Ebreodenidsa 1:2 - Kulina New Testament Brazil

² Naraha rridapana zama rricanicca touarrireza iaza uati tauiuarrinepa Poua Bedi zosse inaronarraride. Narrarina iaza Imehi Atti uati uati ihiqquima narrarode. Rrehe, Poua Bedipa taide Imehi tezerre meme, nami, bazima anirizarraricca inauatomanaporrari. Nazama Deopa Poua Bedina cacauade inanarrari. Bazima rrinede torrarrariparra.

Culina Mádija

² Naraha jidapana dsama jicanicca tohuajiradsa iadsa huati tahijinepa Pohua Bedi dosse inaronajaride. Najarina iadsa Imehi Atti huati huati ihiqquima najarode. Jehe, Pohua Bedipa tahide Imehi tedseje meme, nami, huapima aniridsajaricca inahatomanapojari. Nadsama Diopa Pohua Bedina cacahuade inanajari. Huapima jinede tojajaripaja.

Ebreodenidsa 1:2 Iomraidhean Croise

Mateo 13:39

Naza mina pocani nocconi uiuiradepa uizarra rrinedeza uauadide Tocorime-Tamine. Nazama niza tirico bono rradaza ti nauiuarrinecca uada bacco tarrarope pina niza zama rriqueza Deo Pouaza toquerrenarrarideni icatterriza-baqquiuiuarrine tauimarissa narraro. Arra tirico titidedenipa Deocca zozosse tabaqqui memeuarricca.

Mateo 17:5

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.

Mateo 21:38

Naraha uizarrauarri bacco nanizapa uizarra cacauadedeni poua qqui toquenaza pouadenira uati tocanirerrari: “Narraripa uizarra rrinede bedi. Nizaranibote imehi zoqqueza uizarrape pouaza torranitoui. Rrari, inanazoqquena, uizarrape icca torraniuarrine” quenarrari.

Mateo 26:63

Naraha Zesopa poua cacoma narrari. Nazapa tamine uati tapomarrari: —Deo camitta tarrari onima uati tinarri onezama iaza tia tecomerarri: Tiape Deo Bedi Cristo-Mesia tirraqui? −naui nade tamine.

Mateo 28:18

Nazapa Zeso zaboraza iaza uati tade: —Abi Deopa pocca nauatohe bazima memeuarricca, namiuarricca naco ouacauarizauiuarrine pocca dacorehe ouaza inanarraro.

Mateo 3:17

Nazapa memeuarri atti mittaronarrari: —Arrarraripa occa Erredeni. Pouaza ouati uana tarraro. Pocca uima bica tarrarorrine ouatizerraro −narrari Deo.

Maraco 1:1

Arrirraro uima bicanipe Deo Bedi Zeso Cristo tauimari icassiuaueraniuarrinecca. Poua tauimari madirra bazimaza torrarizaniuarrine arrima narraro:

Maraco 12:6

—Nazapa pouaza orraria madiccaui, narraripa uizarra rrinede poua pocca erredeni. Narrarizapa uati uana tarrari. Poua bodipa: “Occa erredenizana cappinemanauitoui” narrari. Nazapa pocca uizarra cacauadedeniza pocca erredeni zosse inanirrari.

Maraco 12:7

Naraha uizarrauarri bacco nanizapa uizarra cacauadedeni pouadenira uati tocanirerrari: “Arrarraripa uizarra rrinede bedi. Nizaranibote imehi zoqqueza uizarrape bediza poua zepepero torranitoui. Rrari, inanazoqquena, uizarrape icca torraniuarrine” quenarrari.

Huano 1:10

Ssiuarrani rrinedea arra namiza ccaronaza madirrariparra. Arra bazima carririzarraripa pouana inauatorizarrari. Naraha madirrapa pouaza noccodeni rrizaqquiri narrari.

Huano 1:14

Deo Attiraha assire torrazapa Zeso iaza madirrariparra. Pocca nauatonirripe bicabote deni torrani qqui inade. Nazama pocca nauatouepe orrariana nauato tarrari. Abi Deo Bedina orrariui. Pouapa uati uana taza ia todinibaqquirrari. Pouapa parrissehe rrinede.

Huano 1:3

Nazama arri bazima torrarizarrarope Zesona inanarizarraro. Rridacca Zeso nouerazapa arra namicca uapima torrariza-rraranarra.

Huano 13:3

Zesopa Deo Pouauarri ccaronauicca nauato, Deouarri toccamacossani-uiuarrinecca nauato, Poua Imehicca deni torrehe carriui naco nauato tarrari.

Huano 13:32

Deocca deni torrehe ouaza auato tezape manaco Deo occa deni torrehe auato inananitoui. Narrarope bacco tabote nani.

