Apocalipsis 11:2 - Kulina New Testament Brazil

² —Naraha Deoza dada toqquimacca boronipe nattome terrerarri. Narraro boronipe zodeo querrena-rrararrarideniza torrani. Narraridenipa abazico 42 canaha Deocca oza panani bicaboteza madimanazapa pouadenirrine touaidiranitoui.

Culina Mádija

² —Naraha Diodsa dada toqquimacca boronipi nattome tejeraji. Najaro boronipi jodio quejena-jarajaridenidsa tojani. Najaridenipa abadsico 42 canaha Diocca odsa panani bicabotedsa madimanadsapa pohuadenijine totabaccoranitohui.

Apocalipsis 11:2 Iomraidhean Croise

Mateo 27:53

Nauatonimanazapa pouadeni noccobiriza rrauininerizarrari. Naraha zotode Zeso nauatonizana narraridenipa oza panani Zerozareuarri rraui torrezimanirrari. Nauiza madirra bazima pouadeni qqui inabaqquimanarrari.

Mateo 4:5

Naui zotode uimasiri totonanade Tocorime-Taminepa Zeso oza panani bicabote Zerozareuarri iaccarrari. Nanicca Deoza dada toqquima tetepiuarri inanarrari.

Mateo 5:13

—Tiadeni arri ouaza rrehe tiquenarrarope pina sahocca uimassa tiquenarraro. Sahope bani bica tauiuarrine. Arri tiadenipe pina sahossa tiquenarraro, arrirraro zamacca madirra tinanabicabaqqui-manauiuarrine. Saho arriboni amossi nezape arriboni carripomaniuarrine ssamo tani. Nezape tiadeni naqui arrirraro zamacca madirraza uima bicani tinanemanarizaniuarrine tinebomana tiquenerrerarri ticcadeni rrehenirri ponima torra-rrerana. Saho ponima torrezape madirra coro iqueneza madirrarrine ttai ttai torra tani.

Roca 21:24

Rrazire uarrinecca massito cauidireqquima naniza motadenipa rricarizauitoui. Motadeni naco rrarrazirededeni itadamemanarizaza pouadeni zepeza toquerrenazapa zama onihiuarri zama onihiuarri iaccanibaqqui-rizemanauitoui. Nazapa zodeo querrena-rrararrarideni deni toquerrenazapa Zerozare inauaidiremananitoui. Pouadenirrine Zerozarepe pina ttai ttai torrarrarossa nanitoui. Naraha zotodepe poccadeni uarrano Zerozareuarri madimanauiuarrine parrirenissa tezape narrizoue rricanitoui −narrari Zeso.

Ebreodenidsa 10:29

Nezape narraro uimasiri inanarraro manaconi oppina tani ineraha Deo Bedi ettarroui manaconipe denima oppina tani. Madirrapa Zeso ttai ttai inanarrarissa nazapa pouaza narrizoue oppina tanicca ssonarinitoui. Arri Zeso emene toccarrarorrine Deo pocca rrehe canirenirri zati iaza torrarraro. Narrarorrine icca uimasiri rriquezape icca uima Deoza tobicarraro. Deo Corime iaza uati uana taza ia accode touini naraha madirrapa Zeso emene ponima inanezape Deo Corimeza naco uima inanarraro. Niza zotode narraripa narrizoue carriuitoui.

Apocalipsis 11:11

Naraha uada 3 denima uada arobeni rriquezape Deorrine camittemani-manaza toteme-manarrari. Nazapa madirra bazima cattomama canarrarideni cappinemanauissa tarrari.

Apocalipsis 11:3

Nazapa Deo Atti cacomerabote pamaha ocazossebaqquiuitoui. Etero rriza tanicca pina madirra ocasserani auemanaza uezemanarrarissa narraro uezemanaza uada 1.260 nehe (abazico 42 canaha) nama quenauitoui Deo Atti ehecomeremana nanitoui −narrari.

Apocalipsis 12:6

Naraha imenipe zama uamoni ssono carri, siba carri taniuarri rroppa tarraro. Arri poni rroppa taniuarri madiniuarrinepe Deorrine narroraporraro. Naniuarripe taparini carrizanaponiuarrine uada 1.260 nehe madirraro.

Apocalipsis 21:10

Nezape Deo Corimerrine uima ouaza auato tarraro. Pina occa uadassa neza qqui onarraro. Ocattoma cananerre Deocca zozosse ssono motaraniuarri oua touaccarrari. Naniuarri ouaza auato inanarraro. Memeuarri Deo pocca oza panani bicabote Zerozare Deo Poua tezerrema ccaronani qqui onade.

Apocalipsis 21:2

Deo pocca oza panani bicabote Zerozare zati qqui onade. Deo Poua tezerrema memeuarri ccaronade. Zerozarepe pina amonerre maqqui carriniuarrine narrorarrarossa narraro, bicarizaponi nade.

Apocalipsis 22:19

Nazama madirra ouaha itezerremacca uima arrirraro papeoza dozo nanicca mota inebozape manaco Deo pouaza aua bono camittehecca eccoccouitoui. Oza panani Zerozare Deocca naqui pouaza eccocconitoui.