Apocalipsis 8:3 - Kulina New Testament Brazil

³ Zotode Deocca zozosse memeuarricca ouaha ccarronarrari, nauatoui marro bicabote totouessicca uauanari tazarranima uarrari. Poua zepeza basia oro nauatoni marro bicaboterrine zorro icarrizarrari. Nazapa pouaza nauatoui marro bicabote uapi taha da iquenarrari, iessiuiuarrine. Iessizapa essene marro Deoza parrissa quenarraridenicca uatinarra tazarrani Deoza bacco bacco tarraro. Nazapa uiuittari bicabote tazarranima totouessicca uauanari oro nauatoni tetepiniza iessirrari.

Culina Mádija

³ Dsotode Diocca dodosse ohuaha ccajonajari, nahatohui majo bicabote totohuessicca huahuanari tadsajanima huajari. Pohua dsepedsa tasao oro nahatoni majo bicabotejine dsojo icajidsajari. Nadsapa pohuadsa nahatohui majo bicabote huapi taha da quinajari, iessihijine. Iessidsapa essene majo Diodsa pajissa quinajaridenicca huatinaja tadsajani Diodsa bacco bacco tajaro. Nadsapa huihuittari bicabote tadsajanima totohuessicca huahuanari oro nahatoni tetepinidsa iessijari.

Apocalipsis 8:3 Iomraidhean Croise

Roca 1:10

Toqquezimazapa marro bicabote iessiza rrami-mi cananarra amossiniuarri madirra bazima Deoza uatide toquerrenarra narrari.

Romanodenidsa 8:34

Nerrecorrarina Deo icatterriza-baqquirrarideniza: —Narrizoueuarri ocasserani auemanauitoui −nauiuarrine parrirerrari? Ssamo taui. Zeso Cristopa itoui parrissa zoqquerrari. Narrarina parrissa nauatonirrari. Toccamacossanizapa Imehi Deo uinori nauatoniuarri uittarirrari. Nauiuarri uittariza Imehiza uati uati nanarra narrari, ia touacaua-baqquiuiuarrine.

Ebreodenidsa 7:25

Nama nazapa pouaza rrehe inezape pouarrine Deoza iarriressirraro. Icassiuauera-zanaponiuarrine naqui pouana parrireui. Pouana madizanaporrari. Itoui Deoza uati uati zanapouitoui, ia acco tocanabaqquiuiuarrine.

Ebreodenidsa 9:4

Uauacossa bacconiuarri Deoza da tauiuarrinecca uauanari bazira tocanarraro cauittizarraro. Narraro uauanaripe uapini nemanehe oroza nepi canarraro. Naniza nauatoui marro bicabote touessizapa marro totoccabaqqui narrari. Nani ideniuarricca bodiza naqui Deo tezerre rrehe canireuicca bau cauittizarraro. Narraro baupe uapini nemanehe oroza nepi canarraro. Bodizape coripissa narraro oro nauatoni anirraro. Narraroza memeuarricca pao oni mana cauittizarrari. Araocca zozorro moro tanicca naqui naniza pozarraro. Deo tezerre rrehe canireuicca zossenirri siba pameheza dozo nani naqui codizarraro

Apocalipsis 10:1

Nazapa memeuarri qqui onanarra Deocca zozosse dacorabote ouaha meme essenima carrimaha ccaronarrari. Poua tatiza meme rranoni porimacossanissa narraro carrirrari. Panopa pina marri ssiuerrenessa narrari. Issopa pina zippo rrororoni pamarrarossa narraro.

Apocalipsis 14:18

Nazapa memeuarri Deoza da tauiuarrinecca uauanari cauittariniuarri Deocca zozosse ouaha naco qquenarrari. Pouapa zippo rrororoni rrinede. Nazapa arra massito rrocazani iditarraro zorro torrizarrariza atti moui taza uati tarrari: —Namicca ppa naui uva bono rradabote torraui. Ticca massito rrocazarraro ididitarraroza uva zepema namanaha uissi tippirizaza tinaccarizarro −narrari.

Apocalipsis 5:8

Narraro papeo idizape camittehe carrimanarrarideni 4 quenarrari, cacauadedeni 24 quenarrari tezerre Eueue Bedi poua aniui uarri pouadeni pitoza rrassi tarrari. Pouadenipa titire onini arpa carrimanarrari. Pouadeni zepeza basia oro nauatoni bodiza nauatoui marro bicabote carri naha zorro zorro torrizemaneri narrari. Marro bicabote touessiza rrami-mi canarraripa Deocca madirra Pouaza uati uati totoquena nauicca uima.

Apocalipsis 6:9

Nazapa papeo nepi tamaroni onihi 5 nanicca Eueue Bedi itaborraro. Nanarra Deoza da tauiuarrinecca uauanari dopaniza rricaporrari corimedeni qqui onabaqquide. Narraridenipa Deo Attiza dameraqquiri narrari, arra Zeso Cristo tauimari uati uati nanarizemana narrarirrine rricarrari.

Apocalipsis 7:2

Pouadenipa dacorehe carrimanarrari, nami, passo inarrizorize-mananiuarrine. Nazapa Deocca zozosse ouaha marri ccarronauiuarri ccarronaui qqui onarrari. Narraripa Deo Camittehe carrirraricca nanarrano zorro narronarrari. Nazapa Deocca zozosse tabaqqui memeuarricca 4 quenaha uaueri nauarranirrarideniza rrazirema uaua nade.

Apocalipsis 8:4

Nazapa Deocca zozosse memeuarricca zepeza zorro icarrizarrari marro bicabote rramimine arra Deoza parrissa quenarraridenicca uatinarra tazarrani toccamacossaza Deoza bacco tarraro.

Apocalipsis 8:5

Nazapa Deocca zozosse memeuarricca basia zorro icarrizarrariza marro bicabote totouessicca zippo ononi rradarini inarrirraro. Nezape namiuarri quissa inaronanerre oppina tehe torrarizarraro. Ttororo canerre, mouini rriza tehe tomouirizerre, ssiueue canerre, namiuarri naqui nami zaroro terre narraro.

Apocalipsis 9:13

Nazapa Deocca zozosse memeuarricca 6 nauicca rrori rrori nanarra touatti omittarraro. Deo baccouarri uauanari oro nauatoni orini 4 narraro nocconiza touatti mouini qquenarraro.