Apocalipsis 8:10 - Kulina New Testament Brazil

¹⁰ Nazapa Deocca zozosse memeuarricca 3 nauicca rrori rrori nanarra amoua mota carrirarrari memeuarri dirri tocanaha rrororone motarehema cassonarrari. Nami arobeniza cassonaza ueni motaza, passo sibaza qquenarraro motaza cassonipparizarrari.

Culina Mádija

¹⁰ Nadsapa Diocca dodosse 3ʼcca jei jei nanaja abadsico bedi mota cajirajari memehuaji diji tocanaha jororone motarehema cassonajari. Nami arobenidsa cassonadsa hueni motadsa, passo sibadsa qquenajaro motadsa cassonipparidsajari.

Apocalipsis 8:10 Iomraidhean Croise

Mateo 25:1

Nazapa Zeso madirra denima mari icanabaqquirrari: —Deocca cacauehe torrezape pina arrirraro uimassa nanitoui: Zouato 10 quenarrarope zabisso zouato cacarrireuicca rripaqquietoui narroremanezape ponidenicca rrorrororo equidirizemanaza zabisso uenabote narrari bacco irrizemanauiuarrine zome rraui torrarraro.

Roca 10:18

Nazapa manaco Zeso pouadeniza uati tarrari: —Rrehe, ouana Deoza uauadide Tocorime-Tamine memeuarri Deorrine ssonaronaui pina ssissiuedessa naronaui qqui onarraride.

Jodacca 1:13

Pouadenipa ueni imenicca passo rrorroderrine rrazirema rriba rriba narrarossa quenarrari. Poccadeni uaidirehepe pina ssaborrani ssiquiuarri torreza auato tarrarossa narraro. Pouadenipa pina amouadeni rrano tocarraza zizini oppina taniuarri tocarrarrarissa zanapomanarrari.

Apocalipsis 1:20

Arra amouadeni 7 canaha ozepe nauatoniccaza qqui tinarrari, rrorrororo pinine orocca 7 naha qqui tinarraricca uima auatora teraha uimape arrima narraro: Arra amouadeni 7 canarraripa otauimariza quequeriqquimana narrari 7 narraro cacauade toquerrenarraridenicca uima. Arra rrorrororo pinine 7 narrari naco otauimariza quequeriqquimana narrari 7 narraro −nade Zeso ouaza.

Apocalipsis 12:4

Nazapa daragao imehibotepa amouadeni mota (Cariua attizapa: tercera parte, quenarrari) poua zoporiza rrazirema rroue inaronabaqquizapa namiuarri ua inaronabaqquirrari. Nazapa daragao imehibote amonerre izoni comarraro tazarranima uarrari. Erredeni tossonazapa amazati rripauiuarrine narrorarrari.

Apocalipsis 14:7

Nazapa poua atti moui taza uati tarrari: —Deo noppine ticappinemanarri. Deoza: “Tiana deni tirrani” tiquenarri. Zama bazimacca madirracca uimasiri manaconi narrizouepe Deo Pouarrine torrabote nani. Pouana meme inauato, nami inauato, passo imeni inauato, passo sibaza qquenanicca inauato narizarraro. Pouazara tetizemanarri −narrari.

Apocalipsis 16:4

Zotode Deocca zozosse 3 nauicca naco pocca tasacca sso inaronezape uenicca passo, birrinicca passo, sibaza qquenarrarocca passo naqui touemene torrarizarraro.

Apocalipsis 6:13

Memeuarricca amouadeni naco namiuarri catorrarizarrari. Pina aua piquera bono birizati rrorrode dacoraboterrine catorrarizarrarissa nade.

Apocalipsis 8:7

Nezape Deocca zozosse memeuarricca taidecca rrori rrori nanarra passo ccara torrani, zippo rradarini touemene carrimehe quissa inaronarraro. Narrarorrine nami arobeni dirri tezape aua mota dirri, ppatanicca, mina naqui nemanehe dirri tarizarraro. (Arobenipe cariua attiza: tercera parte, quenarrari.)

Apocalipsis 9:1

Nazapa Deocca zozosse 5 nauicca rrori rrori nanarra memeuarricca amoua namiza cassonaza cauittaui qqui ocanarrari. Narraripa Deocca zossenirri. Pouaza nami odini uarri tanicca chave da icanarraro.

Apocalipsis 9:15

Nazapa Deocca zozosse tabaqqui memeuarricca 4 quenarrarideni tappa inabaqquirrari. Madirra mota inarricarize-manauiuarrine rraui torrarrari. Pouadenipa narraro uimaza zepedeni irririze-manauiuarrinepa narroremanaporrari. Arra pouadeni zepe irriuiuarrinecca marri, uada, abazico, uarrano bacco taza zepedeni irrimanarrari.

Apocalipsis 9:18

Arra cavaro arraridenicca 3 naha qquenarrari comenerrine madirra mota cacotarizarrari. Narrarope zippo rrororoni, zippo esseni, enxofre marro uaidira tarrari comenerrine.