Ebreodenidsa 10:4 - Kulina New Testament Brazil

⁴ Rrehe, nazapa bani bedi emene poccadeni uimasiri manaconi dada nebomana-rrararaha narraroza poccadeni uimasiri rricaniuarrine parrire-rrerarraro.

Culina Mádija

⁴ Jehe, nadsapa bani bedi emene poccadeni imasiri manaconi dada nebomana-jararaha najarodsa poccadeni imasiri jicanijine pajira-jerajaro.

Ebreodenidsa 10:4 Iomraidhean Croise

Maraco 12:33

Nazama Deozara eti uanaqquiri naniuarrine. Ibodi uatonissa teza dacoco irrireza Pouazara dameraqquiri izanapozape Pouaza eti uanaqquiri naniuarrine. Inoriccaza naqui eti uanaqquiri naniuarrine pina arri iaza eti uanaqquiri narrarossa inaniuarrine. Narrarona denima bica tarraro. Arri icca bani bedi ono torrauiuarrine Deoza dada toqquimauarri da da ihinanarrari, icca danirri onihi naqui dada toqquimauarri ihinebo narrari bazimapa Deoza bica taraha arri touati uanehe pameheccaza deni toquerrena-rrerani −naui nade zodeodenicca marinarra maride atti.

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

Romanodenidsa 11:27

Poua Atti onihi naqui arrima narraro: —Nazana pouadeni tezerre rrehe icanirerraro onaparrirenissa tezape poccadeni uimasiri onanamossinitoui −naui nade Deo.

Ebreodenidsa 10:1

Cristo uimasiri manaconi torrauiuarrine tauimaripe pina arrirraro uimassa narraro. Arra madirra ccarronaza marrirrine corime qqui inapozape zotodena assire ccarronaui nauato inarraro. Deocca zossenirri Moizeza da inaporrarope corimani. Deocca danirri denima bicabote zotode ccarronaniuarrinepe assirani. Narraro assirani parrissa torrarrarope Zesona parra. Nazama narraro Deocca zossenirri taideccape madirra uimarideni inaparrirenissa taniuarrine parrire-rrerarraro. Madirra taidedenicca Deocca zossenirri ecauemanezape poccadeni uimasiri manaconi bani bedi emene da iqquime-mananiuarrine Deo tazariuarri rrarraui torra narrari. Uarrano orrari orrari bani bedi emene da da ihiqquimemana naraha narraro danirripe uimarideni inaparrirenissa terrerarraro.

Ebreodenidsa 10:11

Nazama Deoza dada toqquimadedenipa uada uarrirriraza zepedeni ihirrimana narrari. Uarrirriraza uimasiri manaconi bani bedi emene Deoza da da ihiqquimemana naraha narrarope uimasiri inarricaniuarrine parrire-rrerani.

Ebreodenidsa 10:8

Deocca zossenirripe madirra poccadeni uimasiri manaconi bani bedi da da ihiqquimemana nauiuarrine icazossebaqquiporrari. Naraha Cristo uati tarraripa: —Abi Deo madirra nama quenauiuarrine nacassera taui −narrari.

Ebreodenidsa 9:9

Arri Deo aniuiuarri madirra rraui torrezimauiuarrine uacossaccarrarope ia mari canarraro: Deoza uatizemanaza poccadeni danirri onihi onihi da da ihiqquimemana neraha narrarorrine poccadeni uima Deoza inaparrirenissa taniuarrine ssamo tani. Madirra bazimacca uimasiri manaconi bani bedi naco da da ihiqquimemana naraha narraroza bodideni uisso taniuarrine parrire-rrerani.

1 Zouao 3:5

Naraha tiadenipe nauatoqquiri tiquenani: Arra Zeso Cristopa icca uimasiri inarricaniuarrine namiuarri ccaronarrari. Pouapa uimasiri cappirarra narrari.