Apocalipsis 12:1 - Kulina New Testament Brazil

¹ Uima nauatoqquiri inaniuarrine memeuarri amonerre auatorraro. Ponicca eterope pina marri ssiuerrenessa nehe uezarraro. Abazico tetepiza uarirraro. Tatiniza tamine taticca uittarirrariza amouadeni 12 canaha carriuarranirrari.

Culina Mádija

¹ Ima nahatoqquiri inanijine memehuaji amoneje ahuatojaro. Ponicca eteropi pina maji ssiejenessa nehe huedsajaro. Abadsico tetepidsa huarijaro. Tatinidsa tamine taticca huittarijaridsa abadsico bedi 12 canaha cajihuajanijari.

Apocalipsis 12:1 Iomraidhean Croise

Mateo 12:38

Naraha Zeso atti mittemanazapa zodeodenicca marinarra maridedeni mota, marinarra parizeoza rrehe quenarrarideni mota naco Zesoza uati toquenarrari: —Rrari Mamaride, parrissa Deocca dacorehe ticarrizape memeuarricca nauatohe bicabote auato tinanarri. Qqui inana, inarraro −quenade.

Mateo 24:30

Nazana ouape Madirra Bedi orrarraroa occaronapomezape memeuarri auato tanitoui. Nazapa zama bazimacca madirra cappinemanaza orri orri quenauitoui. Nezape meme essenima ocarrimehe occaronapomani qqui toquenauitoui. Occa dacorehe, occa deni torrehe auato tanitoui.

Maraco 13:25

Memecca amouadeni naco catorrauitoui. Rridapanapa memecca bazima dacoraqquiri naccaui naraha zotodepa meme zaroro nezape rrenene canauitoui.

Roca 21:11

Nazama nami zaro tani naqui carri tanitoui, pemi naqui carririzanitoui. Zamacoma naco zama onihiza, zama onihiza carririzanitoui. Nezape memeuarri naqui oppina tanicca auatoza uarro ticanireni toui. Narraro qqui tiquenezape zama rricanicca bacco tani nauatoqquiri tiquenanitoui −narrari Zeso.

Roca 21:25

Zesopa uima denima uati uati tarrari: —Uima nauatoqquiri tiquenaponiuarrinepe marri, abazico, amouadeni narraridenipa torrizarizauitoui. Arra memeuarricca torrizarizazapa namiuarri madimanarrarideni uarro tocanireuitoui. Coriza imenicca passo poni rribabani torrizezape mouini oppina tarrarorrine madirra bazima uarro quenauitoui.

Huano 3:29

Ouape pina zabisso amonerre carribote narrari poua tessessa onarraro. Cacarrireuiuarrinecca errete bacco tezape poua tesse naco pouatoui madirrari. Poua tessepa arra cacarrirerrari atti mittazapa uatize taui. Narraroa oua naqui Zesoza madirra toquerrenaza omittezape ouatizeri narraro.

Tahimarideni 2:19

Niza memeuarri ocanauatori canani qqui tiqueneza naqui. Namiuarri occa dacorehe onaneza naqui touemenedeni toccarizanitoui. Dirri tani rrororoni naqui rrororo canarizezape esseni dacorehema toccamacossanitoui.

Romanodenidsa 13:14

Arrima tiquenanina bica tani: Ia Zozossede Zeso Cristocca dacorehera oro tizimemanarri. Arri tibodideniza touini tiquenanicca uaidirehe naqui tinanemana-rreraniuarrine poni dacoco tirrirarri.

Romanodenidsa 3:22

Madirra Zeso Cristoza parrissa quenarrarideni uapimazana Deo arrama narrari: —Ouaza bicaqquiri tiquenani −narrari. Deozapa zodeodeni, zodeo querrena-rrararraridenicca uimape narrarossa caniqquimerarraro.

2 Corintodeniza 11:2

Ia Zozossedera tinarrarimanauiuarrine oneza Deorrine tecconedeni uadi onarraro. Ouape pina tabira zorroranicca abissa onarraro. Tiadenipe pina zouato zorroranissa tiquenarraro. Cristo tiadeni tocarribaqquiuiuarrine pouaza uati onaporrarode: —Corintouarri quequeriqquimana narraridenipa ticca toquerrenana −onapode. Nema onarrarope pina zouato bica tarraro maqquiderreza ssamo taccarrarossa tiquenarraro Cristoza tiadeni da onabaqquiniuarrine touini onarraro.

