Apocalipsis 4:8 - Kulina New Testament Brazil

⁸ Arra 4 quenarraridenipa eppedeni 6 naha carririzemanarrari. Assiredeniza noccodeni irririzarraro. Eppedeni bodiuarri naqui noccodeni irririzarraro. Nazama pouadenipa ssiuarrabotema rrirriri, zomema rrirriri zazanapomana narrari. Pouadeni attipa: —Ia Zozossede Deopa bicabote. Bodi ssiuarra taui, uisso taui orrariui. Pouana dacorabote orrariui. Pouapa nazama madiporrari. Madiuiparra naui. Niza ccarronauitoui −quequenanarrari.

Culina Mádija

⁸ Aja 4 quinajaridenipa eppedeni 6 naha cajiridsamanajari. Assiredenidsa noccodeni ijiridsajaro. Eppedeni bodihuaji naqui noccodeni ijiridsajaro. Nadsama pohuadenipa ssiajama jijiri, dsomema jijiri dsadsanapomana najari. Pohuadeni attipa: —Ia Medsede Diopa bicabote. Bodi ssiaja tahi, huire tahi ojarihi. Pohuana dacorabote ojarihi. Pohuapa nadsama madipojari. Madihipaja nahi. Nidsa ccajonahitohui −quiquinanajari.

Apocalipsis 4:8 Iomraidhean Croise

Tahimarideni 20:31

—Nema nezape tiadeni bazimaza ouattipe: Parri! Poccadeni maizeheza parrissa tiquena terrerarri. Tibodideni uatome-manarri. Ouape tiadeniza omadizape tiadeni ouacauabaqquinissa tade. Uarrano 3 naha tiadeni maride orrezape zomema mamari, ssiuarrama mamari onade. Timadimananissa taniuarrine oneza occa orriema tiadeniza uati uati onarrarode.

2 Corintodeniza 6:18

Ouape ticcadeni Abi orranitoui. Tiadeni naqui occa erredeni tiquerrenanitoui −naui nade ia Zozossede Deo Dacorabote.

1 Tesaronicadeniza 2:9

Imecotedeni, tiadenipe izepe irriecca uima tetideni rrima-rrerani. Imadinicca icarriniuarrine izepe irride damamera inezape ssiuarra izepe irri, zome naqui izepe irri narrarode. Nema ineza Deocca uima bicani icassiuaueraniuarrinecca tiadeni mari icanabaqquizape tiadeniza icca madie narro terreraniuarrine ticcadeni zinirotoui, ticcadeni zamatapatoui uati uati inerrerade.

1 Timoti 4:16

Ticca madie tecauanissa tarri. Deo Atti naqui mari tanissa tarri. Nema tizanapozape tia, ticca mamari tabaqquima Deorrine ticassiuaueraniuarrine, onarraro.

2 Timoti 4:2

Deo Atti mari mari tarizarri. Uarrirriraza maride tirrarizaniuarrine tibodi titinarrorapo narri. Madirra Deo Atti mittade nacassaqquiri nazapa mari ticanabaqquina. Nacasseraqquiri naza naco nama naha mari ticanabaqquina. Madirra uima tonanaza naco mouaraza uati ticanauissa tarro: —Uima tinanarraroza peperri tarri −tana. Madirra poua bodi cacarriqquimerauiuarrine naco mari ticanarro, uima bicani touira poua bodi uatouiuarrine. Touattauiuarrine narro taza naco nama naha mouaraza mari ticanarro.

Ebreodenidsa 13:8

Zeso Cristopa cacarriqquimera-rrarauitoui. Pouapa maittaccazama nama narronarraria rridapana naco nama narrari. Niza zotode naco nama zanapouitoui.

Apocalipsis 1:4

Ouape Zouao. Arrirraro occa uimape arri Asiauarricca oza panani 7 naniuarri Zeso Cristo tauimariza titiqueriqquimana narrarodeniza dozo onarraro. Deopa madiui. Nazama madiporrari. Niza ccarronauitoui. Ccarronazapa tiadeniza uima bicani inanarizana. Pocca rronehe inanarizana, onarraro. Deo Poua zosse zosse nanarra nauicca uiuittari tazarranima Poua Corime 7 quenaha domo uarrarideni naco tiadeniza uima bicani inanarizemanana. Poccadeni rronehe tiadeniza inanarizemanana, onarraro.

