Apocalipsis 13:3 - Kulina New Testament Brazil

³ Bani siri rrizabote tati 7 naraha tati orrariepe biqueraza pina zoqquerrarossa narraro. Naraha berori ccaqquinizape camittemanirraro. Nazapa zama bazimacca madirra uarro canireza pouatoui dameraqquiri narrari.

Culina Mádija

³ Bani siri jidsabote tati 7 naraha tati ojariepi biqueradsa pina dsoqquejarossa najaro. Naraha bejorini ccaqquidsapi camittemanijaro. Nadsapa dsama huapimacca madija huajo caniredsa pohuatohui disseraqquiri najari.

Apocalipsis 13:3 Iomraidhean Croise

Roca 2:1

Zeso tossona-rraraccazapa zama bazimacca uimape arrima narraro: Taidepa rromanodenicca tamine deni torrauicca onipa Acosto poua bodipa: —Nerrecoma naha madirra madimanaui occa cacaueheza anina naza madirra onideni bazima dozo narizemanauiuarrine pocca zossenirri ccarizarraro.

Huano 12:19

Naraha zodeodeni mota marinarra parizeoza rrehe quenarraridenipa pouadenira uimahaha canarrari nade: —Arrina, iape irronerizani tarri. Pouaha deni torraui. Madirra bazima pouaza toquerrenaui −quenaui nade.

Tahimarideni 8:13

Nazapa Simao naco Zeso tauimari mittaza rrehe nazapa passo dopaniza niniqui carrirrari. Nazapa Piripiza ccarizarrari. Piripi canauatori canarizaui Simao qqui tazapa: —A… bica taui −narrari.

Apocalipsis 13:12

Pouapa taidecca bani siri rrizabotecca zossehe carrirrari. Nazapa namiuarri zossede torraza arra taidecca bani siripa cattade uarrari. Nazapa bani siri zotodeccana namiza madirizemanarrarideni bazima taidecca bani siriza uatizemanauiuarrine icazossebaqquirrari. Arra pouaza uatizemanarraripa tati biqueraza zoqqueraha bero ccaqquiniza camittemanirrari.

Apocalipsis 13:14

Namiuarricca madirra icamaizabaqquiuissa tarrari. Taidecca bani siri rrizabote cattade uauiuarri canauatoriri canaza madirra bazima pocca maizeheza parrissa quenarrari. Pouadeni icazossebaqquizapa taidecca bani siri rrizabote corime sibaza inauatomanarraro. Narrari bani siripa massito rrazireccaza uatidiporaha camitta tauiparranarrari.

Apocalipsis 17:10

Narrari taminedeni mota 5 quenarraridenicca cacauehepe rricaporraro. Ouahapa rridapana zama cacauade torraccaui. Ouahapa niza zotode zama cacauade torrauitoui. Naraha narrari tamine zama ecauarizezape uarrano uapi tarrarauitoui.

Apocalipsis 17:11

Bani siri taide madiporaha rridapana noueraccarraripa tamine 8 nauicca torrauitoui. (Cariua attizape: oitavo, quenarrari.) Tamine 7 quenarrarideniza carrimaporaha niza zotode tamine 8 nauicca torrazapa coriza imeni rrororo cananiuarri poua zoqqueuicca uima inauana-zanaponitoui.

Apocalipsis 17:13

Nazapa tamine 10 quenarrarideni poccadeni dacorehe, poccadeni cacauehepe bani siriza inanemananiuarrine rrehe canirere canauitoui.

Apocalipsis 17:17

Tamine 10 quenarraripa ssamoqquiri naraha Deo Poua nacassa tauicca inanemananiuarrine, bodideni inanarrorabaqquirrari. Pouadenipa: “Bani sirina deni torraui orrari nana” quenaza rrehe canirere canarrari. Nazapa bani sirizara iboraqquiri zanapomanarraria Deo Poua uati taporraricca uima rricani bacco toquenauitoui.

Apocalipsis 17:6

Qqui onezape obodiza nauato onarraro: Ponipe nocconi rrano tarraro. Deocca madirra emenedeni, Zeso Cristo tauimari ecomeremaneza inarricarizemanarrari emenedeni naqui ze nezape nocconi rrano tarraro. Narraro uima qqui onezape uarro narraro.

Apocalipsis 17:8

—Arra bani siri qqui tinarraripa taide madiporaha rridapanapa pocca uima rricani. Naraha pouapa niza nami odini uarri taniccaza qquenaui orrariuitoui. Qquenaui nattipa coriza imeni rrororo cananiuarri poua zoqqueuicca uima inauana-zanaponitoui. Nazapa arrirraro zamacca madirra taide zama nauatoponizama camittehe carrimana-zanapouiuarrinecca papeoza onideni nouerarrarideni bani siri qqui toquenazapa bodideni uarro quenauitoui. Narrari bani siripa madiporrari, rridapanapa madi-rraraui, niza zotode canarroranipomaza madirra inarraborreribaqquiuitoui −narrari Deocca zozosse ouaza.