Ebreodenidsa 2:1 - Kulina New Testament Brazil

¹ Rrehe, Deo Bedipa Imehicca zozosse tabaqquideniza deni torrarrari. Nema nezape marinarra parrissehecca imittaporraro eti rrima-rrerana, onarraro. Narraro eti rrimezape pina Deocca rraui bicani ineboza parrimaraniuarri uere inarrarossa inarana. Parri! Nema inerrerana.

Culina Mádija

¹ Jehe, Dio Bedipa Imehicca dodosse tabaqquidenidsa deni tojajari. Nema nadsapi marinaja pajissacca imittapojaro eti ajima-jerana, onajaro. Najaro eti ajimadsapi pina Diocca jahui bicani inebodsa pajimaranihuaji huere inajarossa inarana. ¡Paji! Nema inejerana.

Ebreodenidsa 2:1 Iomraidhean Croise

Mateo 16:9

Nerrecoma neza ticauatteraniuarrine? Tibodideni uatomarri. Madirra 5 mil quenaraha pao 5 naha dize onaririzaza rriparizemanarraride. Mota torrazapa quiqui irririzani qqui tiqueneraha tetideni rrimarraroqui?

Maraco 8:18

Tinoccodeni ticarrimaneraha qqui tiquenerrerarraroqui? Teribodeni naqui ticarrimaneraha timittemana-rrerarraroqui? Tinoccodeniza qqui tiquenaporaha tetideni rrimama canarrarorane?

Roca 8:15

Naraha madirra ouaha bodidenicca uimape pina arri nami bica tarrarocca uimassa narraro. Deo Atti mittemanazapa rrehe quenauissa tarrari. Pouadeni bodipa parrissehe touini quenarrari, bodideni bicaqquiri narrari. Deo Atti pouadeni bodiza ecauemana-zanaporraro. Poccadeni rrehenirri napizape pina arra zamatapa nocco nami bicaniza moro tauissa tazapa bono carrirrari. Nazama pouadenipa Deo Attiza dameraqquiri naza ocasserani auemanaza naco nama naha Deo Attizara rrehe zanapomanarrari. Pouadenipa madirra ouaha acco acco ihicanabaqquimana nazapa narrarideni naco Deocca erredeni toquerrenarrari −narrari Zeso atti.

Roca 9:44

—Arri uima uati uati onarrarope timittemananissa tarri: Ouape Madirra Bedi orrarraroa niza zotode madirra orraria oua ccaccorazapa madirra zepedeniza orranitoui −narrari.

Huano 8:59

Nazapa zodeodeni uadimanaza siba nacca-cca quenade, Zeso iquenaqqui-manauiuarrine. Naraha Deoza dada toqquimauarri madirra uapi tarra narrari. Zesopa narrari madirradeniza carrimaza amossi narraride. Deoza dada toqquimauarri toqquenarrari.

Ebreodenidsa 12:5

Tiadenipe Deo pocca erredeni tiquerreneraha pocca uima uati taporraricca tetideni rrimemanarraro. Narrarope Deo Atti dozo naniza dozo naporraro: —Zabisso, tiaza ouati uana tani. Uima bica tanicca tiattaniuarrine tia Zozossede Deo tia mari canazapa: “Omitterrerana, poni” terrerarri. Tia rroua canaza naco orri terrerarri.

2 Pedoro 1:15

Nezape occa marinarra tetideni rrimemane-rreraniuarrine damera ozanapoccani. Ozoqqueni nattini naqui narraroza tibodideni uatomemana-zanaponiuarrine, onarraro.

2 Pedoro 3:1

Rrehe ouimecotedeni, titouideni ouati uana tani. Arrirraro occa uima teppepe pina taideccassa narraro, tiadeni acco ocanabaqquiniuarrine touini oneza. Ouattiza tibodideni uatonissa taniuarrine oneza dozo onapomarraro.