Huano 15:15

Rridapanape tiadeniza: “Occa zozossedeni” onerrerani. Madirra zozosse inanabaqquirraripa pocca zozossedeni pocca uima ssamoqquiri narrari. Naraha ouape occa Abi ouaza uati uati tarrari nemanehe tiadeniza ouacomerarraro. Narraroa arri tiadeniza: “Otessedeni” onarraroparri.

Huano 16:15

Occa Abicca bazimape oua naqui occa. Narrarorrine ouattipe: Deo Corimeza auato onanezape tiadeniza auato inananitoui, onarraro −nade Zeso.

Huano 17:2

Arri oua ticca erredenipe madirra bazimaza tirrine tamine orrarraro. Arra ouaza tinanabaqquirraridenipa pouadeniza camittehe rriquerreranicca da onarizaniuarrine.

Huano 3:16

—Deopa madirraza uati cauanari canaui. Poua Bedi orrari naraha da inazapa bazima pouaza parrissa quenarraridenipa tocassiuauerauiuarrine. Camittehe rriquerreranicca naco carrimana-zanapouiuarrine.

Huano 3:25

Nazapa Zouao uatimadedenipa zodeo orraria tezerre bodideni touissomanauiuarrinecca uima arrauarri uati arrauarri uati quenarrari.

Huano 5:26

—Abi Deopa camittehe rrinede. Ouape Poua Bedi ouaza naqui camittehe da inarraro.

Huano 5:27

Occa Abirrine ouatti ocarrirrarope niza zama rriqueza madirradenicca uimasiri manaconi pouadeniza onassonarinitoui. Ouape Madirra Bedi orrarrarode.

Huano 9:29

Iape Moizeza Deo uati taporraripa nauatoqquiri inani. Naraha narrari maqquiderrezapa nauatoqquiri inerrerani. Nerrecoma nauiccatta? −quenade zodeodenicca taminedeni.

Tahimarideni 10:36

Deopa ia Izarraeodeniza uima bicani uati narronarrari. Narraroa arri Zeso Cristorrine Deo iaza torronerrariparra. Pouarrinena Deocca uadie zori icanirenitoui. Pouana madirra bazima Zozossededeni.

Tahimarideni 2:17

“Oua Deo Ouattipe: Niza zama rricanicca uada touarrirezape Ocorime naqui madirraza onanarizauitoui. Ticcadeni erredeni zabisso, zouato naqui Ouatti ecomerarize-mananitoui. Zabissodeni, rradauideni naco occa uima parrissehecca pouadeniza noue onezape poccadeni uadassa neza qqui qqui toquenauitoui.

Romanodenidsa 1:4

Deo Corimerrinena Zeso Cristocca uima auato inanarraro. Zeso zoqquezapa Deo pocca dacorehema inauatonirrari. Narrarorrinena uima auato tarraro: Ia Zozossede Zeso Cristopa Deo Bedi.

Romanodenidsa 8:17

Nazama Deocca erredeni iquerrenezape pocca danirri bicani iaza torranitoui. Uapima Deorrine pocca erredeni Zeso Cristoza torrarrarope iaza naqui torranitoui. Parrissa Cristo poua tezerre ocasserani ezape niza zotode pocca cacaueheza bacco ineza poua tezerre pocca deni torreheza ia naqui imadinitoui.

1 Corintodeniza 2:7

Arri mari mari inarrarocca nauatouepe Deo pocca. Pouarrine madirraza auatora taporraro. Nami nauato-rreraccazama Deo touini nazapa pocca uima inanarroraporraro, pocca deni torreheza iquerrenaniuarrine.

1 Corintodeniza 8:6

Naraha iazapa Deo orrariui icca Abi memeuarricca. Pouana bazima inauatorizarrari. Pouaza imadirizarraro. Ia Zozossedepa orrariui Zeso Cristoparra. Pouarrinena bazima anirizarrariparra. Narraroa arri iaparri.

Carasiadeniza 4:4

Naraha Deo pocca erredeni Zeso Cristo madirra iassa naha zosse inaronauiuarrinecca uada bacco teza amonerreza tossonarrari. Moizecca marinarraza ibora tauiuarrine tossonarraride.

Epesodeniza 1:10

Narraroa niza zotode Poua touini nauicca uada bacco teza pocca tonauatobaqquinarra bazima arra memeuarricca, namiuarricca naco bazima inatassaqquiuitoui. Nazapa Poua Bedi Zeso Cristo bazimaza deni inanazapa pouana bazima ecauabaqquiuitoui.

Epesodeniza 3:9

Deo ia Nauatode Pouarrine maittaccazama pocca uima bicani narroraporaha auatora tapoccade. Rridapana narraro uima touatozape madirra bazima mittemanauiuarrine maride oua cazosserrari.

