Apocalipsis 3:11 - Kulina New Testament Brazil

¹¹ Occanibote nani. Ticcadeni uima bicanipe tecauemananissa tarri. Ouaza dameraqquiri tiquenezape Deocca danirri bicani ticarrimananitoui. Parri, ticcadeni rrehenirri madirra inassamomanerana. Deocca danirri pouadenirrine zori ticanirerana.

Culina Mádija

¹¹ Occanibote nani. Ticcadeni ima bicanipi tecahuamananissa taji. Ohuadsa disseraqquiri tiquinadsapi Diocca daniji bicani ticajimananitohui. Paji, ticcadeni jeheniji madija inassamomanarana. Diocca daniji pohuadenijine dsori ticanirerana.

Apocalipsis 3:11 Iomraidhean Croise

1 Corintodeniza 9:25

Arra madirra ittometoui taide narroremanapozapa pouadeni nattome quenaporrari. Pouadeni assire dacoraqquiri nauiuarrine uaidira tanicca inebomaneza pouadeni cacauemanauissa tarrari. Nama quenarraripa ittomeza deni toquerrenauiuarrine touini quenarrari. Naraha deni torrarrariza totaticca bebe appani couanira da iquenarraro. Narrarope rricaca taniccaraha iape Deocca danirri rricaquera tanicca icarriniuarrine dameraqquiri inarraro.

Piripodeniza 4:5

Ouattipe tiadeniza arrima onarraro: Rroneqquiri tiquenaza timadimanarri. Naui madirra ouaha attidenipa: —Pouadenipa bicaqquiri naui −quequenanauiuarrine, onarraro. Ia Zozossede Deo ccaniui uarrira taui.

2 Timoti 2:5

Narrarossa narraro Zesocca zozossepa pina madirra ittomeza rroppa tarrarissa nauiuarrine. Ittome cacauade attissa inanaza taide bacco nanipozapa manaconi carrirrari. Naraha ittome cacauade attissa inana-rrerezape manaconi carri-rrararrari.

2 Timoti 4:8

Nazama pina rrorroppade taide bacco nauarranipoza manaconi bicabote pouaza da iquenarrarissa narraro naqui Deo pocca danirri bicani ouaza da inanitoui. Narraro danirripe Deoza bicaqquiri narrarideniza torranitoui. Niza ia Zozossede Zeso Cristopa uima cattemade parrireuissa tarrari poua baccouarri idomo uezape Deo pocca danirri ouaza da inanitoui. Ouaza da inarrarope ouaza orrari-rreranitoui. Pouaza uatideni uanaqquiri narrari, poua ccaniuitouira narroremanarrarideni bazimaza da inarizanitoui.

Satiacocca 1:12

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.

Satiacocca 5:9

Ouimecotedeni, timecoterrine bica terrerezape poua tauimari madirra ouahaza uati tiquenerrerarri. —Pouarrine uaidira tani −tiquenezape niza ia Zozossede Deo uima cattemade torrazapa: —Tettideni bica terrerani −nauitoui. Deopa madirra uimarideni cattemade ccanibote naui.

Apocalipsis 1:3

Arrirraro uima Deorrine auato tarrarocca madirra bazima mittemanauiuarrine ua ua narraripa uatizehema madiuitoui. Mittemanarrarideni naco arri dozo naniccassa inanemanarrarodeni naco uatizehema madimanauitoui. Deorrine auato inanarrarope touarrirarronani.

Apocalipsis 16:15

Narraro uimape Zeso Cristo ia mari tocanabaqquiza arrama napode: —Pina ticca ozaza bobotide qquezimauiuarrinecca uada ssamoqquiri tiquenarrarossa nanitoui. Oua occanipomanicca uada ssamoqquiri tiquenani. Nezape tibodideni uatomemananissa teza tiadeni tecauarizemanarri. Pina ticcadeni eteroma tinoccodeni barirrarossa tiquenarri. Nema tiquenezape uima bicani ticarrimananitoui. Naraha otoui timadimana-rrereza occanipomezape pina madirra ccororre cappinarrarissa tiquenanitoui −nade.

Apocalipsis 2:10

Niza otauimari acconi ocasserani temanezape ticappinemana terrerana. Tocorime-Taminerrine tiadeni mota sibera tinehe toponi cocoroza tiquerrenanitoui. Nama nauiuarrinepa tiadeni bazima tiadeni nattome tabaqquiuitoui. Uada 10 nehe pouarrine ocasserani temaneraha otauimaripe tinebomana terrerarri. Dameraqquiri tizanapomanarri. Otauimari tinebomana-rreraza tizoqquemanani bacco tiquenezape tiadeniza occa camittehe rriquerreranicca da onanitoui.

Apocalipsis 2:13

Arri ouape ticcadeni madie nemanehe nauato onani. Timadimananiuarripe Tocorime-Taminecca uima dacoreraha oua onipe tinebomana-rrerarraro. Ouaza rrehe nauissa tarrari oni Antipas tinorideniza inanazoqque-manaraha ouaza rrehe tiquenarrarope tinebomana-rrerani. Naui tiadeniuarripa Tocorime-Tamine zosse zosse naraha oua tinebomana-rrerani.

Apocalipsis 2:25

Ticcadeni uima bicani tecauemana-zanapona, occanipomaniuarri bacco tiquenaniuarrine.

Apocalipsis 22:12

Ia Zozossede Zeso attipa: —Rrehe, occanibote nani. Uima bicani inanarize-manarrarodenipa narrarossa nehe pouadeniza da onarizanitoui. Naraha uima uaidira tanicca inanarize-manarrarodenipa narrarossa nehe pouadeniza da onarizanitoui.

Apocalipsis 22:20

Arrirraro uima bazimape Zeso Cristo uati tarraricca. Iaza poua attipa: —Parrissa, occaniniuarrine uarrira tani −nade. Nezape ia etti: —Parrissa nema nana. Ia Zozossede Zeso ticcanirri −inarraro.

Apocalipsis 22:7

Ia Zozossede Zeso attipa: —Occanibote nani −narrari. —Deocca uima itezerremacca arrirraro papeoza dozo naniza ibora tarraripa occa biquehe pouaza onananitoui −nade.

Apocalipsis 3:3

—Nazama tiadenipe tibodideni uatome-mananissa tarri. Arri occa marinarra tiadeni mari tocanabaqquiporrarissa tinanemanapomarri. Ticcadeni uima tecarriqquimere-manapomeza Deoza tiquerrenanipomarri. Nema tiquenerrerezape tiadeni onarrizobaqquinitoui. Pina tetideni rrimama caneraha tiadeniza bobotide bacco zimarrarissa onanitoui, onarraro.

Apocalipsis 4:10

Narraro uati uati totoquena nazapa cacauadedeni 24 quenarrari arra Madizanaporrari tezerrema pouadeni pitoza rrassi taza Pouaza uatizemanarrari. Pouaza uatizemanaza pouadeni taticca oro nauatoni poua uittariui tezerrema ua inaqquimanarrari. Nazapa attideni arrama quenarrari:

Apocalipsis 4:4

Poua uittariuiuarri qqui onezape cacauadedeni 24 quenaha rrassi taririzarrari. Zozossededenicca uiuittari bicaqquiri narraroza rrassi nauarranirrari. Poccadeni etero mopoqquiri narraro. Pouadeni tatiza tamine taticca oro nauatoni uittaririzarraro.