Apocalipsis 22:3 - Kulina New Testament Brazil

³ Narraro oza pananiuarripe uaidirehe noue, Deocca narrizoue naqui noueranitoui. Nanizape Deo, Eueue Bedi pouadeni pamahacca uiuittari cauittarinitoui. Deocca zozosse bazima pouadeni pamahaza uatizemanauitoui, rriri rriri quequenanauitoui.

Culina Mádija

³ Najaro odsa pananihuajipi tabaccorehe nohue, Diocca najidsohue naqui nohueranitohui. Nanidsapi Dio, Edede Bedi pohuadeni pamahacca huihuittari cahittarinitohui. Diocca medse huapima pohuadeni pamahadsa huatidsemanahitohui, jiri jiri quiquinanahitohui.

Apocalipsis 22:3 Iomraidhean Croise

Mateo 25:21

Nazapa ziniro rrinede attipa: “Rrehe, tiape occa zozosse ouattiza ibora tinarraro. Bica tinani. Tiaza bazira tehe da onaporaha denima torraniuarrine damera tinezape denima tiaza da onanitoui. Tiqquezimarri, erreteza etizena” narrari pocca zozosseza.

Mateo 25:41

—Naraha obirri ssamouarri domo uarraridenizape ouatti arrima onanitoui: “Arri ouazape uarrirri tinarri! Deopa tiadeniza narrizoue inanarraro. Rrororoni rriquerreraniuarri rraui tirrarri! Narrarope poua uauadide Tocorime-Tamineza, Tocorime-Taminecca zozosse tabaqquideniza narroraporraro.

Huano 12:26

Madirra occa zossenirriza iboraqquiri nazapa oua nebomana-rrarauiuarrine. Ouaza rrauiriza-zanapouiuarrine. Oua omadinizana pouadeni naco madimanauiuarrine. Madirra occa zossenirriza iboraqquiri narraridenipa Abi Deo Pouana pouadeniza: “Bicaqquiri tiquenani” nauitoui −nade Zeso.

Huano 13:32

Deocca deni torrehe ouaza auato tezape manaco Deo occa deni torrehe auato inananitoui. Narrarope bacco tabote nani.

Huano 14:3

Abiuarri occaniza ticcadeni mamadi onanarrorezape titouideni occaronapomanitoui. Nezape oua ohomadi naniza tiadeni naqui timadimananiuarrine tiadeni ouaccani-baqquinitoui.

Huano 17:24

—Nazama Abi, ouaza tinanabaqquirraripa occarizaniuarri ouaza rrauirizauiuarrine, ticca danirri occa deni torrehe qqui toquenauiuarrine oneza. Narraro deni torrehepe zama inauato-rreraccazama Tiape ouaza teti uana teza ouaza da tarrarode.

Apocalipsis 7:10

Attideni moui taza uaua quenade: —Icca Deo deni torrarraripa pocca uiuittariza uittarirrari. Narraripa ia Tonassiuauade. Eueue Bedirrine naqui icassiuauerarraro −quenade.

Apocalipsis 7:9

Narraro uima rriquezape ocattoma cananerre madirra panauicca qqui onabaqquide. Qqui onabaqquiraha onocco ssonaqqui nade. Madirra zama onihi onihiza madirizemanarrarideni mota, uapideni onihi onihi carririzemanarrarideni mota, touatti onihi onihi carririzemanarrarideni mota naco qqui onabaqquirraride. Deni torrauicca uiuittari bicabote cauittariniuarri, Eueue Bedi tezerrema bazima domodeni uarrari. Eteroridenipa mopoqquiri narraro. Deoza uatizemanaza birirrari eppe zorrorro zorrorro canade.