Ebreodenidsa 1:8 - Kulina New Testament Brazil

⁸ Naraha Poua Bedi tauimari uati tazapa: —Tiape Deo tirrani. Ticca cacauehe nema zanaponitoui. Ticca cacauehepe dacorarraro, parrirenissa zanaponitoui.

Culina Mádija

⁸ Naraha Pohua Bedi tahimari huati tadsapa: —Tiapi Dio tijani. Ticca cacahuehe nema dsanaponitohui. Ticca cacahuehepi dacorajaro, pajiranissa dsanaponitohui.

Ebreodenidsa 1:8 Iomraidhean Croise

Mateo 1:23

Poua attipa: —Ticattomama canarri. Zouato maqquiderre ssamo teraha rriuezape erredeni carrinitoui. Poni bedizapa: Emanoueo, quequenanauitoui –napoui nade Izaia. (Emanoueo ettizape: Deo iaza madiui, inarraro.)

Roca 1:75

Uima rrirehe Pouazara imadinissa zanaponitoui. Icca madie naqui Deocca zossenirriza parrirenissa zanaponitoui −narrari Zacaria atti.

Huano 10:30

Oua occa Abi tezerrepe pina irrariqquirrarossa narraro −nade Zeso.

Huano 10:33

Naraha zodeodeni uati toquenade: —Ticca nauatonirri bicani acconipe tiaza iboquerrerani. Naraha Deoza tettipe oppina tarrarorrinena “Tia iquenaqquina” inarraro. Tiape madirra tirreraha “Deo orrani” taterre neza −quenade zodeodeni.

Huano 20:28

Nazapa Tome atti: —A, oua Zozossede, occa Deo! −nade.

Romanodenidsa 9:5

Occa madirra zodeodeni potaporraridenipa Abarahao, Izaqui, Zaca quenarrari. Narrarideni potemauidenizana Cristo-Mesia tossonarrari. Pouapa Deo. Bazima cacauade torrarrari. Pouaza etizezanaponiuarrine bica tani. Parrissa nema nana.

1 Timoti 3:16

Rrehe, pocca parrissehepe bica tani, deni torrani, inarraro. Taidepe iaza auatora taporaha rridapanana iaza auato tarraro. Narrarope Zeso Cristo tauimariparri. Narraroza parrissa inarraro. Pina rriri rriri inarrarossa narraro: Pouapa assire torrazapa pina madirra iassa naha torrarrari. Iaza Deo Corime Attipa: —Deo Bedipa Imehi Attiza ibora tarrari. Pouapa Imehiza pocca uima inaparrirenissa tarraro −narrari. Deocca zozosse tabaqqui memeuarricca naco Deo Bedi qqui toquenaui. Narrari tauimari madirra bazimaza ecomerarizarraro. Nazama arrirraro zamaza madimanarrarideni poua tauimariza parrissa quenarrari. Poua naco Deorrine memeuarri toccamacossanirrari.

2 Pedoro 1:11

Nezape niza zotode Deocca cacauehe rriquerreraniccaza bacco tiquenezape Deo uatizeza noccobirri nemanehe tiadeniza icanauabanitoui. Naniza rraui tirrezimezape ia Zozossede, ia Tonassiuauade Zeso Cristopa tiadeni touacauabaqqui-zanapouitoui.

1 Zouao 5:20

Uima onihi naqui nauatoqquiri inarraro: Deo Bedi iaza ccaronarraripa ibodiza touattehe da inarrarorrinea Deopa iaza rrizera tarrariparra. Deopa parrissa orrari narrari. Pouana Deo. Iape narrariza imadi-zanaporraro. Iape pocca Erredeni Zeso Cristoza imadirraro. Narrarina parrissa Deo Poua ia Cacauade. Narraripa camittehe rriquerreranicca rrinede.