Ebreodenidsa 10:5 - Kulina New Testament Brazil

^5-6 Nama nazapa Cristo namiuarri madide ccaronabote naza Imehi Deoza uati tarrari: —Rrehe Abi, Tiape madirradenicca uimasiri manaconi bani bedi emene da da ihiqquimemana nauiuarrine touini terrerarraro. Rrirripa bicaui da da ihiqquimemana nauiuarrine naco touini terrerarraro. Bani bedi bicaui siba ua tamaroniza botta botta quenauiuarrine naco touini terrerarraro. Danirri onihi onihi uimasiri manaconi torraniuarrine carri taraha narraro naqui touini terrerarraro. Nouerarraro. Naraha poccadeni uimasiri manaconi orraniuarrine oua pina pouadeni assiredenissa tinanarrarode.

Culina Mádija

^5-6 Nama nadsapa Cristo namihuaji madide ccaronabote nadsa Imehi Diodsa huati tajari: —Jehe Abi, Tiapi madijadenicca imasiri manaconi bani bedi emene da da ihiqquimamana nahijine tohuini tejerajaro. Jijipa bicahi da da ihiqquimamana nahijine naco tohuini tejerajaro. Bani bedi bicahi siba hua tamaronidsa botta botta quinahijine naco tohuini tejerajaro. Daniji onihi onihi imasiri manaconi tojanijine caji taraha najaro naqui tohuini tejerajaro. Nohuerajaro. Naraha poccadeni imasiri manaconi ojanijine ohua pina pohuadeni assiredenissa tinanajarode.

Ebreodenidsa 10:5 Iomraidhean Croise

Mateo 11:3

Nazapa iauarri rrauirronaza bacco narronemanazapa Zesoza uati toquenarraride: —Ia maride Zouaopa tiaza uatide ia zosse narronabaqquirrari. Poua attipa: “Tiape arra toui imadirraro Cristo-Mesia tirraqui? Ouahatoui imadiccaniuarrinerane?” nade Zouao atti −quenade.

Roca 1:35

Naraha manaco Cabirieo uati tarrari: —Deo Corimepa tiaza bacco naronauitoui. Deo memeuarri madirraripa tiaza pocca dacorehe inananitoui. Pina meme esseni nauini tiaza uezana narrarossa nezape Deocca dacorehe tiaza torraniuarrine. Narrarorrine erredeni nauatorraripa uimasiri cappira, bodi ssiuarra tauitoui. Pouaza: “Deo Bedi” quequenanauitoui.

Roca 7:19

Nazapa pouadeniza uati tarrari: —Zesoza ticadarri, pouaza ouatti uati tiquenana. Arrima tiquenarri: “Tiape arri pouatoui imadirraro Cristo-Mesia tirraqui? Ouahatoui imadiccaniuarrinerane?” tiquenana Zesoza −narrari Zouao.

Huano 1:14

Deo Attiraha assire torrazapa Zeso iaza madirrariparra. Pocca nauatonirripe bicabote deni torrani qqui inade. Nazama pocca nauatouepe orrariana nauato tarrari. Abi Deo Bedina orrariui. Pouapa uati uana taza ia todinibaqquirrari. Pouapa parrissehe rrinede.

Carasiadeniza 4:4

Naraha Deo pocca erredeni Zeso Cristo madirra iassa naha zosse inaronauiuarrinecca uada bacco teza amonerreza tossonarrari. Moizecca marinarraza ibora tauiuarrine tossonarraride.

1 Timoti 3:16

Rrehe, pocca parrissehepe bica tani, deni torrani, inarraro. Taidepe iaza auatora taporaha rridapanana iaza auato tarraro. Narrarope Zeso Cristo tauimariparri. Narraroza parrissa inarraro. Pina rriri rriri inarrarossa narraro: Pouapa assire torrazapa pina madirra iassa naha torrarrari. Iaza Deo Corime Attipa: —Deo Bedipa Imehi Attiza ibora tarrari. Pouapa Imehiza pocca uima inaparrirenissa tarraro −narrari. Deocca zozosse tabaqqui memeuarricca naco Deo Bedi qqui toquenaui. Narrari tauimari madirra bazimaza ecomerarizarraro. Nazama arrirraro zamaza madimanarrarideni poua tauimariza parrissa quenarrari. Poua naco Deorrine memeuarri toccamacossanirrari.

