Apocalipsis 1:11 - Kulina New Testament Brazil

¹¹ Atti arrama narrari: —Arrirraro bazima tiaza noue onarrarope papeoza dozo tarri. Arri zama Asiauarricca Zeso Cristoza quequeriqquimana naui 7 narizarraroza uima zosse tinarizaniuarrine. Oza panani Epesouarri, Esmirnauarri, Peocamouarri, Tiatirauarri, Saradisiouarri, Piradeopiauarri, Laodiseauarri zosse tinarizarri −nade atti moui taza.

Culina Mádija

¹¹ Atti ajama najari: —Ajijaro huapima tiadsa nohue onajaropi papeodsa dsodo taji. Aji dsama Asiahuajicca Jesocristodsa quequeriqquimana nahi 7 naridsajarodsa ima dosse tinaridsanijine. Odsa panani Epesohuaji, Esmirnahuaji, Peocamohuaji, Tiatirahuaji, Saradisiohuaji, Piradeopiahuaji, Laodiseahuaji dosse tinaridsaji −nade atti mohui tadsa.

Apocalipsis 1:11 Iomraidhean Croise

Tahimarideni 16:14

Ponideni tassani orrariepe oza panani Tiatirauarricca. Oninipe Ridia. Ponipe etero zorrorani uatini ccara tanicca dadade. Narraro etero cocoro tozippape pina mappara tarrarossa narraro. Narraro amonerrepe Deo Attiza ibora tarraro. Ia Zozossede Zeso poni bodini acco icanezape Paorocca marinarra poniza bica teza mittanissa tarraro.

Tahimarideni 18:24

Nazapa Aquira bedimeni tazarrani Epesoza madimanazapa zodeo madirra onipa Aporo Epesoza bacco narronarrari. Pouapa zama Ezitocca oza panani Aresadriaza napirrari. Pouapa uima uatide nauato, Deo Atticca naco nauato tarrari.

Tahimarideni 20:17

Nazama Miretoza imadizape Paoro Epesouarricca Zesoza rrehe quenarrarideni cacauadedenitoui madirra zosse inade: —Oua qquide rrauirronana −naza.

1 Corintodeniza 15:32

Arri Epesoza omadiza naqui ozoqqueniuarrine madirra otoui inacomarizemanarraro, pina zomarri uadi tarrarissa quenaui. Pouadeniza Deo Atti maride damera oneraha poccadeni uadie onauanani manaconi nerrecora ocarrirraro? Rricarrarideni parrissa nauatonimana-rrarazapa ponima maride ocasserani ouarizanerre. Nezape arra madirra ouaha attideni: —Rrari, irripana! Ze inana! Izamassa onihi irriquezape nemarade −quequenanarraridenissa inana.

1 Corintodeniza 16:8

Naraha arri oza panani Epesoza omadiccani, zodeodenicca errete Pentecosti onarricaccaniuarrine.

Epesodeniza 1:1

Nirra ouimecotedeni? Occa uima tiadeniza dozo onarraro. Ouape Paoro. Deo ouaza nacassa taza Zeso Cristocca zozosse orraniuarrine otoui uaua narrari. Rrehe, nani oza panani Epesoza timadimanarrarope Deocca madirra bicaqquiri tiquenani, Zeso Cristoza dameraqquiri tiquenarrarodeniza dozo onarraro.

Corosadeniza 2:1

Nauatoqquiri tiquenaniuarrine tiadeniza dozo onarraro. Arri tiadeniza Deocca uima bicani torraniuarrine ozepe irrirrarope ouaza narro teraha nema nehe damera onarraro. Titouideni, arri oza panani Laodiseauarri madimanarraridenitoui naqui, arra madirra bazima oua qqui toquena-rraraccarraridenitoui naqui damera onarraro.

1 Timoti 1:3

Rrehe Timoti, taide Masedoniauarri occabote neza tiaza uati onarrarope rridapana dozo onapomarraro. Arri, oza panani Epesoza timadiccarri, marinarra maizehecca mamaridedeni uati ticanabaqquina, denima mari quena-rrarauiuarrine, onarrarode.

