Apocalipsis 7:10 - Kulina New Testament Brazil

¹⁰ Attideni moui taza uaua quenade: —Icca Deo deni torrarraripa pocca uiuittariza uittarirrari. Narraripa ia Tonassiuauade. Eueue Bedirrine naqui icassiuauerarraro −quenade.

Culina Mádija

¹⁰ Attideni mohui tadsa huahua quinade: —Icca Dio deni tojajaripa pocca huihuittaridsa huittarijari. Najaripa ia Tonassiajade. Edede Bedijine naqui icassiejerajaro −quinade.

Apocalipsis 7:10 Iomraidhean Croise

Roca 3:6

Rrehe, ia Zozossedetoui tinarroremaneza poua ccarronazapa pouarrine madirra bazimaza Deocca danirri tossiuauehecca auato taniuarrine” nanarra nauitoui zama uamoniuarri madirraripa −napoui nade Deo Atti Izaiarrine dozo naniza.

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

Huano 1:36

Nauizana Zesoza toqqueqquimaui Zouao qqui taza pouadeniza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi Deoza da da inarrarissa naraha icca uimasiri manaconi torrauiuarrine Deo iaza eccorarrari −nade Zouao iaza.

Huano 4:22

—Samaritano tiadenipe Deoza tetetizemana naraha, narraro uimape ssamoqquiri tiquenani. Naraha zodeodeni iana parrissa Deoza ehetize narraro. Ia zodeodeniza tossiuauehe ccarronaporrarona madirra bazimaza torraribaqquirraro.

Epesodeniza 2:8

Abi Deopa titouideni uati cauanari canarraria tiadeni tonassiuauabaqquirrari. —Zeso Cristo parrissa itoui zoqquerrari −tiquenezape tiadeniza tossiuauehe inanarraro. Tirrinedeni rrerani. Abi Deo touini naza manaconi rrirehe tiadeniza inanarraro.

Apocalipsis 12:10

Nezape memeuarri touatti mouini omittarraro attipa: —Rridapanana ia Zozossede Deo ia tonassiuauabaqquiuicca uima bacco tani. Rridapanana Deocca dacorehe, pocca cacauehe iaza auato tani. Deo pocca Cristo-Mesia poua zosse zosse nauicca uima bacco tani. Arrana, imecotedeni tauimari pouama uatirride rabote Tocorime-Taminepa coro inaronarrari. Zome, ssiuarra, zome, ssiuarra icca Abi Deo tezerrema imecotedenicca uima uati uati nanarra naraha rridapanape pocca uima rricani.

Apocalipsis 19:1

Nezape Babironia dirri tehe rricani nattinipe memeuarri madirra bazima attideni moui tehe omittarraro. Pouadeni attipa: —Areroia, ia Zozossede Deopa bica taui! Pouapa tossiuauehe rrinede. Uima uapimaza deni torrarrari. Pouana denima dacoraui orrarirrari.

Apocalipsis 21:5

Nazapa arra Deni torrauicca uiuittariza uittari canarrari Attipa: —Ouape bazima zati onanarizaui −nade. Poua Atti onihi naqui: —Arrirraro uima dozo tarri. Arrirraro uimape parrissa. Uimape pina arrirrarossa nehe torranitoui −nade.

Apocalipsis 22:3

Narraro oza pananiuarripe uaidirehe noue, Deocca narrizoue naqui noueranitoui. Nanizape Deo, Eueue Bedi pouadeni pamahacca uiuittari cauittarinitoui. Deocca zozosse bazima pouadeni pamahaza uatizemanauitoui, rriri rriri quequenanauitoui.

Apocalipsis 4:6

Nani pocca uiuittari bicabote tazarranimape pina ueni imehissa naraha ccara tarraro. Tocassiuerreqquimera narraro, pina siba cristaossa narraro. Naui Poua uittariui uinoriza naco camittaqquiri narrarideni 4 quenaha uaueri nauarranirrari. Poua baccouarri, poua ideuarri, poua ppari nauatoniuarri, poua ppari ssamouarri narizemanarrari. Camittehe carrimanarrari assiredenizape noccodeni irririzarraro. Pouadeni tezerrema qquide nauatoqquiri, pouadeni nattiuarri qquide nauatoqquiri narrari.

Apocalipsis 5:7

Nazapa Eueue Bedipa papeo pico naqquini idiniuarrine deni torrauicca uiuittari bicaboteuarri toccarrari. Nauiza uittarirrari zepe nauatoniccaza papeo zorro irrizarraro idirraro.