Apocalipsis 21:8 - Kulina New Testament Brazil

⁸ Naraha Ouaza toquerrena-rrararraridenipa narrizoue carrimanauitoui. Arra madirra: “Zeso Cristopa oua Idinide” quenauiuarrine uatide cappinaqquiri narrari, madirra Zeso Cristoza parrissa quena-rrararrarideni, uima uaidira taniccaza dameraqquiri narrarideni, madirra poua tesse nanazoqquede damera tarrari narrizoue carrimanauitoui. Arra uananehecca dameraqquiri narrarideni, zoppinerredeni, siba nauatoniza uauatizemana narrarideni, mamaizadedeni naco narrizoue carrimanauitoui. Narrarideni bazimapa coriza imeni enxofre rrororo cananiuarri ua tozippauitoui. Narrarope zoqquehe zotodecca −nade. (Nanizape narrizoue rriquerreranicca tonauanemana-zanapouitoui.)

Culina Mádija

⁸ Naraha Ohuadsa toquejena-jarajaridenipa najidsohue cajimanahitohui. Aja madija: “Jesocristopa ohua Idinide” quinahijine huatide cappinaqquiri najari, madija Jesocristodsa pajissa quina-jarajarideni, ima tabaccora taniccadsa disseraqquiri najarideni, madija pohua tesse nanadsoqquede dissera tajari najidsohue cajimanahitohui. Aja huananehecca disseraqquiri najarideni, dsoppinejedeni, siba nahatonidsa huahuatidsemana najarideni, mamaidsadedeni naco najidsohue cajimanahitohui. Najarideni huapimapa coridsa imeni azufre jororo cananihuaji hua todsippahitohui. Najaropi dsoqquehe dsotodecca −nade. (Nanidsapi najidsohue jiquejeranicca tonahanamana-dsanapohuitohui.)

Apocalipsis 21:8 Iomraidhean Croise

Mateo 10:28

—Nazama otauimariza tiquerrenarrarorrinepe madirra tiadeni tonarricabaqquiuiuarrine touini quenaraha narrarideni noppinedenipe ticappinemana terrerarri. Narraridenipa timedeni rricaniuarrine parriremanaraha niza tirricani nattinipe arri rrororoni rriquerreraniuarri ticorimedeni ua tozimabaqquiuiuarrine ssamoqquiri nauitoui. Deona tiadeni tonarricabaqquiuiuarrine parrireui. Arri rrororoni rriquerreraniuarri ticorimedeni ua tozimabaqquiuiuarrine naco parrireui. Nazama Deo noppinena ticappinemanarri, onarraro −nade Zeso.

Mateo 25:25

Nezape tinoppine ocappineza nami ui ozeza ticca ziniro ppa ozarrarode. Arra ticca ziniro tiaza da onanina” narrari.

Mateo 8:26

Nazapa Zeso pouadeniza uati tarrari: —Nerrecotoui ticappinemanarraro? Tiadenipe ouaza: “Rrehe, Zesopa ia touacaua-baqquiuiuarrine parrireui” tiquenerrerarrarorane? −naui nade. Nazapa totemaza rrorrodeza, passoza uati tarrari: —Peperri tarri! −naui nade. Nezape rrorrode, passo rriba rriba narraro naqui zamarrima narraro. Zamarrima nezape passo pozippanissa tarraro.

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

2 Tesaronicadeniza 2:9

Arra uimasiri ssebote auatorraripa Tocorime-Taminecca zossenirri. Pouapa Tocorime-Taminecca dacorehe carrirrari. Pocca uimaza madirra parrissa quenauiuarrine canauatori canaraha maizehe.

1 Timoti 4:2

Arra mamaizadedenipa poccadeni marinarra pina parrissassa naraha maiza maiza quenarrari. Poccadeni uaidireherrine pouadeni bodideni ccaracossarize-manarrari.

Titodsa 1:16

Pouadeni attipa: —Deoza rrehe inani −quequenanaraha poccadeni madieza pouadenirrine uima auato tani: Deoza rrehe quena-rraraui. Pouadenipa Deoza touarrari naziqquiri naui. Deo Poua Attiza naco iboqquiri naui. Pouadenipa uima bicani inanemananiuarrine ssamoqquiri narrari.

Ebreodenidsa 12:24

Icca uima tonanabicade Zesotoui tiarriressimanarraro. Pouarrinea Deocca rrehe canirenirri zati iaza torrarraro. Zeso poua emeneza naqui tiarriressimanarraro. Zeso itoui zoqqueza poua emene toccarrarope icca uima touisso taniuarrine Deoza uati tarrari: —Poccadeni uimasiriza peperri tarri −narrari. Narrarope iaza bica tarraro. Naraha Abeo emene toccarrarope narrarossa nerrerani. Uimasiri inarricaniuarrine parrire-rrerani. Poua emenepe: —Ouaccone −narrarora uati tarraro Deoza.

