Apocalipsis 1:1 - Kulina New Testament Brazil

¹ Deona Zeso Cristoza itezerremacca uima auato inanaporraro. Manaco Zeso Cristopa pocca zozossedeniza auato inananiuarrine. Arrirraro uima iaza auato inananiuarrine Zeso Cristo pocca zozosse memeuarricca zosse inaronazapa ouaza uati tarrari. Pouarrine qqui onarraro. Ouape Zouao, Zeso Cristocca zozosse orrani.

Culina Mádija

¹ Diona Jesocristodsa itedsejemacca ima ahuato inanapojaro. Manaco Jesocristopa pocca medsedenidsa ahuato inananijine. Ajijaro ima iadsa ahuato inananijine Jesocristo pocca dodosse memehuajicca dosse inaronadsapa ohuadsa huati tajari. Pohuajine qqui onajaro. Ohuapi Huano, Jesocristocca medse ojani.

Apocalipsis 1:1 Iomraidhean Croise

Huano 12:49

Neraha ouape oua mottacca uima uati uati ohona nerrerani. Abi oua Cazossedena: “Arrima narraro uima mari ticanabaqquina” naza uati uati onarraroparri.

Huano 15:15

Rridapanape tiadeniza: “Occa zozossedeni” onerrerani. Madirra zozosse inanabaqquirraripa pocca zozossedeni pocca uima ssamoqquiri narrari. Naraha ouape occa Abi ouaza uati uati tarrari nemanehe tiadeniza ouacomerarraro. Narraroa arri tiadeniza: “Otessedeni” onarraroparri.

Huano 17:8

Arri ouaza Tetti da tarrarope pouadeniza da onarizani. Narrarope pouadeniza torrani. Pouadenipa Tiauarri occarronanicca uima tocauatterara canaui. Pouadenipa ouaza: “Parrissa Deo zosse inaronarrari” quenaui.

Huano 3:32

Pouapa memeuarricca qqui tarrari, mittarrari naco ecomerarizarraro. Naraha madirra bazimapa pocca uatinarraza parrissaua quena-rraraui.

Huano 8:26

Nema nezape ticcadeni uaidirehe bazima tiadeniza uati onezape tiadeniza uima ssonarinitouiraha nema onerrerani. Naraha oua cazosserrarina parrissa uati uati tarrari. Pouapa ouaza uati uati taui omittezana arrirraro zamacca madirraza uati uati ohoqquima narraro −nade Zeso.

Romanodenidsa 16:25

Deoza etizena. Pocca uima bicani icassiuaueraniuarrinecca mari mari ohonanarrarope tiadeni tonadacora-baqquirraro. Narrarope Zeso Cristo tauimari timittemanarraroparri. Maittaccazama zama nauatopo-rreraccazama Deorrine narroraporaha auatora taporraro.

Carasiadeniza 1:12

Arri, ouattarrarope madirrarrine ouaza torra-rrerani. Madirra oua mari cana-rrararaha Zeso Cristo pouana narraro uima oua tonauattarraride.

Epesodeniza 3:3

Deo pocca uima bicani taide madirraza auatora taporaha Pouarrine ouaza touatorraro. Narraro uima bazira tehe taideuarri dozo onapopa.

Titodsa 1:1

Nirra Tito? Ouape Paoro. Ouape Deocca zozosse orrani. Bedi Zeso Cristocca zozosse orrarraro. Zeso Cristopa oua cazosserraria arri poua tauimari ouacomera-rizezape pouaza rrehe quenauiuarrine. Deopa taide nauato taporraria arra madirra icatterriza-baqquirrariparra. Narrarideni Deo pocca parrissehe tocauatterauiuarrine pouadeni mari ocanabaqquiuiuarrine oua cazosserrari. Rrehe, Deocca parrissehepe Deo Pouaza imadinissa taniuarrine ia mari tocanabaqquirraro.

Apocalipsis 1:19

Nazapa oua cazosserrari: —Arri bazima qqui tinarrarocca dozo tarri. Arri rridapana torrarizarrarocca dozo, niza zotode torraniuarrinecca dozo tarri.

