Apocalipsis 21:21 - Kulina New Testament Brazil

²¹ Arri totoqquezima 12 narrarope perola moponi zibehi tarraro 12 nehe uacossarizarraro. Perola orrariepe totoqquezimaza orrari orrari narizarraro. Oza pananicca rraui bazimape zibehini oro ponira irrirraro, tocassiuerreqquimera narraro.

Culina Mádija

²¹ Aji noccobiji 12 najaropi perla noponi dsibehi tajaro 12 nehe huacossaridsajaro. Perla ojariepi noccobijidsa ojari ojari naridsajaro. Odsa pananicca jahui huapimapi dsibehini oro ponira ijijaro, tocassiejeqquimera najaro.

Apocalipsis 21:21 Iomraidhean Croise

Apocalipsis 17:4

Bani siri ideza uittarirrarope etero bicani soueni macconi carrimani uezarraro. Mattonicca, uaribonicca, birrinicca, issonicca bazima oro nauatoni carrirraro. Siba bedeni bicabote, perola moponi oro tazarrani carrimani carrizamaro canarraro. Poni zapaniza zeze oro nauatoni zorro torrizarraro. Ponicca zezeza irrirraripa ponicca uananehecca uima. Deoza uima oppina tanicca, uaidira tanicca irrinissa tarraro. (Narraro uimape ponicca uaidirehe, deo pouamaccaza uatizerrarocca uima.)

Apocalipsis 18:16

Pouadeni atti arrama quenauitoui: —Rraho, Babironiape oza panani deni torraniccaraha rricarraro. Touati nauana tani. Narraro oza pananipe pina amonerre poni nabicarrarocca uimassa narraro. Etero bicabote linho ueza, onihi purpura ueza, onihi macconi ueza narraro. Poni neuebezozape oro, siba bedeni zibehi tarraro, perola naqui mattoniza, uariboniza, birriniza, issoniza carrirraro.

Apocalipsis 21:15

Arra Deocca zozosse ouaza uati tarraripa nanattome orocca zibehi tarraro zorro inarrari. Narraroza oza panani, noccobirri, ua nauarranini naqui nattomede torrarizarrari.

Apocalipsis 21:18

Oza panani uapiuarricca ua nauarranirrarope diamanteza nauatorraro. Oza pananipe oro poniraza canauatorraro. Narraro orope pina jaspe ssiuarra tarrarissa narraro, tocassiuerreqquimera narraro.

Apocalipsis 22:2

Narrari uenipa oza pananicca rraui nocconi motta touaccarrari. Aua camittehecca ueni inidiza arrauarri ua, rrippeuarri ua narrari. Abazico carrari carrari naha bobono narrari. Uarrano orrariaza bono carrirraripa 12 narrari. Narrari aua eppepa zama bazimacca madirra nomiqquiri naha madimana-zanapouiuarrine.

Apocalipsis 4:6

Nani pocca uiuittari bicabote tazarranimape pina ueni imehissa naraha ccara tarraro. Tocassiuerreqquimera narraro, pina siba cristaossa narraro. Naui Poua uittariui uinoriza naco camittaqquiri narrarideni 4 quenaha uaueri nauarranirrari. Poua baccouarri, poua ideuarri, poua ppari nauatoniuarri, poua ppari ssamouarri narizemanarrari. Camittehe carrimanarrari assiredenizape noccodeni irririzarraro. Pouadeni tezerrema qquide nauatoqquiri, pouadeni nattiuarri qquide nauatoqquiri narrari.