Apocalipsis 1:17

Qqui onazapa pina ouatiarrarossa narraro. Poua amoriuarri ouedimeza oponarraro. Naraha poua zepe nauatoniccaza oua bara naza uati tarrari: —Ticappina-rrerarri. Ouape taidezama omadiporraroua arri rricaqquini bacco onanitoui −nade.

Apocalipsis 1:19

Nazapa oua cazosserrari: —Arri bazima qqui tinarrarocca dozo tarri. Arri rridapana torrarizarrarocca dozo, niza zotode torraniuarrinecca dozo tarri.

Apocalipsis 1:2

Arri bazima oua qqui onarrarope parrissa uati onarraro. Arri dozo onarrarope parrissa Deo Atti Zeso Cristorrine ouaza auato inanarraro.

Apocalipsis 1:20

Arra amouadeni 7 canaha ozepe nauatoniccaza qqui tinarrari, rrorrororo pinine orocca 7 naha qqui tinarraricca uima auatora teraha uimape arrima narraro: Arra amouadeni 7 canarraripa otauimariza quequeriqquimana narrari 7 narraro cacauade toquerrenarraridenicca uima. Arra rrorrororo pinine 7 narrari naco otauimariza quequeriqquimana narrari 7 narraro −nade Zeso ouaza.

Apocalipsis 1:4

Ouape Zouao. Arrirraro occa uimape arri Asiauarricca oza panani 7 naniuarri Zeso Cristo tauimariza titiqueriqquimana narrarodeniza dozo onarraro. Deopa madiui. Nazama madiporrari. Niza ccarronauitoui. Ccarronazapa tiadeniza uima bicani inanarizana. Pocca rronehe inanarizana, onarraro. Deo Poua zosse zosse nanarra nauicca uiuittari tazarranima Poua Corime 7 quenaha domo uarrarideni naco tiadeniza uima bicani inanarizemanana. Poccadeni rronehe tiadeniza inanarizemanana, onarraro.

Apocalipsis 1:8

Ia Zozossede Deo Attipa: —Ouape Deo Dacorabote. Taidezama omadiporraroua arri rricaqquini bacco onanitoui −nade ia Zozossede attipa. Pouapa madiui. Nazama madiporrari. Niza ccarronauitoui.

Apocalipsis 10:4

Ttottorode attini rriquezape attinideni dozo onanitouiraha memeuarricca atti omittarraro. Arrama narrari: —Ttottorode attini timittarrarope tia motta tibodiza tecauarri. Dozo terrerarri −narrari.

Apocalipsis 14:13

Nazapa memeuarri atti omittarraro. Ouaza arrama narrari: —Arrirraro uima bicani dozo tarri −narrari. —Arri rridapanaccazama ia Zozossede Zeso Cristoza toquerrenarrarideni rriquemanapozapa pouadeniza uima bicani torranitoui −narrari. Nazapa Deo Corime attipa: —Rrehe, narrarideni torricazapa rrassi quenauitoui. Narro tanicca zepedeni ihirrimana narraro rricani. Arra Deoza zepedeni irrimanaza pouadenirrine uima bicani torrarraroma memeuarri rraui torramacossauitoui −narrari.

Apocalipsis 19:9

Nazapa Deocca zozosse ouaza uati tarrari: —Dozo tarri: Eueue Bedi Zesopa pocca madirraza uaua narrari, pocca uenauenacca rripaqquieza rraui torrezimauiuarrine. Rraui torrezimarraridenipa uatizehe imeni carrimanauitoui −narrari. Nazapa denima uati tarrari: —Arri uati uati onarrarope Deo Atti parrissehecca −narrari.

Apocalipsis 2:1

Zeso Cristo ouaza uati zanaporrari: —Epesouarri otauimariza quequeriqquimana narrari cacauadeza dozo tarri −nade. —Ouape ozepe nauatoniccaza amouadeni 7 canaha ocarrirraro. Rrorrororo pinine orocca 7 naha cacaueri narizarrari qquide naqui occarizarraro, naui tarri, onarraro.

Apocalipsis 2:12

Zeso Cristo ouaza uati zanaporrari: —Peocamouarri otauimariza quequeriqquimana narrari cacauadeza dozo tarri −nade. —Ouape rrazirecca massito cauidiqquimera narraro ocarrini.

