Apocalipsis 3:3 - Kulina New Testament Brazil

³ —Nazama tiadenipe tibodideni uatome-mananissa tarri. Arri occa marinarra tiadeni mari tocanabaqquiporrarissa tinanemanapomarri. Ticcadeni uima tecarriqquimere-manapomeza Deoza tiquerrenanipomarri. Nema tiquenerrerezape tiadeni onarrizobaqquinitoui. Pina tetideni rrimama caneraha tiadeniza bobotide bacco zimarrarissa onanitoui, onarraro.

Culina Mádija

³ —Nadsama tiadenipi tibodideni huatoma-mananissa taji. Aji occa marinaja tiadeni mari tocanabaqquipojarissa tinanamanapomaji. Ticcadeni ima tecajiqquimera-manapomadsa Diodsa tiquejenanipomaji. Nema tiquinejeradsapi tiadeni onajidsobaqquinitohui. Pina tetideni ajimama canaraha tiadenidsa bobotide bacco dsimajarissa onanitohui, onajaro.

Apocalipsis 3:3 Iomraidhean Croise

Mateo 25:13

Nazapa madirra bazimaza Zeso attipa: —Tibodideni uatonissa tarri. Oua occaninicca uada ssamoqquiri tiquenani. Marri naco ssamoqquiri tiquenani. Tinarroremanehe timadimanarri −nade Zeso.

Maraco 13:33

—Nema nezape tetideni uatonissa tarri. Occaronapomaniuarrinecca uada ssamoqquiri tiqueneraha otoui tinarroremanehe timadimanarri.

Maraco 13:36

Arrana, rridacca oza cacauadedeni rrinedetoui narroremana-rrarazapa naza cauadirraza bacco naninarra. Tiadeni naqui oua occaronapomezape tinarroremane-rreraza bacco onanirana.

1 Tesaronicadeniza 5:2

Arra ia Zozossede Zeso ccaniuicca uada bacco tanicca uimape nauatoqquiri tiquenani. Narrarope arrima napode: Eti rrimama caneraha ccaniuitoui. Pina zome bobotide icca ozaza botide qquezimauicca uima ssamo inarrarossa nauitoui.

1 Timoti 6:20

Rrehe Timoti, Deocca marinarra tiaza da inarraro tecauanissa tarri. Madirrapa tiaza: —Ssamo tinani, iana nauatoto inani −quenazapa narrarideni tezerre uimahaha ticana-rrerarri. Titezerre touatti ponimaccaza arrauarri uati arrauarri uati quenauiuarrineraha poni tarri. —Ibodi nauatoqquiri inani −quenaraha pouadeni bodicca uatouepe ponimacca. Deoccassa nerrerani.

2 Timoti 1:13

Rrehe Timoti, Zeso Cristo tauimari parrissehecca tia mari ocanaporrarope tinebo terrerarri. Cristoza rrehe tizanapozape pocca touati uanehema teti uana tehe timadi-zanaporri.

Ebreodenidsa 2:1

Rrehe, Deo Bedipa Imehicca zozosse tabaqquideniza deni torrarrari. Nema nezape marinarra parrissehecca imittaporraro eti rrima-rrerana, onarraro. Narraro eti rrimezape pina Deocca rraui bicani ineboza parrimaraniuarri uere inarrarossa inarana. Parri! Nema inerrerana.

2 Pedoro 1:13

Arrirraro namiza omadiccazama narraro marinarra parrissehecca tetideni rrime-rreraniuarrine tiadeni mari mari ozanapoccaniuarrine bica tani, onarraro.

2 Pedoro 3:1

Rrehe ouimecotedeni, titouideni ouati uana tani. Arrirraro occa uima teppepe pina taideccassa narraro, tiadeni acco ocanabaqquiniuarrine touini oneza. Ouattiza tibodideni uatonissa taniuarrine oneza dozo onapomarraro.

2 Pedoro 3:10

Naraha ia Zozossede Zeso ccanipomauicca uada parrissa bacco tezape pina bobotide icca ozaza amazati bacco naza uarro inarrarossa nanitoui. Mouini oppinabote dacorehema tomouizape meme amossi nanitoui. Memeuarricca marri, abazico, amouadeni naco dirri tarizaha rricauitoui. Zama nemanehe narrizoue torrezape poniza anirizarrari bazima dirri tarizaha rricazapa amossiuarrauissa tauitoui.

Apocalipsis 16:15

Narraro uimape Zeso Cristo ia mari tocanabaqquiza arrama napode: —Pina ticca ozaza bobotide qquezimauiuarrinecca uada ssamoqquiri tiquenarrarossa nanitoui. Oua occanipomanicca uada ssamoqquiri tiquenani. Nezape tibodideni uatomemananissa teza tiadeni tecauarizemanarri. Pina ticcadeni eteroma tinoccodeni barirrarossa tiquenarri. Nema tiquenezape uima bicani ticarrimananitoui. Naraha otoui timadimana-rrereza occanipomezape pina madirra ccororre cappinarrarissa tiquenanitoui −nade.

Apocalipsis 2:25

Ticcadeni uima bicani tecauemana-zanapona, occanipomaniuarri bacco tiquenaniuarrine.

Apocalipsis 2:5

Tibodideni uatome-manarri. Arri ouaza tetizemanaporrarocca uima tetideni rrimemana terrerarri. Tibodideni cacarriqquimera-pomarri. Ouaza tetideni uanaqquiri napomarri. Nema tiquenerrerezape naniuarri oqqueza ticcadeni rrorrororo pinine odiniuitoui.

Apocalipsis 22:7

Ia Zozossede Zeso attipa: —Occanibote nani −narrari. —Deocca uima itezerremacca arrirraro papeoza dozo naniza ibora tarraripa occa biquehe pouaza onananitoui −nade.

Apocalipsis 3:11

Occanibote nani. Ticcadeni uima bicanipe tecauemananissa tarri. Ouaza dameraqquiri tiquenezape Deocca danirri bicani ticarrimananitoui. Parri, ticcadeni rrehenirri madirra inassamomanerana. Deocca danirri pouadenirrine zori ticanirerana.

Apocalipsis 3:19

—Ouape madirraza ouati uana teza uimasiri inanemanezape ouatti dacorehema pouadeniza: “Nema tiquenerrerarri” ohonanarraro. Poccadeni uima tobicaniuarrine naqui mari mari onarraro. Ouazara tetizemanarri. Ouazara dameraqquiri tiquenarri. Tibodideni cacarriqquimereza Deoza tiquerrenanipomarri.

Apocalipsis 3:2

Rrari, tinoccodeni ssire-rere napomarri! Titiqueriqqui nanicca uima rricabote nani. Tidacoremanani napomarri. Ticcadeni madiecca uima nauato onani: Occa Abi Deoza tizepedeni irrirrarope tirrinedeni toccanissa terrerani.