Carasiadeniza 3:27

Pouaza rrehe tiquenezape passo dopaniza niniqui ticarrimanarrarode. Nezape pouaza tirrariqquimanarraro. Cristo pocca madiessa tinanemanehe timadimanarraro.

Carasiadeniza 4:26

Naraha Abarahao bedimeni zozosse torrani rrerarraro Saracca uimape pina Deocca rrehe canirenirri zaticca uimassa narraro. Pina Zerozare zati memeuarricca uimassa narraro. Narraro oza pananipe icca oza rriquerreranicca. Iape Moizecca marinarraza zozosse iquerrena-rrerazape Zerozare zaticca madirra iquerrenarraro. Pina Saracca erredenissa inarraro.

Carasiadeniza 6:14

Naraha ouape otesseza: —Orrine bica tani −onaniuarrine nacassera onani. Ia Zozossede Zeso Cristo aua porimacossaniza zoqquerrari tauimarira ouacomeraniuarrinena nacassa onarraro. Poua zoqquerrarirrine arrirraro namicca uaidirehepe pina uatiarrarossa narraro ouaza. Narraro uaidirehe onanapomaniuarrine touini onerrerani. Poniza pina ouatiarrarossa narraro.

Epesodeniza 5:32

Narraro uimape assiredeni pamaraha pina assire orrarirrarissa naha toquerrenarrari. Narraro carricarricca uimape imittaporaha auatora taccade. Naraha rridapanana omittezape Zeso Cristoza irrariqquirrarocca uimape pina carricarricca uimassa narrarona parri, onarraro. Narraro uimape ouaza bica tarraro.

Apocalipsis 1:20

Arra amouadeni 7 canaha ozepe nauatoniccaza qqui tinarrari, rrorrororo pinine orocca 7 naha qqui tinarraricca uima auatora teraha uimape arrima narraro: Arra amouadeni 7 canarraripa otauimariza quequeriqquimana narrari 7 narraro cacauade toquerrenarraridenicca uima. Arra rrorrororo pinine 7 narrari naco otauimariza quequeriqquimana narrari 7 narraro −nade Zeso ouaza.

Apocalipsis 11:19

Nazama memeuarricca Deoza dada toqquimacca totoqquezima touabarraro. Narraro bodizape Moizecca madirra Deo Poua tezerre rrehe canirerraricca bau cauato narraro. Nezape ssiueue canarizarraro, mouini imeni tomouirizarraro. Ttottorode ttororo canarizarraro, nami naqui zaroro narraro. Passo ccara torrani naqui rrazirema catorrarizarraro.

Apocalipsis 12:3

Zotode naqui memeuarricca uima onihi nauatoqquiri inaniuarrine ouaza auatorraro. Qqui onanarra pina daragao imehibote maccoui. Tatipa 7, ori 10 narrari. Tati 7 narraroza tamine taticca uittaririzarrari.

Apocalipsis 15:1

Memeuarri qqui onanerre itezerremacca uima onihi denima rriza tehe auatoni qqui onezape uarro onarraro. Deocca zozosse tabaqqui 7 quenaha auatomanarraripa narrizoue oppina tanicca 7 nehe madirraza torrarizaniuarrine narroremanarrari. Narraro narrizouepe rricanicca. Niza narraro narrizoue 7 nehe torrarizani nattinipe Deocca uadie rricanitoui.

Apocalipsis 21:14

Oza pananicca siba ua nauarranirraro tocadacorade siba imeni 12 nehe carrirraro. Narraro siba 12 narrarozape Eueue Bedi Zeso poua uatimadedeni 12 quenarrari onideni dozo narizani qqui onade.

Apocalipsis 21:23

Deocca oza pananizapa marri noue, abazico ssiuerrene noueraui. Ssiuarra tarizarrarope Deo pocca deni torrehe, Poua ssiuerrenena parri. Eueue Bedi naco pina rrorrororossa narrari, poua ssiuerrene ssiuarra tarizarrari.