Apocalipsis 1:8

Ia Zozossede Deo Attipa: —Ouape Deo Dacorabote. Taidezama omadiporraroua arri rricaqquini bacco onanitoui −nade ia Zozossede attipa. Pouapa madiui. Nazama madiporrari. Niza ccarronauitoui.

Apocalipsis 11:17

Naza attidenipa: —Ia Zozossede Deo Tiape dacorabote orrari tani. Tiape nazama timadiporrarope timadi-zanaporraro. Tiaza etizerraro, uima bicani tinanani. Arri ticca dacorehe bazimaza tirrine auato tinanarizarraro. Rridapanape zama bazima zossede tirrarraro.

Apocalipsis 14:11

Narraridenipa bani siri rrizaboteza, poua corime nauatouiza uauatizemana narrari. Bani siricca nanarrano carrimana-rrarauiuarrine poni quena-rraraza pouadenipa zippo rrororonirrine ocasserani auemanazapa zome, ssiuarra, zome, ssiuarra rrassi quena-rrarauitoui −narrari.

Apocalipsis 14:3

Nazapa 144 mil quenaha arrie zati rriri rriri quenarrari. Pouadenipa Deocca uiuittari bicabote tazarranima arra camittaqquiri narrari 4 quenarrari tezerrema, cacauadedeni 24 quenarrarideni tezerrema rriri rriri quenarrari. Madirra ouahadenipa poccadeni arrie tocauatterauiuarrine ssamoqquiri naraha 144 mil quenarraridenira narraro arrie rriride nauatoqquiri narrari. Narraridenipa arrirraro namiza madimanaporaha Deo idinibaqquiporrari.

Apocalipsis 15:3

Nazapa titire arpaza tire tire quenazapa Deocca zozosse Moizecca arrie, Eueue Bedi Zesocca arrie rriri rriri quenarrari. Arriepe arrima canarraro: —Rrehe Abi Deo, nauatorride tirrirani. Tinauatorizarrari bazimapa bica taui. Tiape ia Zozossede dacorabote tirrani. Ticca cacauehepe toccanissa tani. Ticca uima bazimape parrissehe ponira. Zama nemaneheza madirizemanarrarideni cacauade orrari tarraro.

Apocalipsis 15:7

Nazapa camittaqquiri narrari 4 quenarrarideni orrariapa Deocca zozosse tabaqqui 7 quenarrarideniza uarrineri tasa orocca pouadeniza da icanarizarrari. Narrari tasadeni Deo camitta taha madi-zanaporraricca uadie torrarizaniuarrine narrizoue comabote irririzarraro.

Apocalipsis 16:14

Narraridenipa Tocorime-Taminecca zozosse tabaqquideni. Pouadenipa canauatorimana canarrari. Zama bazimacca taminedeni madirizemanauiuarri rraui torrabaqquirrari, rraziretoui inequeriqquibaqqui-manarizauiuarrine. Deocca uadie imeni torrarizaniuarrinecca uada bacco tazape taminedeni poccadeni isso teppeppedenima Deoza rrazire inanemananiuarrine. Narraro uadaza Deo Dacorabote deni torrauitoui.

Apocalipsis 16:7

Nezape Deoza da tauiuarrinecca uauanariuarri touatti mouini qquenani omittarrarope arrima narraro: —Rrehe oua Zozossede, Tiape Deo Dacorabote, ticca parrissehema poccadeni uima nattome tezape tirrine parrirenissa tanitoui −nade touatti mouini.

Apocalipsis 19:15

Poua arrariza qquenarrarope pina massito cauidi-qquimerarrarossa narraro. Narraroza zama bazimacca madirra inarrizoriza-baqquiuiuarrine. Zama bazimacca tamine dacorabote torrazapa poua atti dacoraza madirra zosse zosse nauitoui. Pouarrinepa Deo Dacorabotecca uadie torrani qqui toquenauitoui. Pouapa Deoza iboqquiri narrarideni ttai izanacossabaqquiza mere uarrauissa tauitoui. Pina uva pperrene toccauiuarrine ttai ttai quenarrarissa nauitoui.

Apocalipsis 19:4

Nazapa cacauadedeni 24 quenarrari, camittehe carrimanarrari 4 quenarrarideni tezerre Deocca uiuittari bicabote tazarranima pouadeni baccouarri domodeni pona naza Deoza uatizemanarrari. Pouadeni attipa: —Parrissa nema nana! Areroia, ia Zozossede Deopa bica taui! −quenarrari.

