Ebreodenidsa 1:1 - Kulina New Testament Brazil

¹ Maittaccazama Deopa Poua Atti cacomeraqquiri narraridenizana uati taza narraridenina icca idideniza uati uati ihiqquimemana narraro. Deopa pocca zossenirri, madirra pouadeni tezerremacca uima auato inanarrarope onihi onihi inanarraro. Naraha Poua Attiza uati taui orrari-rrerani. Poua Atti cacomeraqquiri narraridenicca uadaza naqui auato inanarraro, bodideni naco inauattabaqquirrari.

Culina Mádija

¹ Maittaccadsama Diopa Pohua Atti cacomeraqquiri najaridenidsana huati tadsa najaridenina icca ididenidsa huati huati ihiqquimamana najaro. Diopa pocca dosseniji, madija pohuadeni tedsejemacca ima ahuato inanajaropi onihi onihi inanajaro. Naraha Pohua Attidsa huati tahi ojari-jerani. Pohua Atti cacomeraqquiri najaridenicca huadadsa naqui ahuato inanajaro, bodideni naco inahattabaqquijari.

Ebreodenidsa 1:1 Iomraidhean Croise

Roca 1:55

Rrehe, narraro uimape Deo icca idideniza uati tarra narronapoui narrari. Icca idi Abarahaoza, poua potemauideni bazimaza uati cauanari canarronarraria arra iaza naco nama nauiparra zanaporrari −narraro Maria Deoza uatizeza.

Roca 1:72

Deopa icca idideniza uati uana tarrari. Pouadeni tezerre rrehe canirerraricca uima uati rrama-rrararrari. Inaparrirenissa tanitoui.

Roca 24:27

Nazapa Deo Atti dozo nanicca pouadeni bodi uatome-manauiuarrine mari icanabaqquirrari Zeso. Taidepa Moizecca marinarraza Cristo-Mesia tauimari dozo naniza Zeso poua tauimari pouadeni mari icanabaqquirrari. Deo Atti cacomeraqquiri narraridenirrine poua tauimari dozo narronemanarraricca dozonirri naqui mari icanabaqquirrari.

Roca 24:44

Nazapa pouadeniza uati tarrari: —Arri uima ouaza torrarrarope pina tiadeniza occarizaponi uati onaporrarossa narraro torrarraro. Narrarope Deo Atti dozo naponiccassa narraro. Arri Moize otauimari dozo inaporrarope narrarossa narraro. Deo Atti cacomeraqquiri narrarideni naco otauimari dozo iquenaporraro. Arrie rrirriridedeni naco otauimari dozo iquenaporraro. Narraro bazimape maittaccazama dozo iquenerre narronaponi narraro. Narrarossa narraro Deorrine ouaza torrarraro −narrari Zeso.

Huano 16:13

Naraha niza tiadeni Acco Canade Deo Corime Parrissehecca Maride bacco naronazana uima bazima parrisseheccara tiadeniza inanazanaponiuarrine. Narrarope poua mottacca uima rrerani, Abi Deo uati tarrari mittaza tiadeniza uati toqquimauitoui. Itezerremacca uima naqui tiadeni tonauattabaqquiuitoui.

Huano 7:22

Arri Moizecca marinarrazape: “Maqquiderredenipa zopori cotani eteroni uissinarra cacarrimana nauiuarrine” napoui nade. (Naraha narraro uimape Moize uati taza rrerani. Abarahao madipozama nema narronarraro.) Narraroa arri erredeni uadari 8 nazapa sabadoraha zopori cotani eteroni uissinarra titinacarribaqquimana narrariparra.

Huano 9:29

Iape Moizeza Deo uati taporraripa nauatoqquiri inani. Naraha narrari maqquiderrezapa nauatoqquiri inerrerani. Nerrecoma nauiccatta? −quenade zodeodenicca taminedeni.

Tahimarideni 13:32

—Nazama oua Banabe tezerre naqui Zeso tauimari bicani icassiuaueraniuarrinecca tiadeniza uati inarraroparri. Maittaccazama Abi Deopa icca idideniza narraro uima uati taporrari.

