Ebreodenidsa 12:3 - Kulina New Testament Brazil

³ Nazama Zeso ocasserani auarrari tauimari tibodideni uauatoma narri. Uimasiri sseqquiri narrarideni pouaza uaidirehe inanemanaraha nama naha tonauanarrari. Tiadeni naqui uaidirehe tinauanemanezape: —Tocasserani nani. Ouape peperriua −tiquenerrerarri.

Culina Mádija

³ Nadsama Jeso ocasserani ahuajari tahimari tibodideni huahuatoma naji. Imasiri sseqquiri najarideni pohuadsa tabaccorehe inanamanaraha nama naha tonahanajari. Tiadeni naqui tabaccorehe tinahanamanadsapi: —Tocasserani nani. Ohuapi epejena −tiquinejeraji.

Ebreodenidsa 12:3 Iomraidhean Croise

Mateo 11:19

Nani zotode oua Madirra Bedi orrarraroa erretecca rripaqquiecca rrirripa orripa, zeze ze onazapa ouaza rroua rroua quenarrari attidenipa: “Rraho, madirraza rripa narizarride raui, zezerride raui. Rromanodenicca taminecca zossenirri ziniro nanaccadedeniza ccarizarrari. Madirra uimasiri carrimanarrari tezerre naco ccarizarride raui” quequenanarrari ouaza. Attidenipa Zouaoza, ouaza nama quenaraha niza uimasiri carrimanarraridenipa ettiza iboraqquiri naza bodideni cacarriqquimera, uimarideni cacarriqquimera nazapa Deocca nauatohe, pocca parrissehe auato tanitoui −nade Zeso.

Mateo 12:24

Naraha parizeodeni narraro uima mittemanaza maizemanaza attidenia: —Arrana, Zesopa tocorimedenicca tamine Beheosebocca dacorehe carrirrarirrinea pocca zozosse tabaqqui zosse ininebaqquirrariparra −quenarrari.

Mateo 15:2

—Nerrecotoui ticca zozosse tabaqquipa zodeo querrenaraha icca ididenicca marinarra ecauemana-rrerarraro? −quenade. —Arrana, pouadeni zepe ssauaraui rripemanazapa Deoza bica terrerani, iaza naqui oppina tani, ihinanarraro −quenade.

Mateo 21:23

Nani zotode Zerozareuarri bacco inanipomezape Deoza dada toqquimauarri rrauirrezimapomarraro. Nauiza Zeso maride torraraha pouaza nacasseraqquiri narrarideni arra dada toqquimade taminedeni, zodeodeni ime rrocouideni quenaza Zesoza touarriressimanaza pouaza uati toquenarrari: —Iaza ticca uima tecomerarri. Nerrecorraricca dacorehe ticarrirraro? Nerrecorrari attiza dadadedeni moua tininebaqquirrari? −quenade, Zeso poua cacomerauiuarrine touini quenaza.

Mateo 21:46

Nazapa Zesoza boquemanaza: —Zeso tozepe inanana −quenaraha madirra noppinedeni cappinemanarrari, arra madirra bazima: —Zesopa Deo Atti cacacomerabote −quequenanaza.

Mateo 22:15

Zotodepa Izarraeo potemaui zodeodeni mota marinarra parizeoza rrehe quenarrarideni touarrimanaui naza pouadenira uimahaha canarrari. —Nerrecoma inanaza Zeso atti inassamoza pouaza uima inassonariniuarrine? −quenaui nade.

Roca 14:1

Rrassinarracca uadaza Zesopa parizeodeni taminecca ozauarri rripade toccarrari. Nauizapa parizeo ouahadeni naco rripemanarrari. Pouadenipa Zeso inoccozemanarrari: —Niza pocca uima zori tezape pouaza uima inassonariniuarrine −quenarrari.

Roca 15:2

Naraha zodeodeni mota marinarra parizeoza rrehe quenarrarideni, zodeodenicca marinarra maridedeni tezerrepa arra uimasiri sseqquiri narrarideniza Zeso carrimaui qqui toquenazapa nacasseraqquiri narrari. Nazapa atti atti quenarrari: —Arrana, arrarrari madirrapa uimasiri sseqquiri narrarideniza nirra naui tarri. Pouadeni tezerre naco rriparrari. Naraha iape pouadeni tezerre irripaniuarrinepe oppina tani, inarraro −quenarrari.

