Apocalipsis 12:9 - Kulina New Testament Brazil

⁹ Nazapa daragao imehibote cco inaronemanarrari. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaiza-baqquiporrari.) Poua oni ouahapa: Deoza uauadide Tocorime-Tamine, quequenanarrari. Poua, pocca zozosse tabaqquima namiuarri ua inaronemanazapa namiza catorraronarrari. Nama nazapa zama bazimacca madirraza maiza maiza nanariza narrari.

Culina Mádija

⁹ Nadsapa huama imehibote cco inaronamanajari. Najari huama imehibotepa maittaccadsama pina maccassa naha ahuatopojari. (Najarina Adana Ebadeni icamaidsa-baqquipojari.) Pohua oni ohuahapa: Diocca huadi Satana, quiquinanajari. Pohua, pocca dodosse tabaqquima namihuaji hua inaronamanadsapa namidsa catojaronajari. Nama nadsapa dsama huapimacca madijadsa maidsa maidsa nanaridsa najari.

Apocalipsis 12:9 Iomraidhean Croise

Mateo 13:39

Naza mina pocani nocconi uiuiradepa uizarra rrinedeza uauadide Tocorime-Tamine. Nazama niza tirico bono rradaza ti nauiuarrinecca uada bacco tarrarope pina niza zama rriqueza Deo Pouaza toquerrenarrarideni icatterriza-baqquiuiuarrine tauimarissa narraro. Arra tirico titidedenipa Deocca zozosse tabaqqui memeuarricca.

Mateo 24:24

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

Mateo 25:41

—Naraha obirri ssamouarri domo uarraridenizape ouatti arrima onanitoui: “Arri ouazape uarrirri tinarri! Deopa tiadeniza narrizoue inanarraro. Rrororoni rriquerreraniuarri rraui tirrarri! Narrarope poua uauadide Tocorime-Tamineza, Tocorime-Taminecca zozosse tabaqquideniza narroraporraro.

Mateo 4:1

Zouao Zeso passo dopaniza niqui izanaha rricazapa Deo Corime Zeso iaqquemorarrari, zama uamoni ssono carri, siba carri taniuarri iaccarrari. Nauiuarri poua iaccarraripa uimasiri totonanade Tocorime-Taminepa Zeso nattome inauiuarrine. Tocorime-Taminepa Zeso uimasiri inananiuarrine damera tarrari.

Mateo 4:10

Naraha manaco Zeso Tocorime-Tamineza uati tarrari: —Tocorime-Tamine, arricca ticcanirri! Peperriua. Ouape tiaza ouatizena onerrerani. Deo Atti dozo nanizape arrima narraro: “Ia Zozossede Deo Pouazara tetizemanani orrari zanaporri. Poua Attizara iboraqquiri tiquenarri” nani Deo Attipe −narrari Zeso.

Mateo 4:5

Naui zotode uimasiri totonanade Tocorime-Taminepa Zeso oza panani bicabote Zerozareuarri iaccarrari. Nanicca Deoza dada toqquima tetepiuarri inanarrari.

Mateo 4:8

Naui zotode Tocorime-Taminepa ssono imeni uarri taniuarri Zeso iaqquemorarrari. Nauiuarri bacco toquenaza Tocorime-Taminerrine zama bazima Zesoza auato inanarizarraro. Zama uapima bica tanicca, oza panani bazima bica tanicca Zeso zopi icanarizarrari Tocorime-Taminepa.

Roca 10:18

Nazapa manaco Zeso pouadeniza uati tarrari: —Rrehe, ouana Deoza uauadide Tocorime-Tamine memeuarri Deorrine ssonaronaui pina ssissiuedessa naronaui qqui onarraride.

Roca 13:16

—Nezape rrassinarracca uadaza ticcadeni boui tecauabaqquizapa arri amonerre rrassinarracca uadaza onanomiza naqui oppinera tani. Ponipe Abarahao potemauirre narraro pina tiadenissa neraha ponipe uarrano 18 nehe uaidirehe rrinede Tocorime-Taminerrine ideni siri torrehe madirraro. Ponipe uarrano uapi taui coma tarraro. Tocorime-Taminepa pina poni ssoque izanarrarossa narraro. Nazama rrassinarracca uadazaraha ponipe Tocorime-Tamine ssoque izaneraha tappa inaniuarrine bica tani, onarraro. Neraha tiadenizape bica terreraqui? −narrari Zeso Deo Atti mamaricca taminedeniza uati tarrari.

