Apocalipsis 21:1 - Kulina New Testament Brazil

¹ Nezape qqui onapomanerre meme zati, nami zati qqui onarraro. Arri taidecca meme, nami narrarope amossi narraro. Passo imeni naqui amossi narraro.

Culina Mádija

¹ Nadsapi qqui onapomaneje meme dsati, nami dsati qqui onajaro. Aji tahidecca meme, nami najaropi amossi najaro. Passo imeni naqui amossi najaro.

Apocalipsis 21:1 Iomraidhean Croise

Romanodenidsa 8:21

Niza Deo pocca erredenideniza pocca deni torrehe inanarizezape zoqquehecca dacorehepe rricanitoui. Narraro deni torrehe Poua inauatorizarrarideniza naqui inanarizezape zoqquehe tappa inabaqquiuitoui.

2 Pedoro 3:10

Naraha ia Zozossede Zeso ccanipomauicca uada parrissa bacco tezape pina bobotide icca ozaza amazati bacco naza uarro inarrarossa nanitoui. Mouini oppinabote dacorehema tomouizape meme amossi nanitoui. Memeuarricca marri, abazico, amouadeni naco dirri tarizaha rricauitoui. Zama nemanehe narrizoue torrezape poniza anirizarrari bazima dirri tarizaha rricazapa amossiuarrauissa tauitoui.

2 Pedoro 3:13

Naraha ia Deo pocca madirra iquerrenarrarope Deo Poua uati taporraricca meme zati bicani, nami zati bicani touini inarrorehe imadirraro. Narraro zama zatizape madirra bicaqquiri narraridenira uimasiri rriraha madimanauissa tauitoui.

Apocalipsis 13:1

Ocattoma cananarra bani siri imehi rrizabote ueni imehiza qquemorarrari. Tati 7, ori 10 naha carrirrari. Ori bazimaza tamine tatidenicca uittaririzarrari. Bani siri tati bazima toni uaidira tanicca dozo narizarraro. Tonipe Deoza ocassera tani. Pina Deo oniza tatamasso narrarissa narraro.

Apocalipsis 20:11

Nazapa qqui onanarra pocca uiuittari bicabote mopo tocanarraroza Deo uittariui qqui onarrari. Nauiza uittariza poua tezerremape meme touatora-ra amossi, nami touatora-ra amossi nezape nouerade.

Apocalipsis 21:5

Nazapa arra Deni torrauicca uiuittariza uittari canarrari Attipa: —Ouape bazima zati onanarizaui −nade. Poua Atti onihi naqui: —Arrirraro uima dozo tarri. Arrirraro uimape parrissa. Uimape pina arrirrarossa nehe torranitoui −nade.

Apocalipsis 6:14

Meme naqui pina papeo pico-co-co naqquirrarossa neza amossi nade. Ssono imeni bazima naqui parrimaranizana torrarizarraro. Passo ueni nocconiza zama uiuittacosseri narraro naqui parrimaranizana torrarizade.