Ebreodenidsa 11:3 - Kulina New Testament Brazil

³ Ia naqui Deoza rrehe inanissa tezape Deo Pouarrine meme nami bazima inauatorizaporraro nauatoqquiri inarraro. Pouarrine nauatorizani qqui inarraro bazimape noueraporaha Poua Attiza inauatorizarraro.

Culina Mádija

³ Ia naqui Diodsa jehe inanissa tadsapi Dio Pohuajine meme nami huapima inahatoridsapojaro nahatoqquiri inajaro. Pohuajine nahatoridsani qqui inajaro huapimapi nohueraporaha Pohua Attidsa inahatoridsajaro.

Ebreodenidsa 11:3 Iomraidhean Croise

Huano 1:3

Nazama arri bazima torrarizarrarope Zesona inanarizarraro. Rridacca Zeso nouerazapa arra namicca uapima torrariza-rraranarra.

Tahimarideni 14:15

—Nerrecotoui ticcadeni uima iaza nema tinanemanarraro? Iape madirra, arri tiadenissa inani! Tiadeniza uima bicani icassiuaueraniuarrinecca uatide icadarronarraro. Arri ponima iaza: “Ia cacauade Zeho, Ermesi” titiquena narrarope tinebomanarri! Ticcadeni deo pouamaccaza: “Ia cacauade” titiquena narrarope tinebomanarri. Deo camitta tarrarizara parrissa tiquenarri. Pouana bazima inauatorizarraro. Meme inauato, zama inauato, passo imeni inauato narraro. Meme abari inauato, zama abari inauato, passo abari inauato, ia bazima naqui ia tonauatobaqquirrari.

Tahimarideni 17:24

—Arrirraro zamape Deo inauatorraro. Arra bazima carri tarizarrari naco Deo inauatorizarrari. Poua inauatorizarraripa Deo Pouana bazima ecauarraro. Meme ecaua, nami ecaua narraro. Deopa madirracca nauatonirriza madiriza-rraraui. Pina ozaza, siba nauatoniza, Deopa nama nauiza madiriza-rraraui.

Romanodenidsa 4:17

Deo Atti dozo nanizape uima arrima narraro: —Orrine zama uapimacca abi tirrarraro −narrari Deo Abarahaoza. Deopa madirra uatiaui Pouarrine camittemaniui parrirerrari. Arrirraro zamape noueraporaha Deo Pouana inauatorraro. Arra zamacca carririzarrari naco noueraraha Deo Pouana inauatorizarrari. Narrarizana Abarahao parrissa narrari.

1 Corintodeniza 2:7

Arri mari mari inarrarocca nauatouepe Deo pocca. Pouarrine madirraza auatora taporraro. Nami nauato-rreraccazama Deo touini nazapa pocca uima inanarroraporraro, pocca deni torreheza iquerrenaniuarrine.

1 Timoti 4:5

Pocca danirri zamatapa, bani naco irripauiuarrinepa Deo Pouaza uati inaza Poua Attirrine icca rrirripa touissozapa irripani bica taui, onarraro.

Ebreodenidsa 1:2

Naraha rridapana zama rricanicca touarrireza iaza uati tauiuarrinepa Poua Bedi zosse inaronarraride. Narrarina iaza Imehi Atti uati uati ihiqquima narrarode. Rrehe, Poua Bedipa taide Imehi tezerre meme, nami, bazima anirizarraricca inauatomanaporrari. Nazama Deopa Poua Bedina cacauade inanarrari. Bazima rrinede torrarrariparra.

Ebreodenidsa 6:5

Deo Atticca biquehe naqui nauatoqquiri narrari. Zeso Cristocca dacorehe carrimanapozapa Zeso ccaronapomaza pocca dacorehe auato tanitoui nauatoqquiri narrari.

2 Pedoro 3:5

Madirra attideni nama quenarraridenipa ssamoqquiri narrari. Maittaccazama meme, nami Deo inauatoporraro tauimarini bodideni uatome-manauiuarrine nacasseraqquiri narrari. Deopa Poua Attiza: —Passo, titassaqquinirri nami auatoniuarrine −nazapa nama naraha parrissa quena-rrararrari.

Apocalipsis 4:11

—Ia Zozossede icca Deo, Tiaza etizeni bica tani. Tiana zama bazimaza carririzarraripa tinauatorizarrari. Tia touini teza tirrine bazima nauatorizarrari. Narrarorrine madirra bazima tiaza: “Bica tinani, deni tirrani” quenauiuarrine bica tani, inarraro −quenade.