Apocalipsis 19:14 - Kulina New Testament Brazil

¹⁴ Pocca madirra memeuarricca rrarrazirededeni poua natti rraui torramissarrari. Poccadeni etero onini linho bica tarraro, mopo, uisso tarraro uezemanaza cavaro mopouiza uiuittariri narizarrari.

Culina Mádija

¹⁴ Pocca madija memehuajicca jajadsirededeni pohua natti jai tojamissajari. Poccadeni etero onini lino bica tajaro, nopo, obera tajaro huedsamanadsa bojo nopohuidsa huihuittariri naridsajari.

Apocalipsis 19:14 Iomraidhean Croise

Mateo 21:5

—Oza panani Sioza madimanarrarideniza arrima tarri: “Qqui tiquenanarra, ticcadeni tamine bicabote tiadeniuarri bacco naui. Pouapa rrone taui, rrazire toui narraraui. Arrana, borro imehiza uittarirrona-rraraui. Borro namizaza tozepetarri rrorrorede bedi ideza uittarirronaui” −napoui nade Zacaria.

Mateo 26:53

—Rraho tibodi ssamo tarraroqui? Oua nacassa oneza Abi Deoza uati onezape pocca zozosse tabaqqui memeuarricca oua acco icanemananiuarrine pina issoteppeppedenissa narrari 72 mil quenaha zosse inaronabaqquiuitoui.

Mateo 28:3

Pouapa ssiuarra tarrari pina ssissiuede ssiuarranissa narrari. Pocca etero mopo tarraro pina uepessa neraha denima mopo tarraro.

2 Tesaronicadeniza 1:7

Arri ocasserani temanarrarope Deo tiadeni rrassi tonanabaqquiuitoui. Ia naqui Deorrine nema inanitoui. Narraro rrassinarracca uimape niza ia Zozossede Zeso Cristo memeuarri neboza namiuarri ccaronapomazana iaza torranitoui. Pouapa pocca zozosse tabaqqui memeuarri dacoraqquiri narrarideni tezerre rrororoni imenima ccaronapomauitoui.

Jodacca 1:14

Maittaccazama Adao potemaui tossoniqquimaui 7 nauicca Enoqui naco Deorrine mamaizadedeni tauimari uati taporrari. Poua attipa: —Ticattomama canarri! Ia Zozossede Zeso Cristo pocca zozosse tabaqqui memeuarricca sibema pouaza rrauironaui qqui onaui.

Apocalipsis 14:1

Nazapa ocattoma cananerre Eueue Bedi Zeso ssono Siaoza ua canaui qqui onade. Pouaza madirra 144 mil (144.000) quenaha domo uarrari. Uassarideniza dozo nanipe Eueue Bedi Zeso oni, Imehi oni carrimanarrari qqui onarraro.

Apocalipsis 14:20

Nazapa oza panani uapiuarri uva ttai ttai naza pperrene toccarrari. Narrari pperrene toccarraripa madirra emenedeni uva ttaittaiza qquenarraro. Pina ueni tocazarrarrarissa narrari. Cavaro uaui arrariza bacco tarraro. (Narrarope 1 metro e meio.) Emenedeni toccabaqquini uarri tani. Nattome inezape 300 quilometrossa nehe torrarraro.

Apocalipsis 17:14

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Apocalipsis 19:11

Nezape qqui onanerre meme touabeza cavaro mopoui auatorrari. Narrari cavaroza uittarirraripa Parrissehe Rrinede. Pouapa maizera tarrari. Zama ecaueza, rrazire inaneza naqui pouarrine parrirenissa tarraro.

Apocalipsis 19:8

Etero uezeza narroraniuarrinepe poniza etero onini linho bica tarraro, mopo, zibehi tarraro da inarraro. Narraro etero bicanicca uimape Deocca madirra toquerrenarrarideni bodideni inauissobaqquiza Pouaza madimanauissa tarrari −quenarrari.

Apocalipsis 3:4

—Naraha tiadeni Saradisioza titiqueriqqui narraro motadeni arrirraro zamacca uimasiriza toquerrenanipoma-rraraui. Poccadeni uimape pina poccadeni etero tosoue-rrerarrarossa narraro. Niza ouaza madimanazapa pouadeniza etero moponi da onarizanitoui. Bicaqquiri narrarirrine ouaza etero moponiza rrauirizauitoui.

Apocalipsis 4:4

Poua uittariuiuarri qqui onezape cacauadedeni 24 quenaha rrassi taririzarrari. Zozossededenicca uiuittari bicaqquiri narraroza rrassi nauarranirrari. Poccadeni etero mopoqquiri narraro. Pouadeni tatiza tamine taticca oro nauatoni uittaririzarraro.

Apocalipsis 7:9

Narraro uima rriquezape ocattoma cananerre madirra panauicca qqui onabaqquide. Qqui onabaqquiraha onocco ssonaqqui nade. Madirra zama onihi onihiza madirizemanarrarideni mota, uapideni onihi onihi carririzemanarrarideni mota, touatti onihi onihi carririzemanarrarideni mota naco qqui onabaqquirraride. Deni torrauicca uiuittari bicabote cauittariniuarri, Eueue Bedi tezerrema bazima domodeni uarrari. Eteroridenipa mopoqquiri narraro. Deoza uatizemanaza birirrari eppe zorrorro zorrorro canade.