Ebreodenidsa 1:5

Deopa pocca zozosse tabaqquideni orrariaza arrama narrarico? —Tiape occa erredeni tirrani. Rridapana Ouape ticca abi orrani −narrarittaco? Noueraui. Poua Bedizana nama narrari nade. Poua Atti pocca zozosseza: —Ouape pocca Abi orranitoui. Poua naco occa erredeni torrauitoui −narrarittaco? Noueraui. Poua Bedi tauimari uati tapozana nama naui nade Abi Deo.

Ebreodenidsa 1:8

Naraha Poua Bedi tauimari uati tazapa: —Tiape Deo tirrani. Ticca cacauehe nema zanaponitoui. Ticca cacauehepe dacorarraro, parrirenissa zanaponitoui.

Ebreodenidsa 11:3

Ia naqui Deoza rrehe inanissa tezape Deo Pouarrine meme nami bazima inauatorizaporraro nauatoqquiri inarraro. Pouarrine nauatorizani qqui inarraro bazimape noueraporaha Poua Attiza inauatorizarraro.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

Ebreodenidsa 3:6

Naraha Zeso Cristopa Deo Bedi. Imehi Attiza ibora tazapa pina Moizessa narrari. Deocca ozacca madirra cacauade deni torrauicca torrarrari. Nazama ia Zesoza rrehe izanaponissa taza ia tonassiuauabaqquiuiuarrine toui imadirraro naqui Deocca ozacca madirra iquerrenarraro.

Ebreodenidsa 4:14

Deo Bedi Zesopa Imehi madiuiuarri toccamacossanizapa rridapana memeuarri madirrari. Pouapa icca uima Imehi Deoza uauati toqquimade deni torrauicca. Ouaha pina pouassa narrari noueraui. Pouazara parrissa ineza pouatoui dameraqquiri izanapona.

Ebreodenidsa 5:8

Nazama Deo Bedi Zeso Cristopa ocasserani aua-rrarauiuarrine parrireraha nama naha ocasserani auarrari. Nama narraripa Imehi Deo Attiza ibora tauiuarrine touattarrari.

Ebreodenidsa 7:28

Deo pocca zossenirri Moizeza da inarrarope Pouaza dada toqquimade, uimarideni uauati toqquimade toquerrenauiuarrinepa madirrara icatterrizabaqquirrari. Naraha madirradenipa rrapariqquiri naui. Deo Attiza iboraqquiri nauissa tauiuarrine parriremana-rrararrari. Naraha zotode Moizecca marinarra nattinipe Deo Poua Bedina icatterrizarrari, dada toqquimade deni torrauicca torrauiuarrine. Poua Atti Bediza: —Parrissehera tiaza uati onarraro. Ouattissa onananitoui −nazapa Deo Poua Bedi Zeso inaparrireuissa taza madirracca danirri dada toqquimade, uimarideni uauati toqquimade deni torrauicca torrazanaporrari.

Ebreodenidsa 7:3

Poua tauimari mota nauato ineraha motape ssamoqquiri inani. Poua imehi oni, imeni onini, biridideni oni, midinideni onini naqui ssamoqquiri inani. Poua tossonauicca uada, zoqqueuicca uada naqui ssamoqquiri inani. Nama nazapa poua tauimaripe pina Deo Bedi tauimarissa narraro. Deoza dada toqquimade nama zanapouitoui.

Ebreodenidsa 9:26

Rridacca uarrano uarrirriraza poua emene toccaniuarrine poua ccaccaccora narronazapa zama nauatoponizama zoqquehe tonauanarronanarra. Naraha rridapana zama rricanicca uada touarrireza iaza ccaronarrari. Zoqqueheuarrine poua ccaccoraui orrariui, icca uimasiricca dacorehe inarricaniuarrine. Nama naui orrari nazapa paparra. Nama napoma-rrarauitoui.

1 Pedoro 1:20

Zeso Cristopa zama nauato-rreraccazama madirra Idinide torrauiuarrine Deo inanarroraporrari. Rridapanana zama rricaniuarrine touarrirarroneza tiadeni todinibaqquiuiuarrine arrirraro namiza ccaronarrari.

2 Pedoro 3:3

Taidepe arrirraro uima tetideni rrima terrerarri: Zama rricani touarrirarronezape madirra uaidira taniccaza dameraqquiri narrarideni bacco quenauitoui. Narraridenipa pouadeni attiza tiadeni touattarro-baqquimanauitoui.

Jodacca 1:18

Attidenipa: —Zama rricabote nezape madirra attideni uaidira taniccaza rrirrizade carri tauitoui. Narraridenipa uaidirehe touira madimanauitoui −quenade tiadeniza.