Apocalipsis 21:22

Narraro oza pananizape Deoza dada toqquima oza qqui onerrerani. Deo Atti mamari naqui nouerarraro. Naraha ia Zozossede Deo Dacorabotena nauiza madirrari. Eueue Bedi Zeso naco nauiza madirrari. Iqueriqquiza etizeniuarrinepe pouadeni pamahazana ehetize naniuarrine.

Apocalipsis 3:7

Zeso Cristo ouaza uati zanaporrari: —Piradeopiauarri otauimariza quequeriqquimana narrari cacauadeza dozo tarri −nade. —Ouape parrissa. Obodi ssiuarra, uisso tarraro. Maittaccazamacca tamine Dabicca chave ocarrini. Narraro chaveza Zerozare zaticca noccobirri ouacauarraro. Madirra Deoza memeuarri madimanauiuarrine rrehe onezape rraui torrezimauitoui. Rrehe onerrerezape rraui torrezima-rrarauitoui.

Apocalipsis 4:4

Poua uittariuiuarri qqui onezape cacauadedeni 24 quenaha rrassi taririzarrari. Zozossededenicca uiuittari bicaqquiri narraroza rrassi nauarranirrari. Poccadeni etero mopoqquiri narraro. Pouadeni tatiza tamine taticca oro nauatoni uittaririzarraro.

Apocalipsis 4:6

Nani pocca uiuittari bicabote tazarranimape pina ueni imehissa naraha ccara tarraro. Tocassiuerreqquimera narraro, pina siba cristaossa narraro. Naui Poua uittariui uinoriza naco camittaqquiri narrarideni 4 quenaha uaueri nauarranirrari. Poua baccouarri, poua ideuarri, poua ppari nauatoniuarri, poua ppari ssamouarri narizemanarrari. Camittehe carrimanarrari assiredenizape noccodeni irririzarraro. Pouadeni tezerrema qquide nauatoqquiri, pouadeni nattiuarri qquide nauatoqquiri narrari.

Apocalipsis 4:9

Arra deni torrauicca uiuittari bicaboteza uittari canarraripa madizanaporrari. Narrariza camittehe carrimanarraridenipa uati toquenarrari: —Ticca nauatoue deni torrani, tiaza etizerraro, iaza tirrine bica tani, inarraro −quequenanarrari.

Apocalipsis 5:6

Nazapa deni torrauicca uiuittari bicaboteza uittari canauiuarri qqui onanarra Eueue Bedi Zeso pina inanazoqque-manaporrarissa naraha ua canarrari. Pouapa camittehe carrimanarrarideni 4 quenarrari, cacauade 24 quenarrari domodeni uaui nocconiza uarrari. Arra ori 7, nocco 7 narraripa Deo Corime 7 naha zama bazimaza qquide rrauirizauiuarrine Deo zosse inabaqquirrari.

Apocalipsis 6:1

Ocattoma cananerre papeo pico naqquini nepi tamaroni 7 narraro taidecca Eueue Bedi itaboni qqui onade. Nazapa camittehe carrimanarrarideni 4 quenarrari orraria rrazirema uaua naui omittade. Poua atti mouini pina ttottorode mouinissa naza: —Nirra, arriuarri ticcarronarri −narrari.

Apocalipsis 6:6

Camittehe carrimanarrarideni domo uaui nocconiza touatti mouini omittarrarope arrima narraro: —Uada orrarinicca tarabaia manaconipe arroi rrizaza tirico quilo orraria parrireuitoui. Narrarossa narraro uada orrarinicca tarabaia manaconipe arroi rrizaza cevada quilo 3 naha parrireuitoui. Naraha aua bono rritona oquine, uva pperrene naco uati ccara tazapa pouama sso tiquena tarrarana −nade.

Apocalipsis 7:11

Naui deni torrauicca uiuittari bicabote cauittarini tazarranima camittehe carrimanarrarideni domo uauarrani, arra cacauadedeni domo uauarrani, naui idedeniuarri Deocca zozosse tabaqquideni memeuarricca bazima domo uauarrani narrari. Narrarideni bazimapa Deocca uiuittari tazarranima pouadeni pitoza rrassi taza tocattezemanaza uassarideni namiza bacco tazapa Deoza uatizemanarrari.

Apocalipsis 7:15

Narraria arra Deocca uiuittari bicabote tazarranima bazima domodeni uarrariparra. Deoza dada toqquimacca ozauarri uatizemanazapa zome zepedeni irrimana, ssiuarra zepedeni irrimana narrari. Deni torrauicca uiuittariza uittari canarraripa pouadeni cacauade pouadeniza madirizauitoui.