Ebreodenidsa 13:4

Carricarricca uimape Deoza bica tani. Nema nezape maqquiderredeni amonerre ticarrimanezape tecarrirenissa tarri. Amonerredeni maqquiderre ticarrimanazapa tecarrirenissa tarri. Nebouepe poni. Maqquiderredeni, amonerre ticarrimanezape ponira tinarrarimanarri. Amonerredeni, maqquiderre ticarrimanazapa pouara tinarrarimanarro. Narraro marinarra tecauemane-rrerezape uananehe tinanemanarraro. Uananehepe maqquiderre amonerre carriraha amonerre onihi arra arrape poni. Amonerre maqquiderre carriraha maqquiderre ouaha narra narrape poni. Tabiradeni naco pouama arra arra canarizerarraripa poni. Uananehe onihi, onihi naqui tinebomanarri. Niza zotode Deo madirra bazimacca uima cattemade torrazapa uananehe carrimanarrarideniza: —Ticcadeni uima uaidira tani −naza inarrizobaqquiuitoui.

1 Zouao 2:22

Nerrecorrarina mamaizade? Arra madirra atti: —Zesopa Cristo-Mesia rraraui −nanariza narrarina mamaizade. Narraripa Cristoza uadi tarrari. Abi Deoza: —Parrissa madiui −narrararrari. Poua Bedi Zeso Cristoza naco: —Parrissa madiui −narrararrari.

1 Zouao 3:15

Nazama arra madirra poua imecoteza nacassera tarraripa pina poua imecote inanazoqquerrarissa narrari. Nazama tiadenipe nauatoqquiri tiquenani: Arra madirra poua tesse inanazoqquezapa Deocca camittehe rriquerreranicca poua bodiza noueraha madirrari.

1 Zouao 5:10

Deo Bediza parrissa inezape pocca uima ibodiza madizarraro. Naraha madirra arra Deo Poua Bedi tauimari uati uati tarrariza parrissa quena-rrarazapa pina Deoza maizani uaua quenarrarissa narrari.

Apocalipsis 14:10

Pouadeniza Deo uadizapa narrizoue imeni narrorarrari. Deocca zozosse tabaqqui memeuarricca, Eueue Bedi tezerre pouadeni cattomama canauiuarri Deo nanarrizo inanabaqquiza rrororoni enxofre carrimanicca inauanemananitoui.

Apocalipsis 19:20

Cauadirezapa cavaro mopouiza uittarirrarina pocca madirra tezerre bani siri rrizabote dama dama iquenarrari. Bani siri ouaha maizehe mamaride naco dama iquenarrari. Narraripa bani siri rrizabote tocattauiuarri canauatori canaporrari. Narrari naco madirra icamaizabaqquizapa bani siri rrizabote rranoza inarranorizaporrari. Narrari pouarrine naco bani siri rrizabote corimeza uatizemanaporrari. Nazapa narrari bani sirideni pamahapa camittaqquiri naraha coriza imeni enxofre rrororo cananiza cororo tozipparrari.

Apocalipsis 2:11

—Deo Corimepa otauimariza quequeriqquimana narrarideniza uati uati tarrari. Arri bazima titiqueriqquiriza naniuarri teribodeni ticarrimanezape Poua Atti timittemananissa tarri, onarraro. Arri occa dacorehema timadimaneza ouaza rrehe tiquenarraro tinebomane-rrerezape tizoqquemaneraha zoqquehe zotodeccape tinauanemana-rreranitoui, onarraro −nade Zeso.

Apocalipsis 2:2

Ticcadeni madie ouaza auato tarizarraro. Deo tiadeni tocazossebaqquirrariza tizepedeni irrimanezape dacoco tirrireza tizepedeni irrimanarraro. Otauimarizara dameraqquiri tiquenarraro. Ticcadeni uima onihi naqui nauato onani. Narrarope uaidirehe inanemanarrarodeni tettarrobaqqui-manarrari. Madirra mota maizemanaza attidenipa: “Iape Zeso Cristocca zozosse tabaqqui iquerrenani” quenaraha poccadeni uima nattome tiquenezape tirrinedeni poccadeni maizehe auato tinanemanarraro.

Apocalipsis 21:27

Narraro oza pananiuarripe Deo nacassera tauicca noueranitoui. Madirra uimasiri totonanadedenipa rrauizima-rrarauitoui. Madirra mamaizadedeni naco rrauizima-rrarauitoui. Arra Eueue Bedicca papeo camittehe carrimana-zanapouiuarrineccaza onideni dozo narizarraridenira rrauizimaui orrariuitoui.

Apocalipsis 22:15

Naraha arra madirra Zeso Cristoza parrissa quena-rrararrarideni, zoppinerre doriza dameraqquiri narrarideni, uananeheza dameraqquiri narrarideni, irrinedeni auemanarrarideni, siba nauatoniza uauatizemana narrarideni, maizeheza dameraqquiri narrarideni, poua tesse mamaizadedeni, narrarideni bazimapa Deocca oza pananiza rraui torrezima-rrarauitoui.

Apocalipsis 9:17

Narrarope Deo Corimerrine onoccoza auato tarraro. Arra cavaroza rrassi tarirraridenipa arrama quenaha qqui onabaqquide. Pouadeni bacco cacauemanauiuarrine pperro nauatoni ccarabote carririzemanarrari. Baccodeniccape pina zippo rrororoni macconissa narraro, pina meme souenissa narraro, pina enxofre uesse tarrarissa narrari carrimanarrari. Cavaro tatidenipa pina zomarri tatissa quenarrari. Pouadeni arrarizape zippo rrororoni qquena, zippo esseni qquena, enxofre marro uaidira tarrari qquena narrari.

Apocalipsis 9:21

Madirra nanazoqquede, caribarrade, uananehe, botie naco nebomana-rrararrari.