Apocalipsis 22:4 - Kulina New Testament Brazil

⁴ Deo Poua assire qqui quenauitoui. Poua oni pocca zozosse bazima uassarideniza dozo narizanitoui. Narraro uimape Deo Poua pocca toquerrenarrari.

Culina Mádija

⁴ Dio Pohua assire qqui quinahitohui. Pohua oni pocca medse huapima assaridenidsa dsodo naridsanitohui. Najaro imapi Dio Pohua pocca toquejenajari.

Apocalipsis 22:4 Iomraidhean Croise

Mateo 5:8

—Tibodideniza Deotouira tiquenezape ticcadeni uima carrima-rrerezape Deopa tibodideniza uatizeheri inanarraro. Rridapanapa Deo tiadeniza torrizerarrari. Niza memeuarripa Deo Poua qqui tiquenauitoui.

Huano 12:26

Madirra occa zossenirriza iboraqquiri nazapa oua nebomana-rrarauiuarrine. Ouaza rrauiriza-zanapouiuarrine. Oua omadinizana pouadeni naco madimanauiuarrine. Madirra occa zossenirriza iboraqquiri narraridenipa Abi Deo Pouana pouadeniza: “Bicaqquiri tiquenani” nauitoui −nade Zeso.

Huano 17:24

—Nazama Abi, ouaza tinanabaqquirraripa occarizaniuarri ouaza rrauirizauiuarrine, ticca danirri occa deni torrehe qqui toquenauiuarrine oneza. Narraro deni torrehepe zama inauato-rreraccazama Tiape ouaza teti uana teza ouaza da tarrarode.

1 Corintodeniza 13:12

Rridapanape Deocca uima nemanehe imittanissa terreraccani. Pina ssonobaza icorime qqui inarrarossa narraro. Zizi tezape ssonobaza icorime qqui ineraha qqui inanissa terrerani. Naraha niza zotodena Deocca uima nemanehe qqui inanissa tanitoui. Cristo poua pano, assirema qqui inauitoui. Rridapanape Deocca uima motara nauato onarraro. Oparrirenissa terrerani. Niza zotodena pocca uima bazima nauato onanissa tanitoui. Pina Poua ouaza nocco rrizera tarrarissa nanitoui.

Ebreodenidsa 12:14

Madirra bazimaza rroneqquiri tiquenehe timadimananiuarrine dameraqquiri tiquenarri. Tibodideni uisso teza, uimasiri rrirehe timadimananiuarrine naqui dameraqquiri tiquenarri. Tibodideni uisso terrerezape ia Zozossede Deo qqui tiquena-rrarauitoui.

Apocalipsis 14:1

Nazapa ocattoma cananerre Eueue Bedi Zeso ssono Siaoza ua canaui qqui onade. Pouaza madirra 144 mil (144.000) quenaha domo uarrari. Uassarideniza dozo nanipe Eueue Bedi Zeso oni, Imehi oni carrimanarrari qqui onarraro.

Apocalipsis 3:12

Occa dacorehema timadimaneza, uimasiriza deni tiquerrenezape niza zotode occa Abi Deo madiuiuarri timadimananitoui. Orrine tiadenipe pina memeuarricca Pouaza dada toqquimacca oza pininissa tiquenaniuarrine. Nanizape rraui tirrena-rreranitoui. Occa Abi Deo oni tiadeniza dozo, Poua madiuiuarricca oza panani onini naqui dozo onarizanitoui. Narraro oza panani oninipe Zerozare zati. Narrarope occa Abi Deorrine memeuarricca namiuarri bacco naronanitoui. Oua oni zati naqui tiadeniza dozo onarizanitoui.

Apocalipsis 7:3

Poua atti arrama narrari: —Arri nami, passo, aua tinarrizomane-rreraccarri. Niza icca Deocca zozossedeni uassarideniza narranorizaccana −nade.