Roca 22:3

Nazapa Zoda. Pouapa Zesocca zozosse tabaqqui 12 quenarrari orraria. Poua oni ouahapa Iscariote. Poua bodiza uimasiri mamaride Tocorime-Tamine toqquezimazapa pouana Zeso eccorauiuarrine bodi narrorarrari.

Roca 22:31

Zesopa Simao-Pedoroza uati tarrari: —Simao, tibodi uatorri. Tocorime-Taminepa titouideni tonacomabaqquiui. Pouapa titouideni Deoza uati uati tarrari, tiadeni nattome tabaqquiuiuarrine. Pina arroi rrizaza tirico etero toccauiuarrine qquero uira, qquero uira quenarrarissa narrari oua tinebomananiuarrine tiadeniza ocasserehe inananitoui.

Roca 8:12

Zamatapa nocco uira inarizarrari mota rrauiuarri catorrarraripa pina madirra Deo Atti mittemanaraha pouadeni bodiza torra-rreraniuarrine maizehe rrinede Tocorime-Tamine ccarronazapa pouadeni bodicca Deo Attipe amossi inanarizarraro. Narraripa pina zamatapa nocco rrauiza catorraza ahauatori nazapa ppiriri saca inarizemanarrarissa narrari. Narrarossa narraroa maizehe rrinede Tocorime-Taminerrine bodideni inassamobaqquizapa Deoza parrissa quena-rraraza tocassiuauera-rrarauitoui.

Huano 12:31

Arrirraro zamacca uima uaidira tezape Deo izaua-baqquiuitoui. Narrizoue naqui narroranitoui. Arrirraro zamacca uaidirehe zozossede Tocorime-Taminepa uauattarro torrauitoui.

Huano 14:30

Naraha ouape occa uima denima tiadeniza uati ozanapo-rrerana. Arrirraro zamacca zozossede Tocorime-Taminepa bacco nabote naui. Naraha pocca dacorehepe ouaza deni torra-rrerani.

Huano 16:11

Uima onihi: Deo uauattarro inanabaqquiza nanarrizo toquerrenauiuarrine auato inanarrarope taide arrirraro zamacca zozossede Tocorime-Tamine Deorrine uauattarro torraporrariparra −nade Zeso.

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

Tahimarideni 26:18

Pouadenipa pina ziziniza rrauirizaraha tia zosse onarrarope noccodeni ssire tinanabaqquiuiuarrine. Naui zizini nebomanazapa Deo ssiuerrenezana madimanauiuarrine. Uimasiri totonanade Tocorime-Taminecca zosseheza toquerrenaraha nebomanazapa Deozara toquerrenauiuarrine. Ouaza parrissa quenazapa poccadeni uimasiri onanamossiniuarrine. Bodideni onauissobaqquiza naco niza memeuarri Deoza toquerrenazapa pocca zozosse bicaqquiri narrarideni tezerre pocca biquehe carrimanauitoui” nade Zeso ouaza −narrari Paoro.

Tahimarideni 5:3

Naraha Pedoro pouaza uati tarrari: —Anania nerrecotoui maizehe rrinede Tocorime-Tamine attizara ibora tineza Deo Corimeza timaizarraro? Ticca zama manaconi motape tinarrimarraro.

Romanodenidsa 16:18

Pouadenipa ia Zozossede Zeso Cristocca zozosse querrena-rraraui. Pouadeni touini quenauiccazara dameraqquiri narrari. Attideni naco bica taza uati uati quenaraha maizemanarrari. Nama quenazapa madirra uima nattomede ssamoqquiri narrarideni icamaizabaqquimana taui.

Romanodenidsa 16:20

Rronehe rrinede Deopa pocca uauadi Tocorime-Tamine arramani inanauiuarrinecca uada bacco tabote nani. Pouarrine pina temorideniza ttai tinanaqquimanarrarissa nauitoui. Ia Zozossede Zeso Cristopa tiadeniza uima bicani inanana, onarraro.

