Apocalipsis 6:1 - Kulina New Testament Brazil

¹ Ocattoma cananerre papeo pico naqquini nepi tamaroni 7 narraro taidecca Eueue Bedi itaboni qqui onade. Nazapa camittehe carrimanarrarideni 4 quenarrari orraria rrazirema uaua naui omittade. Poua atti mouini pina ttottorode mouinissa naza: —Nirra, arriuarri ticcarronarri −narrari.

Culina Mádija

¹ Ocattoma cananeje papeo pico naqquini nepi tamaroni 7 najaro tahidecca Edede Bedi ssoja ijidsani qqui onade. Nadsapa camittehe cajimanajarideni 4 quinajari ojaria jadsirema huahua nahi omittade. Pohua atti mohuini pina ttottorode mohuinissa nadsa: —Nija, ahuaji ticcajonaji −najari.

Apocalipsis 6:1 Iomraidhean Croise

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

Tahimarideni 4:20

Naraha iape Deo Attizara damamera inanitoui. Deo Atti ecomaniuarrinepe nacasserara inani. Arri ia qqui inarraro, ia imittarraro maride inebo-rreranitoui −quenarrari Pedorodeni.

Apocalipsis 11:19

Nazama memeuarricca Deoza dada toqquimacca totoqquezima touabarraro. Narraro bodizape Moizecca madirra Deo Poua tezerre rrehe canirerraricca bau cauato narraro. Nezape ssiueue canarizarraro, mouini imeni tomouirizarraro. Ttottorode ttororo canarizarraro, nami naqui zaroro narraro. Passo ccara torrani naqui rrazirema catorrarizarraro.

Apocalipsis 13:8

Arrirraro namiza madirizemanarrarideni camittehe carrimana-zanapouiuarrinecca papeoza onideni dozo nani nouerarraripa bani siri rrizabotezara uatizerize-manarrari. Narraro papeo dozo nanipe zama nauatoponizama Eueue Bedi Zeso pouana ecauarraro. Pouana camittehe issiuauanicca icarririzaniuarrine zoqquerrari.

Apocalipsis 14:2

Nezape memeuarri mouini bica tehe omittarraro. Pina passo ccarema ssahoho narrarossa narraro. Pina ttottorode dacorabote mouinissa narraro. Pina titirededeni uapi taha tire tire quenarrari mohuissa narraro.

Apocalipsis 19:6

Nezape memeuarricca madirra bazima attideni moui omittanerre bica tarraro, pina ueni ssahaha canarrarissa narrari. Mouini onihi naqui pina ttottorode mouini dacorarrarossa narraro. Attidenipa: —Areroia, Ia Zozossede Deo dacorabotepa deni torraui! Rridapana bazima ecauabaqquiuiuarrine pocca cacauehe bacco tani.

Apocalipsis 4:8

Arra 4 quenarraridenipa eppedeni 6 naha carririzemanarrari. Assiredeniza noccodeni irririzarraro. Eppedeni bodiuarri naqui noccodeni irririzarraro. Nazama pouadenipa ssiuarrabotema rrirriri, zomema rrirriri zazanapomana narrari. Pouadeni attipa: —Ia Zozossede Deopa bicabote. Bodi ssiuarra taui, uisso taui orrariui. Pouana dacorabote orrariui. Pouapa nazama madiporrari. Madiuiparra naui. Niza ccarronauitoui −quequenanarrari.

Apocalipsis 5:1

Nazapa deni torrauicca uiuittari bicaboteza uittari canauiuarri qqui onanerre poua zepe nauatoniccaza papeo pico naqquini zorro torrizarrari. Bodiuarri dozo, uapiuarri dozo narraro. Nepi tamaroni 7 nehe carrirraro.

Apocalipsis 5:12

Narraridenipa rriri rriri quenaza attideni moui taha arrama quenarrari: —Eueue Bedi zoqqueporraripa deni torrarrari. Pouana bazimaza zosse zosse naui parrireui, bica taui. Zama bazimacca biquehe pouaza torraniuarrine bica tani. Pouana bodi nauato taui orrari naui. Pocca dacorehe deni torrani bica tani. Bazima attidenipa: “Tiana icca Tamine deni torrauicca. Ticca deni torrehe nema zanapona” quenana, inarraro. Pouaza etizeza: Tiana bica tinani, deni tirrani, inaniuarrine bica tani −quenade.

Apocalipsis 5:8

Narraro papeo idizape camittehe carrimanarrarideni 4 quenarrari, cacauadedeni 24 quenarrari tezerre Eueue Bedi poua aniui uarri pouadeni pitoza rrassi tarrari. Pouadenipa titire onini arpa carrimanarrari. Pouadeni zepeza basia oro nauatoni bodiza nauatoui marro bicabote carri naha zorro zorro torrizemaneri narrari. Marro bicabote touessiza rrami-mi canarraripa Deocca madirra Pouaza uati uati totoquena nauicca uima.

Apocalipsis 6:3

Nazapa papeo nepi tamaroni zotodecca Eueue Bedi itaborraro. Nanarra camittehe carrimanarrarideni ouaha uaua naui omittade: —Nirra, arriuarri ticcarronarri −narrari.

Apocalipsis 6:5

Nazapa papeo nepi tamaroni onihi 3 nanicca Eueue Bedi itaborraro. Nanarra camittehe carrimanarrarideni ouaha uaua naui omittade: —Nirra, arriuarri ticcarronarri −narrari. Nanarra cavaro soueui qquenaui qqui onarrari. Narrari cavaroza uittarirraripa ccanarrani nanattome carride.

Apocalipsis 6:7

Nazapa papeo nepi tamaroni onihi 4 nanicca Eueue Bedi itaborraro. Nanarra camittehe carrimanarrarideni ouaha uaua naui omittade: —Nirra, arriuarri ticcarronarri −narrari.

Apocalipsis 8:1

Papeo pico naqquini nepi tamaroni 7 nanicca rricarinicca Eueue Bedi itabori zezape memeuarri madimanarrarideni bazima marri orraria rricabote naha tocadidire narrari. (Cariua attizape: meia hora, quenarrari.)