Apocalipsis 21:6 - Kulina New Testament Brazil

⁶ Nazapa ouaza uati tarrari: —Arrirraro uima uati onarrarope torranissa tehe rricani. Ouape Oua. Arrirraro zama nauatopo-rreraccazama omadiporraro. Niza zotode arrirraro zama rricaraha Ouape omadi-zanaponitoui. Madirra bacco rrocorizazapa passo camittehecca qquenarraro ze nauiuarrine pouaza da onanitoui. Pouaza: Manaconi, onerreranitoui.

Culina Mádija

⁶ Nadsapa ohuadsa huati tajari: —Ajijaro ima huati onajaropi tojanissa tehe jicani. Ohuapi Ohua. Ajijaro dsama nahatopo-jeradsama omadipojaro. Nidsa dsotode ajijaro dsama jicaraha Ohuapi omadi-dsanaponitohui. Madija bacco dsaridsapa passo camittehecca qquenajaro dse nahijine pohuadsa da onanitohui. Pohuadsa: Manaconi, onejeranitohui.

Apocalipsis 21:6 Iomraidhean Croise

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Huano 4:11

Naraha manaco amonerre poni attinipe: —Nerrecozara passo uana tizananiuarrine? Ui tozanicca passope uarri tani. Nerrecouarricca passo camittehecca ouaza da ticananiuarrine? −nani nade.

Huano 4:14

—Naza arri oua passo da ocanarraro ze quenauipa baccodeni rrocomanapoma-rrarauitoui. Arri occa danirri passona madirra bodideniza rriquerreranitoui. Camittehe rriquerreranicca torraniuarrine −naui nade Zeso.

Romanodenidsa 3:24

Arri icca uimasiri manaconi narrizoue icarrinitouiraha Zeso Cristo pouarrinena Deo ia tappa tabaqquirrari. Deo iaza uati uana taza manaconi rrirehe iaza: —Tiadenizape uima nouerani. Ouaza bicaqquiri tiquenani −narrari.

Romanodenidsa 8:32

Deopa pocca erredeni Zeso iaza eccocco-rrararrari. Icassiuaueraniuarrine eccoraza zoqquerrari. Pocca erredeni iaza da inazapa pocca biquehe onihi onihi iaza eccoccopazerre? Nouerani. Bazima iaza da inarizanitoui.

1 Corintodeniza 2:12

Nazama arri iaza da inarrarope arrirraro zamacca rrerani. Deo Poua Corimena iaza da inarraro. Pouapa iaza bica taza Poua Corime ia acco canarrari, Deo pocca uima bicani iaza inanarraro imittaniuarrine.

1 Corintodeniza 3:12

Nazama arri ueuema bicaboteza oza canapirirraro icanauatomananiuarrinepe oroza, prataza, siba uatini ccara taniccaza inauatorizemananitide. Madirra ouahapa pina tabaza, bobaza, minaza inauatorizemananitide.

1 Corintodeniza 3:21

Nazama madirrazara tetizemanana terrerarri. Tettidenipe: —Ia maridena denima bica tarrari. Pouaza iquerrenezape deni iquerrenarraro −tiquenanitide naraha nema tiquena rrerarri. Deopa bazima tiadeniza da inarraro, tiadeniza bica taniuarrine.

1 Corintodeniza 3:5

Naraha tiadeniza ouattipe: Paoropa nerrecorrari? Aporopa nerrecorrari? Iape deni iquerrenaniccaqui? Nouerani! Ia ipamehepe Deocca zozosse tabaqqui iquerrenarraro. Tiadeni mari icanabaqquirrarorrine ia Zozossedeza parrissa tiquenarraroparride. Ia Zozossede ia tocazossebaqquiza izepe irrirrarode.

Apocalipsis 1:11

Atti arrama narrari: —Arrirraro bazima tiaza noue onarrarope papeoza dozo tarri. Arri zama Asiauarricca Zeso Cristoza quequeriqquimana naui 7 narizarraroza uima zosse tinarizaniuarrine. Oza panani Epesouarri, Esmirnauarri, Peocamouarri, Tiatirauarri, Saradisiouarri, Piradeopiauarri, Laodiseauarri zosse tinarizarri −nade atti moui taza.

Apocalipsis 1:17

Qqui onazapa pina ouatiarrarossa narraro. Poua amoriuarri ouedimeza oponarraro. Naraha poua zepe nauatoniccaza oua bara naza uati tarrari: —Ticappina-rrerarri. Ouape taidezama omadiporraroua arri rricaqquini bacco onanitoui −nade.

Apocalipsis 1:8

Ia Zozossede Deo Attipa: —Ouape Deo Dacorabote. Taidezama omadiporraroua arri rricaqquini bacco onanitoui −nade ia Zozossede attipa. Pouapa madiui. Nazama madiporrari. Niza ccarronauitoui.

Apocalipsis 10:6

—Arri uati onarrarope Deo Poua onima parrissehera uati onarraro. Deopa nazama madirronarrari. Meme inauato, nami inauato, passo imeni inauato narraro. Arra Deo Poua inauatorizarraroza madirizemanarrari naco Deo Poua inauatorizarrari. Ouattipe parrissa: Uima rricaniuarrinepe narro-rreranitoui.

Apocalipsis 16:17

Nazapa Deocca zozosse 7 quenarrari rricarinicca pocca tasacca rrappopponiuarri sso inarraro. Nezape memeuarricca Deoza dada toqquimauarri atti moui auatorraro. Naui Deocca uiuittari bicabote cauittariniuarri poua atti moui tehe qquenarrarope: —Rridapanape rricani! −narrari.

Apocalipsis 22:13

Ouape oua. Arrirraro zama nauatopo-rreraccazama omadiporraro. Niza zotode arrirraro zama rricaraha ouape omadi-zanaponitoui −nade Zeso.

Apocalipsis 22:17

—Nirra, ticcarronarri −quenaui Deo Corime, Eueue Bedicca amonerre tazarrani. (Narraro amonerrecca uimape Zeso Cristoza ihiqueriqqui narrarocca uima.) Madirra arrirraro uima mittemanarrarideni naco: —Rrehe, ticcarronarri −quenana. Passotoui bacco rrocorrari zede touini nazapa ccarronana, passo camittehecca manaconi rrirehe ze nauiuarrine.

Apocalipsis 3:14

Zeso Cristo ouaza uati zanaporrari: —Laodiseauarri otauimariza quequeriqquimana narrari cacauadeza dozo tarri −nade. —Ouape parrissa. Arri uati uati onarrarope parrissa qqui onarraro uimara uati uati ohonanarraro. Bazima Abi Deo inauatorizarraripa orrine torrarizarrari. Nazama ouatti tiadeniza arrima onarraro:

Apocalipsis 7:17

Narraro uima torraniuarrinepe arra Deocca uiuittari bicabote tazarranima Eueue Bedi uarrarina pouadeni ecauabaqquiuitoui. Pina eueue cacauade pocca eueue ecauabaqquirrarissa nauitoui. Passo bicani camittehecca sibaza qquenarrarocca ze ze zanapomanauiuarrine pouadeni eccariza-baqquiuitoui. Poccadeni orriepe Deo inarricanitoui. Noccodeni pperrene sse inarizazapa denima orri quena-rrarauitoui −nade cacauade orraria atti.