Apocalipsis 3:19 - Kulina New Testament Brazil

¹⁹ —Ouape madirraza ouati uana teza uimasiri inanemanezape ouatti dacorehema pouadeniza: “Nema tiquenerrerarri” ohonanarraro. Poccadeni uima tobicaniuarrine naqui mari mari onarraro. Ouazara tetizemanarri. Ouazara dameraqquiri tiquenarri. Tibodideni cacarriqquimereza Deoza tiquerrenanipomarri.

Culina Mádija

¹⁹ —Ohuapi madijadsa ohuati huana tadsa imasiri inanamanadsapi ohuatti dacorehema pohuadenidsa: “Nema tiquinejeraji” ohonanajaro. Poccadeni ima tobicanijine naqui mari mari onajaro. Ohuadsara tetidsemanaji. Ohuadsara disseraqquiri tiquinaji. Tibodideni cacajiqquimeradsa Diodsa tiquejenanipomaji.

Apocalipsis 3:19 Iomraidhean Croise

Mateo 25:7

Nezape zouatodeni bazima nocco toquerreneza toteme-manezape ponidenicca rrorrororo denima ssiuarra tauiuarrine narroremanarraro.

Huano 2:17

Nezape poua uatimadedeni iape eti uatomarrarode: —Deo Atti dozo naporrarope: “Ticca oza acconipe ouana ocasserani ouanitoui” nanarra napode −inade.

Romanodenidsa 12:11

Tizepedeni irrimananiuarrinepe iboqquiri tiquenerrerarri. Tibodideni uatizeheri neza ia Zozossedeza tizepedeni irrimanana.

1 Corintodeniza 11:32

Naraha icca uima bica terrereza ia Zozossede Deo ia narrizorraripa icauatteraniuarrine. Niza zotode Deocca narrizoue bacco teza naqui zori icanireniuarrine. Arrirraro zamacca madirra Zeso Cristoza rrehe quena-rrararraridenipa narrizoue rriquerreraniuarri toquerrenauitoui. Naraha iape pouadeniza icarrima-rreranitoui.

2 Corintodeniza 6:9

Iaza nauatoqquiri naraha pina iaza noccodeni rrizaqquiri narraridenizassa quenarrari. Ecotabote narizeraha camittaqquiri inaccani. Ia tonarrizobaqqui-manaraha ia nanazoqquemana-rraraui.

2 Corintodeniza 7:11

Arri orrie tinauanemanarrarope Deo nacassa tauiccassa tinanemanarraro. Arrina, qqui! Tirrinedeni uima bicani torrarraro. Uima tonanarrari tiadeniza qquezima-rrarauiuarrine teccoccomanarraro. Ticcadeni uima tobicaniuarrine touini tiquenarraro. Uima tonanarraricca uimaza tedimanarraro. Pocca uimarrine narrizoue tiadeniza ssonarini noppineni ticappinemanarraro. Oua qqui tiquenapomaniuarrine, ouaza uima rricaniuarrine naqui touini tiquenarraro. Uima tonanarrari pocca uima manaconi tonauanauiuarrine naqui touini tiquenarraro. Nema tiquenezape ouaza auato tinanemanarraro: Uima tonanarraricca uimaza ticarrimemana-rrerarraro.

Carasiadeniza 4:18

Madirra ouahadeni titouideni dameraqquiri nauiuarrine bica tani, oppinera tani, poccadeni uima bica teza. Ouaza naqui dameraqquiri tiquenaniuarrine bica tani, onarraro. Nema tizanapomanana. Tiadeniza omadiza omadi-rrereza naqui, onarraro.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Satiacocca 1:12

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.

Apocalipsis 2:5

Tibodideni uatome-manarri. Arri ouaza tetizemanaporrarocca uima tetideni rrimemana terrerarri. Tibodideni cacarriqquimera-pomarri. Ouaza tetideni uanaqquiri napomarri. Nema tiquenerrerezape naniuarri oqqueza ticcadeni rrorrororo pinine odiniuitoui.