Ebreodenidsa 1:6

Pocca erredeni taidecca pina madirra iassa naha tossonauiuarrine iauarri zosse inaronarrari. Nazapa Poua Attipa: —Occa zozosse tabaqqui bazimapa occa erredeniza: “Deni tirrani” quenana. Pouazana uauatizemana nana, onarraro −naui nade Deo.

Ebreodenidsa 10:10

Zeso Cristopa ibora taza Deo Poua touini nauicca inanarraro. Poua ime ccaccorazapa icca uimasiri manaconi torrarraro. Pocca danirripe orrarirraro. Onihi noueranitoui. Poua emene icca uimasiri manaconi torrarrarope parrirenissa zanaporraro. Nama narraria Deo pocca madirra bicaqquiri inaniuarrine ia tonanabica-baqquirrari.

Ebreodenidsa 10:7

Nazama ouattipe: Abi Deo, ouape arri ouani. Pina otauimari Tetti dozo naniza anirrarossa onananiuarrine occaronarraro. Tia touini tanicca onananiuarrine touini onarraro −naui nade Cristo atti Dabi pocca rrirririza dozo inarraroza.

Ebreodenidsa 10:8

Deocca zossenirripe madirra poccadeni uimasiri manaconi bani bedi da da ihiqquimemana nauiuarrine icazossebaqquiporrari. Naraha Cristo uati tarraripa: —Abi Deo madirra nama quenauiuarrine nacassera taui −narrari.

Ebreodenidsa 2:14

Nazama Deocca erredeni iape essire icarri, itone icarri, emene icarri narraro. Zeso naco pina madirra iassa naha tossonazapa assire carri, tone carri, emene carri narrari. Nama nazapa zoqqueuiuarrine parrirerrari. Zoqquezapa Deoza uauadideza deni torrarrari. Arra Deoza uauadide Tocorime-Taminepa taide madirra parra inarricariuiuarrine parrireraha Zesorrine pocca dacorehe tossamorraro.

Ebreodenidsa 5:7

Zeso Cristopa arrirraro namiza madiccaza uarrirriraza Imehi Deoza uati uati tarrari. Ocasserani auaza orriema Imehiza uati uati tarrari. Bodi qquezaza naco atti moui taza uaua narrari. Imehipa dacorehe carrirrari. Poua Bedi zoqqueheza inassiuauauiuarrine parrireui. Naraha Zesopa Imehi Attiza ibora taza: —Peperri Abi, touini taniccazana ibora onarraro −narrari. Nazapa Imehi Poua Bedicca iborehe qqui taza Bedicca uatinarra mittarrari.

Ebreodenidsa 8:3

Nazapa arrirraro namicca Deoza dada toqquimade deni torrauicca bazimapa Deo pouadeni icatterrizabaqquirrari, Deo tazariuarri zepedeni ihirrimana nauiuarrine. Arra Deoza dada toqquimade deni torrauiccapa madirra Deoza uatizemanaza poccadeni da naqquinarra Deoza da da ihiqquimemana narraro. Madirradenicca uimasiri manaconi bani bedi naco da da ihiqquimemana narrari. Nazapa icca danirri dada toqquimade deni torrauicca Zeso naco icca uimasiri manaconi Deoza da inaniuarrine carrirrari.

1 Pedoro 2:24

Zeso Cristo poua assireza icca uimasiri ssonarizape aua porimacossaniza zoqquerrari. Nama nazapa pouarrine iape uimasiriza ecotarraro. Madie bica taniccazana imadirraro. Pouapa biquerarrarirrine iape ibicarraro.

2 Zouao 1:7

Naraha arrirraro zamazape mamaizade carri tarizaui. Pouadenipa: —Zeso Cristo Deoza madiporraripa pina madirrassa naha tossona-rraraui −quenarrari. Madirra nama narraripa mamaizade torrarrari. Narraripa Cristoza uadi tarrari.