Tahimarideni 2:30

Nazama Dabipa Deo Atti cacomeraboterra narrari nauato taporrari. Pouaza Deo uati tapozapa: “Parrissehera tiaza uati onarraro. Tipotemani orrariapa tamine deni torrauicca torrauitoui” napoui nade Deo.

Tahimarideni 28:23

Nazapa pocca marinarra mittemanauiuarrine uada orrarie icatterrizemanade. Narraro uada bacco taza izamassa Paorocca ozauarri bazima queriqquimanade. Nazapa Paoro Deocca cacauehe tauimarini, Zeso tauimari naco mari icanabaqquirrari. Zeso tauimariza parrissa quenauiuarrine damera tarrari. Moizecca marinarraza, Deo Atti cacomeraqquiri narraridenicca dozonirriza naqui mari icanabaqquirrari. Narraro maridepe marri touaqquemanaraha zomezana paparra quenade.

Tahimarideni 3:21

Rridapanapa Zeso Cristo memeuarri madiccaui, naraha niza Deo Poua nacassa taza zosse inaronapomauitoui. Nazana zama bazima inabiquemaninitoui. Narraro uima naqui maittaccazama Deo Atti cacomeraqquiri narrarideni dozo iquenaporraro.

Ebreodenidsa 11:2

Maittaccazama icca idideni Deoza rrehe quenauissa tazapa Deo pouadeniza: —Tiadenipe ouaza bicaqquiri tiquenani −narrari quenade.

Ebreodenidsa 12:25

Nema nezape Deo tiadeniza uati tazapa timittemananissa tarri. Poua Atti tettarromana-rrerarri. Arrana maittaccazama madimanarraridenipa Moize pouadeniza Deo Atti uati uati tarrariraha ettarromanezape Deocca narrizoue zori tocanire-rrararrari. Nema nezape Deo memeuarri iaza uati naronaza Atti ettarrozape pocca narrizoue denima oppina tanicca zori icanire-rreranitoui.

Ebreodenidsa 2:2

Maittaccazama Deo pocca zozosse tabaqqui memeuarricca inauattabaqquizana Moizeza uati toqquimemanarrari. Narraro Deocca zossenirri parrisseheccape dacorehe carrini. Madirra narraroza iboqquiri naza uaidirehe inanemanezape Deo inarrizo-baqquirrari.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

Ebreodenidsa 3:5

Moizepa Deo Attiza ibora tazapa Deocca ozacca madirra cacauade torrarrari. Naraha pouapa Deocca zozosse. Moize madiza zepe irrirraripa Deorrine poua noccoza qqui tarrari, mittarrari narraro Deocca madirraza ehecomera narraro. Narrarope niza zotode Deo pouadeniza uati tauiuarrine ehecomerapo narraro.

Ebreodenidsa 4:8

Nazama arra Moize birri accode Zosouena Izarraeo potemauideni zama Canahauarri iaqquezimabaqquirrari. Narraro zama bicaniza bacco tozimemanaraha rrassi quenauissa tarraraui. Deocca rrassinarra parrisseheccaza toquerrena-rrararrari. Nazapa zotodedeniccana rraui torrezimauiuarrine uada onihi narrorapomarraro.

Ebreodenidsa 5:5

Zeso Cristo naco poua touini naza: —Ouana Deoza dada toqquimade, uimarideni uauati toqquimade deni torrauicca orrana −narrararrari. Deo Pouana Bedi icatterrizarrari, narraro cacauehe deni torranicca carriuiuarrine. Nazapa Bediza Atti arrama narrari: —Tiape occa erredeni tirrani. Rridapana ticca Abi orrani, onarraro −napoui nade.

Ebreodenidsa 9:19

Moizepa Deocca zossenirri nemaneheza madirra mari icanabaqquia rricazapa arrama narrari: Boui bedi emene, eueue rrizaza bode emene passoza icanarrimemanarraro. Nazapa bani emene uiuissa inauatorrari. Eueue cone maccouiza coro tozippani macco tarrarocca aua tere tarrari oni isopo inineza ssoque izanarraro. Nazapa uiuissa cote bani emene passoza carrimaza ezippa naza Deocca zossenirri dozo nani uissa uissa narizarrari. Pouaza queriqquimanarrarideni naco uissa uissa inaririzabaqquirrari.