Ebreodenidsa 12:4 - Kulina New Testament Brazil

⁴ Zesopa uaidirehe tonauanaza zoqquerrari. Naraha tiadenipe uaidirehe tinauanemanaza tizoqquerre canima-rreraccani. Nezape dacoco tirrirarri, onarraro.

Culina Mádija

⁴ Jesopa tabaccorehe tonahanadsa dsoqquejari. Naraha tiadenipi tabaccorehe tinahanamanadsa tidsoqqueje cama-jeraccani. Nadsapi dacoco tijiraji, onajaro.

Ebreodenidsa 12:4 Iomraidhean Croise

1 Corintodeniza 10:13

Uimasiri inananiuarrine ibodiza auatorrarope madirra bazimaza narrarossa narizarraro. Nazama tiadenipe nauatoqquiri tiquenarri: Parrissa Deopa tibodideni acco tocanabaqquiuitoui. Uimasiri dacoraniccaza tierrizemananiuarrine tiparriremane-rrerezape Deona ecossaponitoui. Uimasiri tinanemananiuarrine auatozape tiedimemana-rreraniuarrine Deo tiadeni tonadacora-baqquiuitoui.

Apocalipsis 2:13

Arri ouape ticcadeni madie nemanehe nauato onani. Timadimananiuarripe Tocorime-Taminecca uima dacoreraha oua onipe tinebomana-rrerarraro. Ouaza rrehe nauissa tarrari oni Antipas tinorideniza inanazoqque-manaraha ouaza rrehe tiquenarrarope tinebomana-rrerani. Naui tiadeniuarripa Tocorime-Tamine zosse zosse naraha oua tinebomana-rrerani.

Ebreodenidsa 12:2

Poua tezerremara tocattaza parra rroppa tariui nazapa rricaqquiniuarri bacco tarrari. Ia naqui Zeso touira icattomama canana. Pouapa icca rrehenirri rrinede. Pouapa taide Deoza: —Rrehe Abi, Tettissa tinananiuarrine tiparrireni −naporrari. Pouarrine icca rrehenirri parrirenissa tarraro. Zesopa Imehiuarri toccamacossanizapa uatizehe imeni carriuitoui nauato taporrari. Narrarorrine aua porimacossaniza zoqquehe inauanarraro. Arri aua porimacossaniza izoqqueniuarrinepe oppina taraha pouapa cappina-rraraza poua ccaccorarraride. Nazapa parrissa nauatoniza Imehiuarri toccamacossanizapa madirra cacauade torrauiuarrine Deo Poua uinoriuarri uittarirrari.

Apocalipsis 12:11

Imecotedenipa deni toquerrenarrari. Tocorime-Taminepa arramani torraui. Eueue Bedi Zeso zoqqueza emene toccarrarirrine, poua tauimari ecomerarize-manarrarorrine naco deni toquerrenarrariparra. Pouadenipa zoqquehe noppineni cappinemana-rrararrari. “Izoqqueza naqui bica tani. Deo inebo-rrarauitoui” quequenanarrari.

Mateo 24:9

—Nazapa tiadeni tadamemanazapa tozepeza tiquerrenarizanitoui. Pouadenirrine nanarrizo tiquerrenezape tirricarizanitoui. Occa madirra tiquerrenarrarorrinepe madirra bazima tiadeniza nacasseraqquiri nauitoui.

Apocalipsis 18:24

Rrehe, narraro oza pananizape Deo Atti cacomeraqquiri narrarideni inarricarizemanarrari. Deocca madirra toquerrenarrarideni naco inarricarizemanarrari. Arra zama bazimacca madirra irrinedeni auemanaza emenedeni toccarizarrarorrine Babironiaza Deocca narrizoue ssonarirraro.

Apocalipsis 17:6

Qqui onezape obodiza nauato onarraro: Ponipe nocconi rrano tarraro. Deocca madirra emenedeni, Zeso Cristo tauimari ecomeremaneza inarricarizemanarrari emenedeni naqui ze nezape nocconi rrano tarraro. Narraro uima qqui onezape uarro narraro.

Piripodeniza 2:8

Pouapa pina iassa naraha poua touini nauicca inana-rrerarraro. Imehicca zossenirrizana ibora tarrari. Narraria Imehi Attipa Bediza: —Madirra tinassiuauabaqquina −narrariparra. Imehi Attiza ibora-zanaporraria arra aua porimacossaniza inanazoqque-manarrariparra. Nazama aua porimacossaniza zozoqquemana narraripa oppina tanicca. Narrarozapa madirra bobotide, madirra poua tesse inanazoqquerraridenina, zozoqquemana narrari. Naraha Zeso Cristopa nama narrararaha narraro aua porimacossaniza inanazoqque-manarrari.

Ebreodenidsa 13:13

Rrari, ia naqui Zeso tezerre oza panani amossiniuarri rrauirrenana. Ia naqui pina poua ocasserani auarrarissa narraro inauanana.