2 Corintodeniza 11:14

Naraha poccadeni maizeheza uarro icanirerrerana. Maizehe rrinede Tocorime-Tamine naco poua namaizaza pina Deocca zozosse memeuarricca ssiuarra tarrarissa naza madirra icamaizabaqquiuiuarrine.

2 Corintodeniza 11:3

Zeso Cristoza rrehe tiquenarrarope bica tade. Poua orrarirrarizara dameraqquiri tiquenade. Naraha madirra ouaha tiadeni tocamaizabaqquiui noppine ocappinani. Pina maittaccazama macca maizehe nauatorride rabotepa Eba icamaizarrarossa narraroa maizehecca marinarraza parrissa tiquenezape ticcadeni rrehenirri Cristoza torraparirana, onarraro.

2 Corintodeniza 12:7

Deo ouaza bica tanicca deni torranicca auato inanarrarozana obodi: Rrehe, deni orrani onaniuarrineraha nema onerreraniuarrine ocassera tanicca ouaza torrarraro. Narraro comanipe ouassireza pina Tocorime-Taminerrine atia ttodi izanarrarissa narraro.

2 Corintodeniza 2:11

Nema inezape Deocca uauadi Tocorime-Tamine iaza deni torra-rrarauitoui. Pocca uima nauatoqquiri inani: ia toneuedima-baqquiuiuarrine narrorarrari.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

Epesodeniza 4:14

Icca rrehenirri dacoreza Deocca nauatoue icarrizape ibodi uatoue pina erredeniccassa nerreranitoui. Erredenipa tocauattera-rraraccaza bodideni uatomanauissa tauiuarrine parriremana-rraraui. Pina rrorroderrine ppaua tarrari arrauarri tocca, arrauarri tocca narrarissa quenarrari. Erredenipa marinarra onihiza, onihiza toquerrena taui. Arra madirra maizehe uatide nauatoqquiri narraridenipa erredeni icamaizabaqqui-manauiuarrine pouadeniza narrora tani.

2 Tesaronicadeniza 2:3

Imecotedeni, madirra tiadeni tocamaizabaqqui-manaza pouadeni attiza parrissa tiquenerrerana. Niza ia Zozossede Zeso Cristo ccanipomauicca uada bacco terreraqquezama madirra uapi taha Deoza iboqquiri napouitoui. Mouanirri idimemana-rizezapa arra madirra uimasiri ssebote auatomauitoui. Naraha narraripa niza Deocca narrizoue rriquerreraniuarri torrauitoui.

1 Timoti 2:14

Adaopa Tocorime-Taminecca maizeheza torrapo-rrararrari. Ebana pocca maizeheza torraporraro. Ponipe Deo Attiza ibora terrerezape uimasiri inanarraro.

2 Timoti 3:13

Naraha uaidiraqquiri narrarideni, mamaizadedeni naco denima uaidirehe inanemanerre zanaponi nanitoui. Madirra icamaiza-baqquimanaraha pouadeniza naqui maizehe ssonarinitoui. Uaidireherrine poccadeni uima touaidira-zanaponitoui.

Ebreodenidsa 2:14

Nazama Deocca erredeni iape essire icarri, itone icarri, emene icarri narraro. Zeso naco pina madirra iassa naha tossonazapa assire carri, tone carri, emene carri narrari. Nama nazapa zoqqueuiuarrine parrirerrari. Zoqquezapa Deoza uauadideza deni torrarrari. Arra Deoza uauadide Tocorime-Taminepa taide madirra parra inarricariuiuarrine parrireraha Zesorrine pocca dacorehe tossamorraro.

1 Pedoro 5:8

Parri, tinoccodeni panarri! Deoza uauadide, tiadeniza uadide naco Tocorime-Taminepa pina zomarri imehibotessa narrari. Ia quino nauiuarrine totororo narizarrari. Tibodideni uatome-mananissa tarri, Tocorime-Tamine tiadeni tonauaidirabaqqui-rrarauiuarrine.

1 Zouao 5:19

Nazama iape Deocca erredeni iquerrenerre narraro ibodi nauatoqquiri inarraro. Naraha zama nemanehecca madirra motapa Deoza uauadide Tocorime-Tamine attizara iboraqquiri narrari.