Roca 16:14

Zeso maride torraza marinarra parizeoza rrehe quenarrarideni naco nauiza carrimemanaza tauaribobo canarrari. Pouadenipa zinirozana uatideni uanaqquiri narrari. Naraha Zeso atti nama naui mittemanazapa pouaza ssamoni uaua quenarrari.

Roca 2:34

Naraha Simiaopa pouadeniza denima uati uati tarrari: —Deocca biquehe tiadeniza torrazanapona, onarraro −narrari. Nazama Maria poniza naco uati uati tarrari Simiao: —Deopa arrarrari erredeni zosse inaronarrari, Izarraeo potemauideni pouadenira pouadenira narizemanaui toui. Mota uapi taha pouaza nacasseraqquiri naza Deo pouadeni ettarrobaqquizapa ocasserani auemanauitoui. Naraha pouaza nacassaqquiri narraridenipa niza zotodepa uima bicani carrimanauitoui, Deoza madimana-zanapouiuarrine. Rrehe, arrarrari erredenipa Izarraeodeni inassiuauabaqquiuiuarrine Deo zosse inaronaraha madirra motapa pouaza rrara rrara quequenanauitoui. Pocca marinarraza naco uattarrorro tauitoui.

Roca 5:21

Zeso atti nama nazapa zodeodenicca marinarra maridedeni, parizeodeni tezerre bodideni uatome-manazapa: —Paparra, Zesopa “Uimasiri onanamossina” naua. Poua attipa: “Ouape pina Deo orrani” nanarra narrarissa naua. Zesocca uimape bica terrerani pina Deo tamassorrarissa naui! Naraha Deo Pouana orrarirrari uimasiri inanamossiniuarrine −quenarrari.

Huano 10:20

Nazapa mota bazima uimahaha canade: —Nerrecotoui pocca uima imittaniuarrine? Tocorime-Taminecca zozosse tocorime siri carrirrari. Poua bodi tossamorrariua −quenade.

Huano 18:22

Zeso atti nama nazapa poua uinoriuarri uarrari Deoza dada toqquimauarricca cacauadepa Zeso pano poua zepeza idanide. Nanarra Zesoza poua attipa: —Iape dada toqquimadedenicca tamine deni torrarrarizape nema inerrerarraro −nade.

Huano 5:16

Naraha poua atti nama nazapa zodeodeni Zeso rrara iquenarrari, inanazoqque-manauiuarrine. Sabado uarrirriraza madirra ihinanomibaqqui nazapa pouaza boquemanarraride.

Huano 7:12

Nazapa madirra bazima Zeso poua tauimari uimahaha canade. Madirra motapa: —Narraripa maqquiderre bicabotea −quenade. Naraha madirra ouahadenipa: —Iazapa bica tarraraui. Pouapa toponi mamaizade −quenade.

Huano 8:13

Naraha marinarra parizeoza rrehe quenarrari attideni Zesoza: —Tia motta titauimari tetecomera narraro. Ia motta itauimari ecomerani bica terrerani, inarraro −quenade.

Huano 8:52

Nazapa manaco zodeodeni uati toquenade: —Rridapanape nauatoqquiri inani tocorime siri ticarrirraro. Abarahaopa maittaccazama zoqquepoui. Deo Atti cacomeraqquiri narrarideni naco rricarizaui. Naraha tia tettipe: “Ouattiza iboraqquiri tiquenezape parri tirricarini nerreranitoui” taua.

Huano 8:59

Nazapa zodeodeni uadimanaza siba nacca-cca quenade, Zeso iquenaqqui-manauiuarrine. Naraha Deoza dada toqquimauarri madirra uapi tarra narrari. Zesopa narrari madirradeniza carrimaza amossi narraride. Deoza dada toqquimauarri toqquenarrari.

Huano 9:40

Naraha zodeodeni mota marinarra parizeoza rrehe quenarrari nauiza queriqquimanarrarideni Zeso atti mittemanarrari. Nazapa Zesoza uati toquenade: —Nanerre inocco sirirane? −quenade Zesoza.

