Apocalipsis 6:12 - Kulina New Testament Brazil

¹² Nazapa papeo nepi tamaroni onihi 6 nanicca Eueue Bedi itaborraro. Ocattoma cananerre zama nemanehe zaroro narraro. Marripa tozizirrari. Pina etero soueni madirra zoqqueuitoui orri quenaza uezemanarrarissa narraro. Abazico naco tomaccorrari, pina touemenessa nade.

Culina Mádija

¹² Nadsapa papeo nepi tamaroni onihi 6ʼcca Edede Bedi ssoja ijidsajaro. Ocattoma cananeje dsama nemanehe dsadsa najaro. Majipa todsidsijari. Pina etero sohueni madija dsoqquehitohui oji quinadsa huedsamanajarissa najaro. Abadsico naco tocamaccojari, pina tohuemenessa canade.

Apocalipsis 6:12 Iomraidhean Croise

Mateo 11:21

Poua attipa: —Rraho, oza panani Corasinauarri timadimanarrarodenipe narrizoue oppina tanicca tiadeniza ssonarinitoui. Rraho, oza panani Besaidauarri timadimanarrarodeni naqui narrizoue oppina tanicca tiadeniza ssonarinitoui. Arrina, ticcadeni oza pananiuarri ocanauatori canani qqui qqui tiqueneraha tibodideni cacarriqquimerehe nerrerade. Neraha maittaccazama oza panani Tirouarri madimanaporraridenipa uaidiraqquiri narrari, arri oza panani Sidouarri madimanaporrarideni naco uaidiraqquiri narrari pouadeni bazimapa ocanauatori canani qqui toquenapo-rrararrari. Rridacca qqui toquenazapa Deoza toquerrenauiuarrine narromana-rrarauitouiraha. Poccadeni uimasirirrine bodideni ocassera tazapa etero rriza tanicca uezemanaza zippocca tabarroconi pouadeni tatiza uira uira quenaza orri orri quenauitouiraha −nade Zeso.

Mateo 24:29

Zesopa uima denima uati uati tarrari: —Neraha ocasserehe inauanemanani nattinipe marri ouiuitoui. Abazico naco ouiuitoui. Memecca amouadeni naco catorrauitoui. Rridapanapa memecca bazima dacoraqquiri naccaui. Naraha zotodepa meme zaroro nezape rrenene rrenene canauitoui.

Mateo 24:7

Nazama madirra zama onihicca, zama onihicca tezerre rrazire inanemana-rizanitoui. Tamine ouahacca madirra, tamine ouahacca madirra tezerre cauadire-rizerauitoui. Pemi naqui carririzanitoui. Nami zaroro zaroro naqui anirizanitoui.

Mateo 27:45

Marri orrari uaririnaza zama nemanehe tozizini narraro. Zizi zanaporrarope marri 3 bacco tarraro.

Mateo 27:54

Nazapa ssonouarri isso teppeppe tamine, pocca isso teppeppedeni tezerre Zeso cacauade domo uarraridenipa nami zaroro nani qqui, oppina tanicca uapima qqui toquenazapa uarro quenaza attideni: —Rraho! Parrissa arrarraripa Deo Bediraha −quenaui nade.

Mateo 28:2

Touedanerre… nami rrazirema zaroro narraro. Arri nami rrazirema zaroro narrarope ia Zozossede Deocca zozosse memeuarricca ccaronarrari. Ccaronazapa Zeso noccobiricca siba cco inarraro. Nazapa narraro sibaza uittari canaui quenade.

Maraco 15:33

Marri itetepi torraza zama nemanehe tozizini narraro. Zizi zanaporrarope marri 3 bacco tarraro.

Apocalipsis 11:13

Nanerre amazati nami zaroro tarraro narrarope ccarabote oza panani mota barari-rizezape catorrarizarraro. Narrarorrine madirra 7 mil (7.000) quenaha rricarrari. Nazapa tocassiuauerarraridenia cappinemanaza: —Memeuarri madirraripa Deo dacoraui, deni torraui −quenarrari.

Apocalipsis 16:18

Nezape ssissiuede ssiueue canarraro. Mouini rriza tarraro naqui tomouirizarraro. Ttottorode naqui ttororo canarraro. Nezape nami rrazirema zaroro narraro. Madirra arrirraro zamaza madimanapozama namiza carri taporaha arrirraro namizape denima dacorarraro.

Apocalipsis 16:8

Deocca zozosse 4 nauicca naco pocca tasacca marriza sso inarirraro. Nazapa marri icazosserrari, poua ppocone dacoraza madirra quemanauiuarrine.

Apocalipsis 8:12

Nazapa Deocca zozosse memeuarricca 4 nauicca rrori rrori nanarra marri arobe touaidira, abazico arobe touaidira, amouadeni mota touaidirariza narrari. Nazapa bazima arobe ouirizarrari. Narrarorrine ssiuarrani arobenipe tossiuarrani nerrerani. Zome arobeni naqui tossiuarrani nerrerani.

Apocalipsis 8:5

Nazapa Deocca zozosse memeuarricca basia zorro icarrizarrariza marro bicabote totouessicca zippo ononi rradarini inarrirraro. Nezape namiuarri quissa inaronanerre oppina tehe torrarizarraro. Ttororo canerre, mouini rriza tehe tomouirizerre, ssiueue canerre, namiuarri naqui nami zaroro terre narraro.