Apocalipsis 2:18

Zeso Cristo ouaza uati zanaporrari: —Tiatirauarri otauimariza quequeriqquimana narrari cacauadeza dozo tarri −nade. —Ouape Deo Bedi orrani. Onoccope pina zippo rrororonissa narraro. Ouamori naqui zibehi tarraro. Pina ccarara onini bronze rriti nani tozibehirrarossa narraro.

Apocalipsis 2:24

—Naraha Tiatirauarricca tiadeni mota arri Zesabeocca marinarraza tiquerrene-rrerezape, arra “Tocorime-Taminecca marinarra deni torranicca auatora tani” quequenanarrariza tiquerrenerreraza naqui tiadeniza uima oppina tanicca uati onerrereraha uima orrariena uati onarraro.

Apocalipsis 2:8

Zeso Cristo ouaza uati zanaporrari: —Esmirnauarri otauimariza quequeriqquimana narrari cacauadeza dozo tarri −nade. —Ouape taidezama omadiporraroua arri rricaqquini bacco onanitoui. Ozoqqueraha onauatonizape omadirraro.

Apocalipsis 21:5

Nazapa arra Deni torrauicca uiuittariza uittari canarrari Attipa: —Ouape bazima zati onanarizaui −nade. Poua Atti onihi naqui: —Arrirraro uima dozo tarri. Arrirraro uimape parrissa. Uimape pina arrirrarossa nehe torranitoui −nade.

Apocalipsis 22:10

Poua atti onihi naqui: —Deocca uima arrirraro papeoza dozo narrarope madirra ua ua quenauiuarrine auatoraniza tecaua terrerarri. Arrirraro uima dozo nanicca torraniuarrinepe uarrira tani.

Apocalipsis 22:16

—Ouape Zeso, otauimariza titiqueriqquirizemana narrarodeniza occa zozosse memeuarricca zosse onaronarrari, narraro uima nemanehe timittemananiuarrine −nade. —Ouape maittaccazama Izarraeo potemauidenicca tamine Dabi Potemaui orrani. Ouape pina izamassacca amoua ssiuarra tocanarrarissa onarraro −nade Zeso.

Apocalipsis 3:1

Zeso Cristo ouaza uati zanaporrari: —Saradisiouarri otauimariza quequeriqquimana narrari cacauadeza dozo tarri −nade. —Arri ouape Deo Corime 7 naha ocarri, amouadeni 7 canaha ocarri narraro. Ouatti tiadeniza arrima onarraro: Ticcadeni uima bazima nauato onani. Madirra ouahadeni ticcadeni madie qqui toquenaza attidenipa: “Zeso Cristo tauimariza uauatizemana naui” quenaraha ouape parrissa nauato onani: Ouaza tetideni rrimemanabote nani. Pina tecotarrarossa narraro.

Apocalipsis 3:14

Zeso Cristo ouaza uati zanaporrari: —Laodiseauarri otauimariza quequeriqquimana narrari cacauadeza dozo tarri −nade. —Ouape parrissa. Arri uati uati onarrarope parrissa qqui onarraro uimara uati uati ohonanarraro. Bazima Abi Deo inauatorizarraripa orrine torrarizarrari. Nazama ouatti tiadeniza arrima onarraro:

Apocalipsis 3:4

—Naraha tiadeni Saradisioza titiqueriqqui narraro motadeni arrirraro zamacca uimasiriza toquerrenanipoma-rraraui. Poccadeni uimape pina poccadeni etero tosoue-rrerarrarossa narraro. Niza ouaza madimanazapa pouadeniza etero moponi da onarizanitoui. Bicaqquiri narrarirrine ouaza etero moponiza rrauirizauitoui.

Apocalipsis 3:7

Zeso Cristo ouaza uati zanaporrari: —Piradeopiauarri otauimariza quequeriqquimana narrari cacauadeza dozo tarri −nade. —Ouape parrissa. Obodi ssiuarra, uisso tarraro. Maittaccazamacca tamine Dabicca chave ocarrini. Narraro chaveza Zerozare zaticca noccobirri ouacauarraro. Madirra Deoza memeuarri madimanauiuarrine rrehe onezape rraui torrezimauitoui. Rrehe onerrerezape rraui torrezima-rrarauitoui.