Apocalipsis 19:15 - Kulina New Testament Brazil

¹⁵ Poua arrariza qquenarrarope pina massito cauidi-qquimerarrarossa narraro. Narraroza zama bazimacca madirra inarrizoriza-baqquiuiuarrine. Zama bazimacca tamine dacorabote torrazapa poua atti dacoraza madirra zosse zosse nauitoui. Pouarrinepa Deo Dacorabotecca uadie torrani qqui toquenauitoui. Pouapa Deoza iboqquiri narrarideni ttai izanacossabaqquiza mere uarrauissa tauitoui. Pina uva pperrene toccauiuarrine ttai ttai quenarrarissa nauitoui.

Culina Mádija

¹⁵ Pohua ajaridsa qquenajaropi pina massito cajadsire-qquimerajarossa najaro. Najarodsa dsama huapimacca madija inajidsoridsa-baqquihijine. Dsama huapimacca tamine dacorabote tojadsapa pohua atti dacoradsa madija dosse dosse nahitohui. Pohuajinepa Dio Dacorabotecca huadie tojani qqui toquinahitohui. Pohuapa Diodsa iboqquiri najarideni ttai idsanacossabaqquidsa mere huajahissa tahitohui. Pina uva ppejene toccahijine ttai ttai quinajarissa nahitohui.

Apocalipsis 19:15 Iomraidhean Croise

2 Tesaronicadeniza 2:8

Nazana uimasiri ssebote auatomauitoui. Naraha zotodepa ia Zozossede Zeso Cristorrine rricauitoui. Zeso Cristo poua zibehinema, pocca dacorehema ccaronapomazapa poua arrariza rrappo naza inanazoqqueuitoui.

Apocalipsis 1:16

Poua zepe nauatoniccaza amoua 7 canaha carrirrari. Poua arrarizape rrazirecca massito cauidiqquimera narrarossa narraro qquenarraro. Pano naco zibehi tarrari pina marri itetepiza ssiuerrene dacorarrarissa narrari.

Apocalipsis 12:5

Naraha ponicca erredeni maqquiderre bedi tossonazapa madirrari. Narraripa niza zotode zama bazimacca tamine dacorabote torrauitoui. Pocca zozorro ccanarra tarrariza pocca madirra zosse zosse nauitoui. Naraha ponicca erredenipa todinimacossanirrari. Naui Deo Poua uittariuiza zossede uittarirrari.

Apocalipsis 14:10

Pouadeniza Deo uadizapa narrizoue imeni narrorarrari. Deocca zozosse tabaqqui memeuarricca, Eueue Bedi tezerre pouadeni cattomama canauiuarri Deo nanarrizo inanabaqquiza rrororoni enxofre carrimanicca inauanemananitoui.

Apocalipsis 19:21

Nazapa cavaroza uittarirrari poua arraricca massito cauidiqquimerarraroza bani siricca isso teppeppedeni inarricarrari. Nazapa meme abari madirra imedeni rripemanaza accaraqquiri narrari.

Apocalipsis 2:12

Zeso Cristo ouaza uati zanaporrari: —Peocamouarri otauimariza quequeriqquimana narrari cacauadeza dozo tarri −nade. —Ouape rrazirecca massito cauidiqquimera narraro ocarrini.

Apocalipsis 2:16

Tibodideni tecarriqquimerarri, narraro uima pamehe tiadeniza noueraniuarrine. Ticcadeni uima tecarriqquimera-rrerezape tiadeniuarri occanitoui. Barahaocca, Nicolaitacca marinarra carrimanarrarideni ocauadibaqquiuitoui. Ouarrariza ouatti qquenarraro pina rrazirecca massitossa narraro pouadeniza ssonarinitoui.

Apocalipsis 2:27

Maittaccazama occa Abipa ouaza: “Zama nemaneheza madirizemanarraridenicca tamine tirranitoui. Pina tamine dacorabote pocca zozorro ccanarraboteza zipa ideza bararirrarossa tinanabaqquiuitoui” napode ouaza.