti maride taide torraporrari. Madirra mari mari ihicanabaqqui naza poua attipa: —Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca cacauehepe iaza bacco narronabote nani −nanariza narrari Zeso.

Maraco 1:14

Naraha Zouao Batista toponi cocoroza coro izimemanaui nattipa Zeso zama arobeni Carireauarri toccanirrari. Nauiuarri Deocca uima bicani icassiuaueraniuarrinecca mari icanabaqqui-rizarrari.

Roca 1:2

Arra poua uatimade pouaza rrarrauiriza narrarideni pocca nauatonarra onihi, onihi nehe qqui narronemanarrari naqui dozo iquenarraro. Arra Zeso pouadeni mari mari ihicanabaqqui narrari naco dozo iquenarrari. Pouadenipa Zesocca marinarra ehecomerarizemana narraro naqui icauatterarraro.

Roca 1:69

Ia Tonassiuauade dacorabote iaza zosse inaronarrari. Pouapa maittaccazamacca tamine Dabi Deoza iborabote potemaui.

Roca 24:19

—Naraha uimape nerrecoma narraro? −narrari Zeso. Naraha Creopa poua tesse tezerre uati toquenarrari: —Zeso Nazaretiuarricca pouaza uima inanemanarraro tauimarinipe arrima narraro: Pouapa Deo Atti cacomerarride rabote. Deocca dacoreherrine pocca marinarra bica tarraro. Deocca dacoreherrine canauatori canarizarrari naco bica tarrari. Madirra bazimaza, Deoza naco pocca uima bica tade.

Huano 15:27

Tiadeni naqui otauimari tecomera-rizemananitoui. Arri, ouaza tiquerrenapoza oua qqui tarronemanarrarorrine rridapana otauimari nauatoqquiri tiquenanissa tani −nade Zeso atti.

Tahimarideni 1:22

Narrarideni orraria nerrecorrarina Zouao Zeso passo dopaniza niqui izanapouizama qqui narronarraria Zeso poua toccamacossaniui qqui tarraritta? Narrarina iazama Zeso nauatoniui tauimari eccorarizaniuarrine, onarraro −narrari Pedoro.

Tahimarideni 2:22

Nazapa denima uati uati tarrari: —Rrehe ouimecote Izarraeo potemaui zodeo iquerrenarrarodeni, ouatti titauaribobo canarri. Arra Nazaretiuarricca Zesopa Deorrine parrissa canauatori canaui qqui tiquenade. “Pouapa parrissa Deo zosse inaronarrari” titiquena naniuarrineraha tinanazoqquemanarrari. Naraha Abi Deopa taide nauato taporrari: “Arrima nanitoui” naporrari: “Occa erredeni madirra uaidiraqquiri narrarideni dama iquenaza aua porimacossaniza inanazoqque-manauitoui” napoui nade. Narraro uimaha arri ia imadiza qqui inarraroparri. Tirrinedeni narrarossa tinanemanarraroparri.

Tahimarideni 4:12

Madirra ouahapa icca uimasiri inatappaniuarrine noueraui. Deocca danirri Zesona ia Idinide orrarirrari. Zama bazimaza madirra ouaha ia tonassiuauabaqquiuiuarrine noueraui. Nizaranibote Deocca uadie torrezape Zeso pouana ia zori tonanabaqquiuiuarrine orrarirrari −narrari Pedoro.

Romanodenidsa 11:14

Narraroza occa madirra motadeni uima bicani ticarrimanani qqui toquenaza: —Rraho, iaza torra naccaraho −quenazapa bodideni cacarriqquimere-manauiuarrine. Tossiuauehe naqui carrimanauiuarrine, onarraro.

Romanodenidsa 2:3

Naraha ticcadeni uimape nerrecoma nerrecoma narraro? Tiadenipe: —Madirra ouahacca uima bica terrerani, Deo inarrizouitoui −tiqueneraha tiadeni naqui pina pocca uimassa tinanemanezape Deocca narrizoue zori ticanirepazerre? Zori ticanire-rreranitoui.

1 Corintodeniza 1:21

Deo Poua bodi nauato tazapa atti arrama narrari: —“Iape iara nauatoue icarrini” quequenanarraridenipa Ouaza bacco toquena-rrarauitoui −narrari. Pouapa pocca uima bicani mari mari inarraroza rrehe quenarraridenina inassiuauabaqquiuiuarrine nacassa tarrari. Narraro uima madirra motadenizape pina ponimassa narraro.