1 Corintodeniza 15:58

Rrehe ouimecotedeni, tiadeniza ouati uana tani. Uima nema nezape dacoco tirrireza nema tizanapomanarri. Ia Zozossede Deo pocca zossenirriza tizepedeni irrimanezape denima, denima tidameremanani narri. Arrirraro uimape nauatoqquiri tiquenani: Ia Zozossede Deoza tizepedeni irrirrarope ponima rrerani. Pouarrine tiadeniza uima bicani torranitoui.

2 Corintodeniza 4:1

Nazama Deopa iaza uati uana taza Pouaza izepe irriniuarrine iaza inanarraro. Narrarorrine ehetize nezape: —Peperri, ineboqquina −inerrerani.

2 Corintodeniza 4:16

Narrarorrinea ehetize nezape: —Peperri, ineboqquina −inerrerani. Iape rradaui iquerrenarronarraro. Essire torrapariraha ibodina uarrirriraza todacorani zanaporraro.

Carasiadeniza 6:9

Nezape uima bicani inana-zanaponiuarrine rrao iquerrena-rrerana. Irrapari-rrerezape niza zotode bono bicaui bite irrizauitoui. Narrari bonopa Deo pocca biquehe iaza inananitoui.

2 Tesaronicadeniza 3:13

Naraha imecotedeni, tiadenina uima bicani tinanemanarraroza: —Narro tani, onebona −tiquenerrerana.

Ebreodenidsa 12:2

Poua tezerremara tocattaza parra rroppa tariui nazapa rricaqquiniuarri bacco tarrari. Ia naqui Zeso touira icattomama canana. Pouapa icca rrehenirri rrinede. Pouapa taide Deoza: —Rrehe Abi, Tettissa tinananiuarrine tiparrireni −naporrari. Pouarrine icca rrehenirri parrirenissa tarraro. Zesopa Imehiuarri toccamacossanizapa uatizehe imeni carriuitoui nauato taporrari. Narrarorrine aua porimacossaniza zoqquehe inauanarraro. Arri aua porimacossaniza izoqqueniuarrinepe oppina taraha pouapa cappina-rraraza poua ccaccorarraride. Nazapa parrissa nauatoniza Imehiuarri toccamacossanizapa madirra cacauade torrauiuarrine Deo Poua uinoriuarri uittarirrari.

Ebreodenidsa 12:5

Tiadenipe Deo pocca erredeni tiquerreneraha pocca uima uati taporraricca tetideni rrimemanarraro. Narrarope Deo Atti dozo naniza dozo naporraro: —Zabisso, tiaza ouati uana tani. Uima bica tanicca tiattaniuarrine tia Zozossede Deo tia mari canazapa: “Omitterrerana, poni” terrerarri. Tia rroua canaza naco orri terrerarri.

Ebreodenidsa 3:1

Rrehe ouimecotedeni, Deopa pocca madirra pouaza bicaqquiri tiquenaniuarrine tiadeni tocatterrizabaqquirrari. Nema nezape Zesoza tibodideni uatonissa tarri, onarraro. Pouaza rrehe inezape poua tauimari ehecomera narraro. Pouapa Imehi Deocca zossenirri ccaronarrari, iaza Imehi tauimari uati tauiuarrine. Poua naco icca uima uauati toqquimade deni torrauicca. Icca uima Imehiza uati uati tarrari, inarraro.

1 Pedoro 2:23

Itamassomanaza naco pouapa tatamasso narrarade. Narrizoue tonauanaza naco manaco pouadeniza rrara rrara narrarade. Imehi Deoza: —Abi, oua tecauarri −nanarra nazapa didi narrari. Deo Pouana madirra bazimacca uima cattemade nauato tarrari. Pouarrine parrirenissa tarraro.

Apocalipsis 2:3

Otauimari tinebomananiuarrine madirra tiadeni tonarrizo-baqquimanaraha tinebomana-rrerani. Ticcadeni uima occa marinarrassa naniuarrine rraohoraqquiri tiquenarraroparri.