Apocalipsis 5:5 - Kulina New Testament Brazil

⁵ Naraha nauiuarri cacauadedeni rrassi nauarranirrari 24 quenarrari orraria ouaza uati tarrari: —Orri terrerarri, arra Izarraeo bedi Zoda potemaui dacorehe carrirrari pina zomarrissa narrari. Narraripa Izarraeodenicca tamine Dabi Potemaui. Pouana zoqqueheza deni torrarrari. Papeo pico naqquini inauabaniuarrine parrireui. Pouana nepi nacossanicca 7 nehe itabo rizaniuarrine bica taui −nade ouaza.

Culina Mádija

⁵ Naraha nahihuaji cacahuadedeni jassi nahuajanijari 24 quinajari ojaria ohuadsa huati tajari: —Oji tejeraji, aja Isaraeri bedi Joda potemahi dacorehe cajijari pina dsomajissa najari. Najaripa Isaraeridenicca tamine Dabi Potemahi. Pohuana dsoqquehedsa deni tojajari. Papeo pico naqquini inahabanijine pajirahi. Pohuana nepi nacossanicca 7 nehe ssoja ijidsaridsanijine bica tahi −nade ohuadsa.

Apocalipsis 5:5 Iomraidhean Croise

Roca 23:28

Naraha Zesopa ponideniuarri qqui naniza uati tarrari: —Arri Zerozarecca amonerre tiadenipe otoui orri orri tiquenerrerarri. Arri tiadeni titouideni, arri ticcadeni erredenitouira orri orri tiquenana −narrari.

Roca 7:13

Naraha Zesopa poniza uati uana tazapa: —Orri terrerarri −narrari.

Roca 8:52

Madirra bazima nauiza queriqquimanarrarideni orri orri quenarrari. Ponitoui uatideni uanaqquiri nazapa poccadeni orriema rroua rroua quenarrari. Naraha Zeso pouadeniza uati tarrari: —Orri tiquenerrerarri. Erredenipe zoqque-rrerani. Uadarraro −narrari.

Huano 20:13

Nazapa Deocca memeuarricca zozosse tabaqquipa Mariaza uati toquenarrari: —Nerrecotoui orri orri tarraro? −quenaui nade. Naraha Mariape poni cacomerarraro: —Oua Zozossede zorro ininemanarrari. Amossi naza orri orri onarraro. Nerrecouarrina ibemanaui? −nani nade.

Romanodenidsa 1:3

Narraro uima bicanipe arra Deo Poua Bedi Zeso Cristo tauimari. Pina madirra bedissa naha tossonarraripa tamine Dabi potemauizana tossonarrari.

Romanodenidsa 15:12

Deo Atti onihi Izaiarrine dozo narraro naqui: —Nizaranibote Zese-Izahi potemaui tamine deni torrauicca torrauitoui. Zodeo querrena-rrararrarideni ecauabaqquiuitoui. “Pouarrine itezerremacca uima bicani torranitoui” quenauiuarrine −napoui nade Izaia.

Apocalipsis 1:1

Deona Zeso Cristoza itezerremacca uima auato inanaporraro. Manaco Zeso Cristopa pocca zozossedeniza auato inananiuarrine. Arrirraro uima iaza auato inananiuarrine Zeso Cristo pocca zozosse memeuarricca zosse inaronazapa ouaza uati tarrari. Pouarrine qqui onarraro. Ouape Zouao, Zeso Cristocca zozosse orrani.

Apocalipsis 22:16

—Ouape Zeso, otauimariza titiqueriqquirizemana narrarodeniza occa zozosse memeuarricca zosse onaronarrari, narraro uima nemanehe timittemananiuarrine −nade. —Ouape maittaccazama Izarraeo potemauidenicca tamine Dabi Potemaui orrani. Ouape pina izamassacca amoua ssiuarra tocanarrarissa onarraro −nade Zeso.

Apocalipsis 3:21

Ouape uimasiriza deni orrarrarorrine occa Abi zosse zosse nauiuarri ouittarirraro. Tiadeni naqui uimasiriza deni tiquerrenezape niza zotode oua zosse zosse onaniuarri tiadeniza: “Rrassi tinarirri” onanitoui.

Apocalipsis 4:10

Narraro uati uati totoquena nazapa cacauadedeni 24 quenarrari arra Madizanaporrari tezerrema pouadeni pitoza rrassi taza Pouaza uatizemanarrari. Pouaza uatizemanaza pouadeni taticca oro nauatoni poua uittariui tezerrema ua inaqquimanarrari. Nazapa attideni arrama quenarrari:

Apocalipsis 4:4

Poua uittariuiuarri qqui onezape cacauadedeni 24 quenaha rrassi taririzarrari. Zozossededenicca uiuittari bicaqquiri narraroza rrassi nauarranirrari. Poccadeni etero mopoqquiri narraro. Pouadeni tatiza tamine taticca oro nauatoni uittaririzarraro.

Apocalipsis 5:4

Nezape orri orri onade. Rraho, madirra uima rrirrirade bicabote deni torrarrari papeo pico naqquini inauabaniuarrine noueraui. Qquide naco parriremanarra canima-rraraui, onade.

Apocalipsis 6:1

Ocattoma cananerre papeo pico naqquini nepi tamaroni 7 narraro taidecca Eueue Bedi itaboni qqui onade. Nazapa camittehe carrimanarrarideni 4 quenarrari orraria rrazirema uaua naui omittade. Poua atti mouini pina ttottorode mouinissa naza: —Nirra, arriuarri ticcarronarri −narrari.

Apocalipsis 7:13

Nazapa cacauade 24 quenarrarideni orraria ouaza uati tarrari: —Arra eterorideni mopoqquiri narraridenipa nerrecorrarideni? Nauato tinaqui? Nerrecouarricca rrauirronarrari? −nade.