Apocalipsis 18:14 - Kulina New Testament Brazil

¹⁴ Naraha Babironia rriquezape dadadedeni poniza arrama quenauitoui: —Rridapanape aua bono ocassabote touini tanicca ticappiranissa tani. Arri tia ticarrirrarocca bazima bicabote parri rricarihe nema zanaponitoui −quenauitoui.

Culina Mádija

¹⁴ Naraha Babironia jicadsapi dadadedeni ponidsa ajama quinahitohui: —Jidapapi ahua bono ocassabote tohuini tanicca ticappiranissa tani. Aji tia ticajijarocca huapima bicabote paji jicarihe nema dsanaponitohui −quinahitohui.

Apocalipsis 18:14 Iomraidhean Croise

Mateo 11:8

Uamoniuarri rrarraui tirra nezape nerreco qquidera rrarraui tirra narrarotte? Arra madirra etero uatini ccara tanicca uezarrari qquide rrarraui tirra narrarottarane? Neraha tiadenipe nauatoqquiri tiquenani: Madirra etero uatini ccara tanicca oro tozimemanarraridenipa taminedenicca ozazana mamadimana narrari.

Roca 12:20

Naraha Deopa pouaza uati tarrari: “Tiape ssamo tinani. Arrirraro zomeza tizoqquenitoui” narrari. “Arra tizepetarri, arra uizarracca bonoma tecauarizarraripa tizoqquezape tiaza nama zanapopazarra? Noueraui! Tizepetarripa madirra ouahazana torrarizauitoui” narrari Deo.

Roca 16:25

Naraha Abarahao pouaza uati tarrari: “Neppe, teti uatomarri. Taide namiuarri timadiponipe bicani tepode. Naraha Razaropa ocassereheza madipode. Rridapanape Razaroza uima bicani torrarraro. Naraha tiape ocasserani tinauanarraro” narrari Abarahao zepe sseboteza.

1 Corintodeniza 10:6

Nezape narraro uimaha ia mari tocanabaqquirraro, iape pina arra pouadeni uima uaidira tarraro touini quenarrarissa inerreraniuarrine.

Satiacocca 4:2

Madirra ouahacca touini tiqueneraha tiadeniza torra-rrerezape tirrinedeni auaniuarrine touini tiquenarraro. Tozepetarri accone uitide, amonerre acconi nitide, touini tiquenanicca onihi nitide, narraro acconi tedimaneza ticauadirere canarraro. Touini tiquenanicca toui Deoza uati tiquenerrerezape ticappiremanarraroparri.

Apocalipsis 18:13

Zamatapa cacarrima canela, zamatapa cacarrima marro tauicca ouaha ouaha naco uemaui eheccarronemana narrari. Aua marriconi touessiza marro bica tarrari, aua onihi marriconi mirra eheccarronemana narrari. Marrorro, uva pperrene, aua bono rritona oquine, farinha nappori tauicca, arroi rrizaza tirico naco eheccarronemana narrari. Boui, cavaro tozepetarri rrorrorede, eueue, cavaro madirra rrorrorede, nami rrorroppade cavaro rroca rroca ihicana narraro, madirra escravos deni naco eccarronabaqquimanarrari. Naza madirra tabarideni naco eccarronabaqquimanarrari narrari.

Apocalipsis 18:15

Nazapa dadadedeni Babironiaza pouadeni zepetarri da da quenapoza ziniro sseqquiri naporraridenipa poniza narrizoue oppina tehe ssonarirraro noppineni cappinemanauitoui. Nazapa uarri taniza domo uaza orri orri quenauitoui.