Apocalipsis 12:4 - Kulina New Testament Brazil

⁴ Nazapa daragao imehibotepa amouadeni mota (Cariua attizapa: tercera parte, quenarrari) poua zoporiza rrazirema rroue inaronabaqquizapa namiuarri ua inaronabaqquirrari. Nazapa daragao imehibote amonerre izoni comarraro tazarranima uarrari. Erredeni tossonazapa amazati rripauiuarrine narrorarrari.

Culina Mádija

⁴ Nadsapa huama imehibotepa abadsico bedi mota (Caria attidsapa: tercera parte, quinajari) pohua dsoporidsa jadsirema johue inaronabaqquidsapa namihuaji hua inaronabaqquijari. Nadsapa huama imehibote amoneje idsoni comajaro tadsajanima huajari. Ejedeni tossonadsapa amadsati jipahijine najorajari.

Apocalipsis 12:4 Iomraidhean Croise

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

1 Pedoro 5:8

Parri, tinoccodeni panarri! Deoza uauadide, tiadeniza uadide naco Tocorime-Taminepa pina zomarri imehibotessa narrari. Ia quino nauiuarrine totororo narizarrari. Tibodideni uatome-mananissa tarri, Tocorime-Tamine tiadeni tonauaidirabaqqui-rrarauiuarrine.

Apocalipsis 12:7

Zotodepe meme nocconiza rrazire torrani qqui onarraro. Deocca zozosse tabaqquidenicca tamine Miqueopa pocca zozosse tabaqqui tezerre daragao imehiboteza rrazire inanemanarraro. Daragao imehibotepa pocca zozosse tabaqquima Miqueocca zozosse tabaqqui tezerre cauadiremanaraha daragaodenipa deni toquerrenauiuarrine parriremana-rraraui. Memeuarri madimana-pomauiuarrinepa rricani.

Apocalipsis 12:9

Nazapa daragao imehibote cco inaronemanarrari. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaiza-baqquiporrari.) Poua oni ouahapa: Deoza uauadide Tocorime-Tamine, quequenanarrari. Poua, pocca zozosse tabaqquima namiuarri ua inaronemanazapa namiza catorraronarrari. Nama nazapa zama bazimacca madirraza maiza maiza nanariza narrari.

Apocalipsis 13:2

Bani siri rrizabote qqui onazapa assire pina zomarri rrano potauissa naraha amoripa pina bani siri imehi urso amorissa narrari. Poua arrari naco pina zomarri uauade arrarissa narrari. Daragao imehibotepa bani siri rrizaboteza pocca dacorehe da inarraro. Pocca uiuittari bicabote naqui pouaza da icanarraro. Narraroza uittariza zossehe dacoraniccaza zossede torrauiuarrine daragao imehibotecca zossehe bani siri rrizaboteza da inarraro.

Apocalipsis 13:4

Daragao imehiboteza uatizemanarrari, arra bani siri rrizaboteza pocca zossehe da inarrarorrine. Bani siri rrizaboteza naco uatizemanarrari. Pouadeni attipa: —Bani siri rrizabotepa dacorarrari. Pina arra pouassa narrari noueraui. Nerrecorrarina pouaza ssonariza deni torrauiuarrine parrireui? −quenarrari.

Apocalipsis 16:13

Nezape ocattoma cananerre daragao imehibote arrariza qquenaui qqui, bani siri rrizabote arrariza qquenaui qqui, bani siri ouaha maizehe mamaride arrariza qquenaui qqui onarraripa tocorime siri 3 quenaha pina torocacassa naha qquenarizarrari.

Apocalipsis 17:18

Nazama amonerre uananari qqui tinarrarope oza panani imenicca uima. Narraro oza pananipe zama onihi onihi narizarrarocca taminedeniza zossede torrarraro −narrari Deocca zozosse ouaza.

Apocalipsis 20:2

Narrari Deocca zozossepa daragao imehibote dama inaza rrore inaqquirrari, uarrano 1.000 (mil) naha ccariza-rrarauiuarrine. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaizabaqquiporrari.) Poua onipa Tocorime-Tamine, Deoza uauadide narrari.

Apocalipsis 8:10

Nazapa Deocca zozosse memeuarricca 3 nauicca rrori rrori nanarra amoua mota carrirarrari memeuarri dirri tocanaha rrororone motarehema cassonarrari. Nami arobeniza cassonaza ueni motaza, passo sibaza qquenarraro motaza cassonipparizarrari.

Apocalipsis 8:11

Amoua mota carrirarrari onipa: Bidabote. Narrarirrine passo motape tobidarizarraro. Narraro passo ze quenazapa madirra uapi taha cacotarizarrari.

Apocalipsis 8:12

Nazapa Deocca zozosse memeuarricca 4 nauicca rrori rrori nanarra marri arobe touaidira, abazico arobe touaidira, amouadeni mota touaidirariza narrari. Nazapa bazima arobe ouirizarrari. Narrarorrine ssiuarrani arobenipe tossiuarrani nerrerani. Zome arobeni naqui tossiuarrani nerrerani.

Apocalipsis 8:7

Nezape Deocca zozosse memeuarricca taidecca rrori rrori nanarra passo ccara torrani, zippo rradarini touemene carrimehe quissa inaronarraro. Narrarorrine nami arobeni dirri tezape aua mota dirri, ppatanicca, mina naqui nemanehe dirri tarizarraro. (Arobenipe cariua attiza: tercera parte, quenarrari.)

Apocalipsis 8:8

Nazapa Deocca zozosse memeuarricca zotodecca rrori rrori nanarra rrororoni imeni pina ssono imenissa narraro coro inaronezape passo imeniza ssonipparraro. Nezape passo imeni arobeni touemene torrarizarraro.

Apocalipsis 8:9

Passo imeni abari mota rrica, darroni imenibotecca mota rrica, darroni bedenicca mota rrica narrari.

Apocalipsis 9:10

Zoporideniza naco pina zomauassa ori comenessa naha carririzemanarrari. Narrariza abazico 5 canaha madirra inarrizobaqqui-manauiuarrine.

Apocalipsis 9:19

Cavarocca dacorehepe pouadeni arrariza, pouadeni zoporiza narraro. Cavaro zoporidenipa pina maccassa narizemanarrari. Zoporideni cotaniza pina macca tatissa naha carrimanarrariza comene inanarizemanarraro.