Jodacca 1:9

Naraha Deocca zozosse tabaqquideni memeuarricca tamine Miqueopa nama narraraui. Maittaccazama Moize zoqqueza Deoza uauadide Tocorime-Taminepa Moize assire accone Miqueo tezerre cauadirezapa arrauarri uati, arrauarri uati quenarrari. Naraha Miqueopa Deo noppine cappinaza Tocorime-Tamineza tatamasso narrararrari. Poua atti arrima narrarora uati tarrari: —Oua Zozossede Deona tia narrizouitoui −narrari nade Miqueo.

Apocalipsis 12:12

Nazama memeuarri timadimanarraro bazimape tetizemaneri narri. Naraha arri namiuarri timadimanarraro, ueni imehiuarri timadimanarrarodenipe touati nauanaqquiri tiquenani. Tiadeniza uima oppina tehe torrarizanitoui. Deoza uauadidepa tiadeniza uadiuiuarrine toccaronarrari. Pocca uima rricabote nani nauato tazapa uadie imeni carrirrari −narrari memeuarri touatti mouini omittarraro.

Apocalipsis 12:3

Zotode naqui memeuarricca uima onihi nauatoqquiri inaniuarrine ouaza auatorraro. Qqui onanarra pina daragao imehibote maccoui. Tatipa 7, ori 10 narrari. Tati 7 narraroza tamine taticca uittaririzarrari.

Apocalipsis 12:7

Zotodepe meme nocconiza rrazire torrani qqui onarraro. Deocca zozosse tabaqquidenicca tamine Miqueopa pocca zozosse tabaqqui tezerre daragao imehiboteza rrazire inanemanarraro. Daragao imehibotepa pocca zozosse tabaqquima Miqueocca zozosse tabaqqui tezerre cauadiremanaraha daragaodenipa deni toquerrenauiuarrine parriremana-rraraui. Memeuarri madimana-pomauiuarrinepa rricani.

Apocalipsis 13:14

Namiuarricca madirra icamaizabaqquiuissa tarrari. Taidecca bani siri rrizabote cattade uauiuarri canauatoriri canaza madirra bazima pocca maizeheza parrissa quenarrari. Pouadeni icazossebaqquizapa taidecca bani siri rrizabote corime sibaza inauatomanarraro. Narrari bani siripa massito rrazireccaza uatidiporaha camitta tauiparranarrari.

Apocalipsis 16:14

Narraridenipa Tocorime-Taminecca zozosse tabaqquideni. Pouadenipa canauatorimana canarrari. Zama bazimacca taminedeni madirizemanauiuarri rraui torrabaqquirrari, rraziretoui inequeriqquibaqqui-manarizauiuarrine. Deocca uadie imeni torrarizaniuarrinecca uada bacco tazape taminedeni poccadeni isso teppeppedenima Deoza rrazire inanemananiuarrine. Narraro uadaza Deo Dacorabote deni torrauitoui.

Apocalipsis 18:2

Nazapa poua atti moui dacoraza uaua narrari: —Babironia rricani, rricani! −narrari. —Babironia oza panani deni torranicca rricani. Rridapanapa Babironiaza Tocorime-Taminecca zozosse tabaqqui tocorimedenira madimanaui. Abariza, mori, eppe carriui oppina tauicca bazima madimanaui. Bani siri uadi tauicca naco madimanaui.

Apocalipsis 18:23

Tiaza rrorrororo ssiuerrene naco nouerauitoui. Uenauenacca errete mouini noueranitoui. Ticca tozepetarri dadadedeni zama bazimaza deni toquerrenaraha rricanitoui. Tiape zama bazimacca madirra ticamaizabaqqui-rizarraripa pina zoppinerre madirra icamaizabaqquirrarissa tarrarorrine parri amossi tarinitoui −narrari.

Apocalipsis 19:20

Cauadirezapa cavaro mopouiza uittarirrarina pocca madirra tezerre bani siri rrizabote dama dama iquenarrari. Bani siri ouaha maizehe mamaride naco dama iquenarrari. Narraripa bani siri rrizabote tocattauiuarri canauatori canaporrari. Narrari naco madirra icamaizabaqquizapa bani siri rrizabote rranoza inarranorizaporrari. Narrari pouarrine naco bani siri rrizabote corimeza uatizemanaporrari. Nazapa narrari bani sirideni pamahapa camittaqquiri naraha coriza imeni enxofre rrororo cananiza cororo tozipparrari.

