Apocalipsis 12:3 - Kulina New Testament Brazil

³ Zotode naqui memeuarricca uima onihi nauatoqquiri inaniuarrine ouaza auatorraro. Qqui onanarra pina daragao imehibote maccoui. Tatipa 7, ori 10 narrari. Tati 7 narraroza tamine taticca uittaririzarrari.

Culina Mádija

³ Dsotode naqui memehuajicca ima onihi nahatoqquiri inanijine ohuadsa ahuatojaro. Qqui onanaja pina huama imehibotessa naraha jidsa tajari. Macco tajari. (Caria attidsapa: dragón, quinajari.) Tatipa 7, ori 10 najari. Tati 7 najarodsa tamine taticca huittariridsajari.

Apocalipsis 12:3 Iomraidhean Croise

Apocalipsis 12:1

Uima nauatoqquiri inaniuarrine memeuarri amonerre auatorraro. Ponicca eterope pina marri ssiuerrenessa nehe uezarraro. Abazico tetepiza uarirraro. Tatiniza tamine taticca uittarirrariza amouadeni 12 canaha carriuarranirrari.

Apocalipsis 12:13

Daragao imehibote bodi uatozapa: —A, namiuarri oua coro naronarrariraha −narrari. Nazapa amonerre erredeni maqquiderre bedi carrirre narraro inanazoqqueniuarrine qquizo qquizo narizarrari.

Apocalipsis 12:17

Nazapa daragao imehibote amonerreza denima uadi tazapa poni potemaniza rrazire inananiuarrine toccarrari. Arra Deocca zossenirriza iboraqquiri narrari, Zeso Cristo tauimariza dameraqquiri narrarideniza rrara rrara narrari.

Apocalipsis 12:4

Nazapa daragao imehibotepa amouadeni mota (Cariua attizapa: tercera parte, quenarrari) poua zoporiza rrazirema rroue inaronabaqquizapa namiuarri ua inaronabaqquirrari. Nazapa daragao imehibote amonerre izoni comarraro tazarranima uarrari. Erredeni tossonazapa amazati rripauiuarrine narrorarrari.

Apocalipsis 12:7

Zotodepe meme nocconiza rrazire torrani qqui onarraro. Deocca zozosse tabaqquidenicca tamine Miqueopa pocca zozosse tabaqqui tezerre daragao imehiboteza rrazire inanemanarraro. Daragao imehibotepa pocca zozosse tabaqquima Miqueocca zozosse tabaqqui tezerre cauadiremanaraha daragaodenipa deni toquerrenauiuarrine parriremana-rraraui. Memeuarri madimana-pomauiuarrinepa rricani.

Apocalipsis 12:9

Nazapa daragao imehibote cco inaronemanarrari. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaiza-baqquiporrari.) Poua oni ouahapa: Deoza uauadide Tocorime-Tamine, quequenanarrari. Poua, pocca zozosse tabaqquima namiuarri ua inaronemanazapa namiza catorraronarrari. Nama nazapa zama bazimacca madirraza maiza maiza nanariza narrari.

Apocalipsis 13:1

Ocattoma cananarra bani siri imehi rrizabote ueni imehiza qquemorarrari. Tati 7, ori 10 naha carrirrari. Ori bazimaza tamine tatidenicca uittaririzarrari. Bani siri tati bazima toni uaidira tanicca dozo narizarraro. Tonipe Deoza ocassera tani. Pina Deo oniza tatamasso narrarissa narraro.

Apocalipsis 13:2

Bani siri rrizabote qqui onazapa assire pina zomarri rrano potauissa naraha amoripa pina bani siri imehi urso amorissa narrari. Poua arrari naco pina zomarri uauade arrarissa narrari. Daragao imehibotepa bani siri rrizaboteza pocca dacorehe da inarraro. Pocca uiuittari bicabote naqui pouaza da icanarraro. Narraroza uittariza zossehe dacoraniccaza zossede torrauiuarrine daragao imehibotecca zossehe bani siri rrizaboteza da inarraro.

Apocalipsis 13:4

Daragao imehiboteza uatizemanarrari, arra bani siri rrizaboteza pocca zossehe da inarrarorrine. Bani siri rrizaboteza naco uatizemanarrari. Pouadeni attipa: —Bani siri rrizabotepa dacorarrari. Pina arra pouassa narrari noueraui. Nerrecorrarina pouaza ssonariza deni torrauiuarrine parrireui? −quenarrari.

Apocalipsis 15:1

Memeuarri qqui onanerre itezerremacca uima onihi denima rriza tehe auatoni qqui onezape uarro onarraro. Deocca zozosse tabaqqui 7 quenaha auatomanarraripa narrizoue oppina tanicca 7 nehe madirraza torrarizaniuarrine narroremanarrari. Narraro narrizouepe rricanicca. Niza narraro narrizoue 7 nehe torrarizani nattinipe Deocca uadie rricanitoui.

Apocalipsis 16:13

Nezape ocattoma cananerre daragao imehibote arrariza qquenaui qqui, bani siri rrizabote arrariza qquenaui qqui, bani siri ouaha maizehe mamaride arrariza qquenaui qqui onarraripa tocorime siri 3 quenaha pina torocacassa naha qquenarizarrari.

Apocalipsis 17:12

—Bani siri ori 10 naha qqui tinaporraripa tamine 10 quenarraricca uima. Narraridenicca cacauehepe noueraccani. Niza zotode bani siri tezerre zossehe carrimanazapa marri orrariara zossede toquerrenauitoui.

Apocalipsis 17:16

Nazama bani siripa poua ori tamine 10 quenarrarideni tezerre amonerre uananari ettarromananitoui. Ponicca etero ssiti quenezape ccororrani inebomananitoui. Poni imani naqui rripemanauitoui, zippoza coro izanemanezape ono torranitoui.

Apocalipsis 17:7

Nazapa Deocca zozosse ouaza uati tarrari: —Nerrecotoui uarro tarraro? Arri amonerrecca uima auatora teraha tia onauattana. Arra bani siri tati 7, ori 10 narrari poua ideza amonerre uittariza eccarizarrarocca uima naqui auatora teraha tia onauattana −narrari.

Apocalipsis 19:12

Poua nocco zibehi tarraro. Pina zippo rrororonissa narraro. Poua tatizapa tamine tatidenicca uapi taha tassaqquiza uittarirrari. Poua oni dozo nani carriraha poua motta nauato taui orrari narrari.

Apocalipsis 20:2

Narrari Deocca zozossepa daragao imehibote dama inaza rrore inaqquirrari, uarrano 1.000 (mil) naha ccariza-rrarauiuarrine. Narrari daragao imehibotepa maittaccazama pina maccassa naha auatoporrari. (Narrarina Adao Ebadeni icamaizabaqquiporrari.) Poua onipa Tocorime-Tamine, Deoza uauadide narrari.