1 Tesaronicadeniza 5:3

Zeso ccaniuicca uada bacco tabote nezape madirra attidenipa: —Rridapanape rrazire tomossi, oppinehe tomossi narraro −quequenanaraha amazati pouadeniza oppina tehe ssonarizape zori tarra canima-rrarauitoui. Pina erredeni comauicca uada amonerredeni ssamoqquiri narrarossa narraro. Amazati tossonauiuarrinecca uada bacco taza amonerrepe erredeni comene zori terre canima-rrerani.

1 Timoti 1:15

Arrirraro uimape parrissa torrani. Narraro uimaza madirra bazima parrissa quenazapa bica tani. Narraro uimape arrima narraro: Zeso Cristopa arrirraro namiza ccaronarrari, madirra uimasiri tonanemanarrarideni inassiuauabaqquiuiuarrine. Madirra bazimapa uimasiri inanarizemanaraha ouana denima orrine uaidira tani onanarrarode.

Titodsa 2:11

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni.

Ebreodenidsa 1:1

Maittaccazama Deopa Poua Atti cacomeraqquiri narraridenizana uati taza narraridenina icca idideniza uati uati ihiqquimemana narraro. Deopa pocca zossenirri, madirra pouadeni tezerremacca uima auato inanarrarope onihi onihi inanarraro. Naraha Poua Attiza uati taui orrari-rrerani. Poua Atti cacomeraqquiri narraridenicca uadaza naqui auato inanarraro, bodideni naco inauattabaqquirrari.

Ebreodenidsa 1:14

Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.

Ebreodenidsa 1:2

Naraha rridapana zama rricanicca touarrireza iaza uati tauiuarrinepa Poua Bedi zosse inaronarraride. Narrarina iaza Imehi Atti uati uati ihiqquima narrarode. Rrehe, Poua Bedipa taide Imehi tezerre meme, nami, bazima anirizarraricca inauatomanaporrari. Nazama Deopa Poua Bedina cacauade inanarrari. Bazima rrinede torrarrariparra.

Ebreodenidsa 12:25

Nema nezape Deo tiadeniza uati tazapa timittemananissa tarri. Poua Atti tettarromana-rrerarri. Arrana maittaccazama madimanarraridenipa Moize pouadeniza Deo Atti uati uati tarrariraha ettarromanezape Deocca narrizoue zori tocanire-rrararrari. Nema nezape Deo memeuarri iaza uati naronaza Atti ettarrozape pocca narrizoue denima oppina tanicca zori icanire-rreranitoui.

Ebreodenidsa 4:1

Deocca rrassinarra aniniuarri rrassi inaniuarrine iaza touabaccani. Naniuarri rrauirrezimaniuarrinepe mouaraza imadina, onarraro. Mouaraza imadi-rrerezape orraria zori tarra canarana.

Ebreodenidsa 4:11

Nezape narraro Deocca rrassinarraza iquerrenaniuarrine dameraqquiri izanapona. Icca madirra zori tarra canima-rrarauiuarrine. Pina taidedenicca Deoza iboqquiri naza zori tocanirerrarissa quena-rrarauiuarrine, onarraro.

Ebreodenidsa 5:9

Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

Ebreodenidsa 9:28

Zeso Cristo naco zoqqueui orrarirrari. Uimasiri manaconi poua ccaccorarrari. Pouarrine icca uimasiri rricarizarrarodenipe uapi inani. Niza ccanipomazapa icca uimasiri manaconi zoqquepoma-rrarauitoui. Pouatoui imadirraro ia tonassiuauabaqquiuiuarrinena ccanipomauitoui.

1 Zouao 1:1

Nirra imecotedeni? Tiadeniza Deo Atti camittehecca uima dozo inarraro. Narraripa zama torra-rreraccazama madiporrari. Rridapana naco madiui parra naui. Iape poua atti imittade. Assire naco qqui inade. Pouaza rrauirrarizeza inoccoza qqui izanapode. Izepeza naco uapi bara inade. Narraripa Deo Atti camittehecca.

Jodacca 1:17

Naraha tiadenipe pina mamaizadedenissa tiquenerrerani. Ouimecotedeni, titouideni ouati uana tani. Arra ia Zozossede Zeso Cristocca zozosse tabaqqui tiadeniza uati toquenapouicca tetideni rrima terrerana.

Apocalipsis 7:10

Attideni moui taza uaua quenade: —Icca Deo deni torrarraripa pocca uiuittariza uittarirrari. Narraripa ia Tonassiuauade. Eueue Bedirrine naqui icassiuauerarraro −quenade.