Apocalipsis 16:10 - Kulina New Testament Brazil

¹⁰ Nazapa Deocca zozosse 5 nauicca naco pocca tasacca bani siri zossede torrauiuarrinecca uiuittariza sso inarizape pocca cacauehe nemanehe tozizirraro. Nazapa pouadeniza comani dacoraza pouadeni ipoma inodeni zaqui tocanemanarrari.

Culina Mádija

¹⁰ Nadsapa Diocca dodosse 5ʼcca naco pocca tasaocca bani siri dossede tojahijinecca huihuittaridsa sso inaridsapi pocca cacahuehe nemanehe todsidsijaro. Nadsapa pohuadenidsa comani dacoradsa pohuadeni ipoma inodeni dsaqui tocanamanajari.

Apocalipsis 16:10 Iomraidhean Croise

Mateo 13:42

Narrarideni bazimapa rrororoni rriquerreraniuarri ua izimabaqqui-manauitoui. Nauiuarripa ocasserani auemana-zanapozapa panodeni tozaui naza orri orri quenauitoui.

Mateo 22:13

Nazapa tamine pocca zozosse tabaqquiza: “Rrari, arrarrari madirra isso rrore, birri rrore tiquenarro. Arricca amossini ziziniuarri coro tininemanarro. Nauiuarripa ocasserani aua-zanapozapa pano tozaui naza orri orri nauitoui” narrari.

Mateo 24:51

Nazapa pocca zozosse inarrizouitoui. Zoqquezapa maizarridede rabotedeniuarri inanauitoui. Nauiuarripa ocasserani aua-zanapozapa pano tozaui naza orri orri nauitoui −nade Zeso.

Mateo 8:12

Deopa pocca cacauehe memeuarricca Abarahao potemaui Izarraeodeniza torraniuarrine inanarroraporaha ouaza parrissa quena-rrarazapa Deo amossiniuarri ua ininebaqquiuitoui. Ziziniza toquerrenaza ocasserani auemana-zanapozapa panodeni tozaui naza orri orri quenauitoui, onarraro −naui nade Zeso.

Roca 13:28

—Nezape Deocca cacaueheza uati tineza ticattomama canezape ticcadeni idideni Abarahao, Izaqui, Zacadenipa, arra Deo Atti cacomeraqquiri narrarideni tezerre, bazima nauiza madimanaui qqui tinabaqquimanaraha tiadenipe uauattarro tiquerrenanitoui. Tiadenipe ocasserani temanazanapozape tipanodeni tozani neza orri orri tiquenanitoui.

1 Pedoro 2:17

Timadimananissa teza madirra bazimaza bicaqquiri tiquenarri. Timecotedeni arra Zeso Cristoza rrehe quenarrarideniza tetideni uanaqquiri narri. Deo noppine ticappinemaneza Poua Attissa tinanemanarri. Tamine deni torrauicca noppine naqui ticappinemaneza poua attiza iboraqquiri tiquenarri, onarraro.

Apocalipsis 11:10

Deo Atti cacomeraqquiri narrarideni pamahapa arrirraro zamacca madirradeniza oppinehe imeni inanarizemanarrarorrine pouadeniza nacasseraqquiri narrari. Nazapa topamarronarrarirrine madirrapa uatizemaneri nauitoui. Catizerara canazapa pouadeni zepetarri pouadeni tesseza manaconi rrirehe arrauarri da, arrauarri da iquenauitoui.

Apocalipsis 11:2

—Naraha Deoza dada toqquimacca boronipe nattome terrerarri. Narraro boronipe zodeo querrena-rrararrarideniza torrani. Narraridenipa abazico 42 canaha Deocca oza panani bicaboteza madimanazapa pouadenirrine touaidiranitoui.

Apocalipsis 11:8

Nazapa ia Zozossede Zeso aua porimacossaniza coba izanemanaza zoqqueuicca oza pananicca rrauiza assiredeni pparaui codauitoui. Narraro oza panani oninipe Zerozare naraha onini ponimacca ua iquenarrarona: Uimasiri sseqquiri narraridenicca oza panani Sodoma, quequenanarrari. Onini onihi naqui: Deoza iboqquiri narraridenicca zama Ezito, quequenanarrari.

Apocalipsis 17:17

Tamine 10 quenarraripa ssamoqquiri naraha Deo Poua nacassa tauicca inanemananiuarrine, bodideni inanarrorabaqquirrari. Pouadenipa: “Bani sirina deni torraui orrari nana” quenaza rrehe canirere canarrari. Nazapa bani sirizara iboraqquiri zanapomanarraria Deo Poua uati taporraricca uima rricani bacco toquenauitoui.

Apocalipsis 17:9

Nazapa denima uati uati tarrari: —Arrirraro uima timittanissa taniuarrine narro tani. Deocca touattehe carrirrarina mittauitoui −narrari. —Arra bani siri tati 7 narraricca uimape ssono 7 narraroza amonerre uittarirraro. Tati 7 narraricca uima onihi naqui tamine 7 quenarrari.

Apocalipsis 18:2

Nazapa poua atti moui dacoraza uaua narrari: —Babironia rricani, rricani! −narrari. —Babironia oza panani deni torranicca rricani. Rridapanapa Babironiaza Tocorime-Taminecca zozosse tabaqqui tocorimedenira madimanaui. Abariza, mori, eppe carriui oppina tauicca bazima madimanaui. Bani siri uadi tauicca naco madimanaui.

Apocalipsis 18:21

Nazapa Deocca zozosse memeuarricca dacorabotepa siba imeni idimacossa narraro. Narraro sibape imenibote pina arroi rrizaza tirico ririuassa narraro. Narraro siba imeni ueni imehiza coro izippaza poua attipa: —Babironia tiape oza panani deni tirraniccaraha arrirraro sibassa tanitoui. Parri amossi tarizape tia qqui quenapoma-rreranitoui −narrari.

Apocalipsis 18:23

Tiaza rrorrororo ssiuerrene naco nouerauitoui. Uenauenacca errete mouini noueranitoui. Ticca tozepetarri dadadedeni zama bazimaza deni toquerrenaraha rricanitoui. Tiape zama bazimacca madirra ticamaizabaqqui-rizarraripa pina zoppinerre madirra icamaizabaqquirrarissa tarrarorrine parri amossi tarinitoui −narrari.

Apocalipsis 8:12

Nazapa Deocca zozosse memeuarricca 4 nauicca rrori rrori nanarra marri arobe touaidira, abazico arobe touaidira, amouadeni mota touaidirariza narrari. Nazapa bazima arobe ouirizarrari. Narrarorrine ssiuarrani arobenipe tossiuarrani nerrerani. Zome arobeni naqui tossiuarrani nerrerani.

Apocalipsis 9:2

Nami odini uarri tanicca totoqquezima itaborrizanerre odi bodiuarricca esseni qquenarraro. Pina zippo imenibote rrororoni essenissa narraro. Narraro meme irrizape tosoueni neza marri amossi narrari.