Apocalipsis 2:13

Arri ouape ticcadeni madie nemanehe nauato onani. Timadimananiuarripe Tocorime-Taminecca uima dacoreraha oua onipe tinebomana-rrerarraro. Ouaza rrehe nauissa tarrari oni Antipas tinorideniza inanazoqque-manaraha ouaza rrehe tiquenarrarope tinebomana-rrerani. Naui tiadeniuarripa Tocorime-Tamine zosse zosse naraha oua tinebomana-rrerani.

Apocalipsis 2:24

—Naraha Tiatirauarricca tiadeni mota arri Zesabeocca marinarraza tiquerrene-rrerezape, arra “Tocorime-Taminecca marinarra deni torranicca auatora tani” quequenanarrariza tiquerrenerreraza naqui tiadeniza uima oppina tanicca uati onerrereraha uima orrariena uati onarraro.

Apocalipsis 2:9

Arri ouape nemanehe nauato onani. Narrizoueza timadimanani nauato onani. Tozepetarri ticappiremanehe timadimanarraro naqui nauato onani. Naraha parrissa tiadenipe Deocca danirri bicabote onihi onihi nehe ticarrimanani. Tiadeniza nacasseraqquiri narrarideni tiadeni tototamasso-baqquimana narrari nauato onani. Narrarideni attidenipa: “Iape zodeodeni, Deocca madirra iquerrenarraro” quequenanaraha narrarope parrissa rrerani. Uima parrissehepe pouadenipa Tocorime-Taminecca zozosse toquerrenarrari.

Apocalipsis 20:10

Deoza uauadide Tocorime-Tamine madirraza maiza maiza narizaporrari manaconipa coriza imeni enxofre rrororo cananiuarri coro tozipparrari. Nauiuarripa bani siri rrizabote, bani siri ouaha maizehe mamaride tezerre cororo tozippaporrari. Nauizapa zome, ssiuarra, zome, ssiuarra ocasserani auemana-zanapouitoui.

Apocalipsis 20:8

Qquenazapa zama onihi onihiza madirizemanarrarideni bazima, arrauarricca, arrauarricca icamaizabaqqui-rizauitoui. Narrarideniza: Coqueuarricca madirradeni, Macoqueuarricca madirradeni quequenanarrari. Narrarideni Tocorime-Tamine inequeriqquibaqquirrari, rrazire inanemananiuarrine. Uapi tarra narrari. Pina ssiqui zequiriri potera tarraro ua inaniuarrine ssamo tarrarossa quenarrari.

Apocalipsis 3:9

—Titouideni ouati uana tani. Niza mamaizadedeni orrine tibaccodeniuarri pouadeni pitoza rrassi tauitoui. Nama onanabaqquizapa tiadeniza ouati uana tani pouadeniza auato tanitoui. Narrari zodeodeni mota attidenipa: “Iape zodeodeni, Deocca madirra iquerrenarraro” quequenanaraha parrissapa Deoza uauadide Tocorime-Taminecca zozosse toquerrenarrari.

Apocalipsis 9:1

Nazapa Deocca zozosse 5 nauicca rrori rrori nanarra memeuarricca amoua namiza cassonaza cauittaui qqui ocanarrari. Narraripa Deocca zossenirri. Pouaza nami odini uarri tanicca chave da icanarraro.

Apocalipsis 9:20

Naraha madirra zippo rrororoni, zippo esseni, enxofre marro uaidira tarrariza cacota-rrararrari motadenipa bodideni cacarriqquimera-rrararrari. Uaidirehe inanemanarrarocca nebomana-rrararrari. Arra Tocorime-Taminecca zozosse tocorimedeniza uatizede nebomana-rrararrari. Pouadeni cacauade pouamacca pina ccarara bicabote oro, prata, bronze nauatoni, siba, aua nauatoni naqui bazimape qquide ssamoqquiri, mittemanauiuarrine ssamoqquiri, rrauirizauiuarrine ssamoqquiri naraha narrariza uauatizemana narrari nebomana-rrararrari.