Apocalipsis 13:13 - Kulina New Testament Brazil

¹³ Bani siri zotodecca naco canauatori canarrari. Pouarrine memeuarri rrororoni ccaroneza namiza bacco naronarraro. Madirra bazima qqui toquenarrari.

Culina Mádija

¹³ Bani siri dsotodecca naco canahatori canajari. Pohuajine memehuaji jororoni ccaronadsa namidsa bacco naronajaro. Madija huapima qqui toquinajari.

Apocalipsis 13:13 Iomraidhean Croise

Mateo 16:1

Zesopa zama Macadaoza bacco taza nauicca Izarraeo potemaui zodeodeni mota marinarra onini parizeoza rrehe quenarrarideni, marinarra onini sadoseoza rrehe quenarrarideni tezerre poua qquide rrauirronarrari. Pouadeni bodipa: —Zeso nattome inana, pocca uima tossamoniuarrine −quenazapa Zesoza uati toquenarrari: —Zeso, parrissa Deocca dacorehe ticarrizape memeuarricca nauatohe bicabote auato tinanarri. Qqui inana −quenade.

Mateo 24:24

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

Maraco 13:22

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

2 Timoti 3:8

Arra amonerreza maiza maiza quenarraridenipa marinarra parrissehecca ecossemananitouiraha parriremana-rrararrari. Pouadenipa uaidirehe touinira bodideni uauatome-mana narrari. Nama quenazapa Zeso Cristoza rrehe quena-rraraza Deopa pouadeniza: —Occa querrena-rraraui −narrari. Naraha mamaizadedenicca marinarrape deni torra-rreranitoui. Madirra poccadeni marinarrazape denima rrehe zanapomana-rrarauitoui. Poccadeni maizehe bazimaza auato tezape: —A, pouadenipa uima parrissehecca ssamoqquiri naha –quenauitoui. Arra pouadenipa pina maittaccazama oppinaqquiri narrari zoppinerredeni Janese, Jamebredenissa quenarrari. Poccadeni nauatoueza Moizecca uima inassamomananiuarrine dameraqquiri naraha parriremana-rrararrari.

Apocalipsis 11:5

Madirra attidenipa: —Deo Atti cacomerabote pamaha inarrizobaqquina −quenaraha manacora pouadeni arrari rrororoni qquenarraroza pouadeni rrarade dirri tocanirezapa ono toquerrenauissa tauitoui. Nama quenaza pouadeni narrizode touini quenarrarideni rricauitoui.

Apocalipsis 16:14

Narraridenipa Tocorime-Taminecca zozosse tabaqquideni. Pouadenipa canauatorimana canarrari. Zama bazimacca taminedeni madirizemanauiuarri rraui torrabaqquirrari, rraziretoui inequeriqquibaqqui-manarizauiuarrine. Deocca uadie imeni torrarizaniuarrinecca uada bacco tazape taminedeni poccadeni isso teppeppedenima Deoza rrazire inanemananiuarrine. Narraro uadaza Deo Dacorabote deni torrauitoui.

Apocalipsis 19:20

Cauadirezapa cavaro mopouiza uittarirrarina pocca madirra tezerre bani siri rrizabote dama dama iquenarrari. Bani siri ouaha maizehe mamaride naco dama iquenarrari. Narraripa bani siri rrizabote tocattauiuarri canauatori canaporrari. Narrari naco madirra icamaizabaqquizapa bani siri rrizabote rranoza inarranorizaporrari. Narrari pouarrine naco bani siri rrizabote corimeza uatizemanaporrari. Nazapa narrari bani sirideni pamahapa camittaqquiri naraha coriza imeni enxofre rrororo cananiza cororo tozipparrari.

Apocalipsis 20:9

Nazapa rraziretoui quenarrarideni rrauirronana canarrari. Zama nemaneheza irrimanarrari. Deocca madirra madimanauiuarri irriuarrani-manarrari. Deocca tocatterrizanirri pocca oza panani bicabote deniuarrina cottarra-uarranimanaha rrica narrari. Naraha rrororoni ppocorabote Deo zosse inaronarraro. Rraziretoui rrauirronarrarideni dirri tocanirea rricarrari.