Apocalipsis 14:14 - Kulina New Testament Brazil

¹⁴ Nezape ocattoma cananerre meme esseni mopo tani qqui onarraro. Narraro esseni tetepiza uittarirraripa Deo Bedi pina madirrassa naha qqui onarrari. Poua tatiza tamine taticca oro nauatoni uittarirraro. Poua zepeza massito rrocazani iditanicca zorro irrizarraro.

Culina Mádija

¹⁴ Nadsapi ocattoma cananeje meme esseni nopo tani qqui onajaro. Najaro esseni tetepidsa huittarijaripa pina madijassa naha qqui onajari. Pohua tatidsa tamine taticca oro nahatoni huittarijaro. Pohua dsepedsa massito jocacadsani jadsira tocanehe dsojo icajidsajaro.

Apocalipsis 14:14 Iomraidhean Croise

Mateo 13:30

“Paparraccaua, pamaha napimanaccana. Niza tirico bono rradazana auato tauitoui. Nazana bonotoui edema ti tiquenarizauiuarrine bica taui. Nazapa titidedeniza arrima onanitoui: Rrari, taide mina pocani ti tiquenapona, onanitoui. Tide rricaza ponira ua naqquizape rrore nacossezana botta tiquenarri, onanitoui. Naraha tirico bicaui bonotoui edema ti tiquenazapa occa ozauarri ouaza torrauiuarrine rrore rrore tanimanarro, onanitoui” narrari uizarra rrinede atti. Rrehe, Deocca cacauehepe narraro uimassa narraro −nade Zeso.

Mateo 17:5

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.

Maraco 4:29

Nazapa bono rradaza rrinede attipa: “Bono rradaui bite onana” naza bitede toccarrari. Bono bite inarrari, rricazapa pocca ozauarri eccanirrari. Rrehe, Deocca cacauehepe pina narraro uimassa narraro −naui nade Zeso.

Roca 21:27

Nezana ouape Madirra Bedi orrarraroa meme essenima ocarrimehe occaronapomani madirra bazima qqui toquenauitoui. Occa dacorehe, occa deni torrehe auato tanitoui.

Ebreodenidsa 2:9

Narrari madirra orraria deni torrarraripa Zeso. Pouana deni torraporaha Deorrine arramani torraccarrari. Pouapa Deo Bediraha pina madirrassa naha torrazapa Deo pocca zozosse tabaqqui memeuarriccana deni toquerrenaccarrari. Nazama Deo iaza uati cauanari canaza Poua Bedi Zeso zoqqueuiuarrine eccorarrari, bazima pouaza rrehe inarraro ia tonassiuauabaqquiuiuarrine. Zesopa zoqquehe inauaneza rridapanapa Deorrine deni torrarrari. Bazima pouaza iboraqquiri inaniuarrine Deo pocca deni torrehe, pocca biquehe pouaza inanarraro. Rrehe, narrari Zeso poua tauimari rridapana iaza auato tani, onarraro.

Apocalipsis 1:13

Qqui onanarra rrorrororo pinine cacaueri naui nocconiza pina madirra bedissa naha ua canarrari. Pocca etero arabo tarraro amoriza bacco tarraro. Poua birri mete ssossoque zibehi tarraro pina orossa narraro.

Apocalipsis 1:7

Ticattomama canarri! Zeso Cristo meme essenima ccaronaui qqui tiquenauitoui. Madirra bazima qqui toquenauitoui. Arra Zeso Cristo poua nanazoqquededeni naco qqui toquenauitoui. Zama bazimacca madirrapa pouatoui orri orri quenauitoui. Rrehe, parrissa nema nana.

Apocalipsis 10:1

Nazapa memeuarri qqui onanarra Deocca zozosse dacorabote ouaha meme essenima carrimaha ccaronarrari. Poua tatiza meme rranoni porimacossanissa narraro carrirrari. Panopa pina marri ssiuerrenessa narrari. Issopa pina zippo rrororoni pamarrarossa narraro.

Apocalipsis 11:17

Naza attidenipa: —Ia Zozossede Deo Tiape dacorabote orrari tani. Tiape nazama timadiporrarope timadi-zanaporraro. Tiaza etizerraro, uima bicani tinanani. Arri ticca dacorehe bazimaza tirrine auato tinanarizarraro. Rridapanape zama bazima zossede tirrarraro.

Apocalipsis 19:12

Poua nocco zibehi tarraro. Pina zippo rrororonissa narraro. Poua tatizapa tamine tatidenicca uapi taha tassaqquiza uittarirrari. Poua oni dozo nani carriraha poua motta nauato taui orrari narrari.

Apocalipsis 20:11

Nazapa qqui onanarra pocca uiuittari bicabote mopo tocanarraroza Deo uittariui qqui onarrari. Nauiza uittariza poua tezerremape meme touatora-ra amossi, nami touatora-ra amossi nezape nouerade.

Apocalipsis 6:2

Nazapa cavaro mopoui qquenaui qqui onarrari. Narrari ideza uittarirraripa ssissite carri nade. Nazapa tamine taticca pouaza da icaneza toccarrari, rrazireza deni torrarizauiuarrine.