Apocalipsis 1:9

Ouape Zouao timecotedeni orrani. Titezerredeni Deocca cacaueheza iquerrenarraro. Madirra Deo Attiza nacasseraqquiri narraripa ia totonarrizo-baqquimana narrari. Naraha Zeso Cristorrinepe uima inauananiuarrine iparrireni. Ouape ueni nocconiza zama uittacossani Patimoza oua inebomanezape pina toponi cocoroza ouezarrarossa narraro. Deo Atti maride orrarizeza, Zeso Cristo tauimari ouaccora-rizezape Pouaza nacasseraqquiri narraridenirrine tozepe orrarraro.

Apocalipsis 17:1

Nazapa Deocca zozosse tabaqqui 7 quenarrari tasa carrimanarrarideni orrariapa ouauarri ccarronaza uati tarrari: —Nirra, ticcarronarri. Tiaza uima auato onanana −narrari. —Arri amonerre passo tetepiza uittarirrarope uananari. Ponicca uimasiri manaconi Deo inarrizonicca uima qqui tinaniuarrine −narrari.

Apocalipsis 19:10

Nezape Deocca zozosse baccouarri opitoza ouitta neza pouaza ouatizeniuarrineraha ouaza uati tarrari: —Ouaza nema terrerarri. Oua naqui Deocca zozosse orrani. Pina tia timecotedeni tezerre Zeso Cristo tauimariza dameraqquiri tiquenarrarossa onani. Deozara tetizerri −narrari. Arri Zeso Cristo tauimari bicabotepe Deo Poua Atti cacomeraqquiri narrarideniza inanazana ehecomeremana narronarraroparri.

Apocalipsis 19:9

Nazapa Deocca zozosse ouaza uati tarrari: —Dozo tarri: Eueue Bedi Zesopa pocca madirraza uaua narrari, pocca uenauenacca rripaqquieza rraui torrezimauiuarrine. Rraui torrezimarraridenipa uatizehe imeni carrimanauitoui −narrari. Nazapa denima uati tarrari: —Arri uati uati onarrarope Deo Atti parrissehecca −narrari.

Apocalipsis 21:2

Deo pocca oza panani bicabote Zerozare zati qqui onade. Deo Poua tezerrema memeuarri ccaronade. Zerozarepe pina amonerre maqqui carriniuarrine narrorarrarossa narraro, bicarizaponi nade.

Apocalipsis 21:9

Nazapa Deocca zozosse tabaqqui memeuarricca 7 quenaha tasaza narrizoue oppina tanicca carririzemanaporrari orraria ccarronaza ouaza uati tarrari: —Arri ticcarronarri, Eueue Bedicca amonerre torraniuarrine narrorarraro tia qqui onanana −nade.

Apocalipsis 22:1

Nazapa Deocca zozosse ueni bicaui oua qqui tonanarraripa passo ssaua tarraro, tocassiuerreqquimera narraro. Narrarope passo camittehecca. Deo, Eueue Bedi pouadeni pamahacca uiuittari cauittariniza passo qquenarrarope ueni tocarrarrari.

Apocalipsis 22:16

—Ouape Zeso, otauimariza titiqueriqquirizemana narrarodeniza occa zozosse memeuarricca zosse onaronarrari, narraro uima nemanehe timittemananiuarrine −nade. —Ouape maittaccazama Izarraeo potemauidenicca tamine Dabi Potemaui orrani. Ouape pina izamassacca amoua ssiuarra tocanarrarissa onarraro −nade Zeso.

Apocalipsis 22:6

Nazapa Deocca zozosse ouaza uati tapomarrari: —Arrirraro uimape parrissa. Uimape pina arrirrarossa nehe torranitoui. Ia Zozossede Deopa Poua Atti cacomeraqquiri narrarideniza Poua Atti inanarizaporraro. Narrari Deopa oua zosse naronarrari. Ouape pocca zozosse, pocca zozossedeniza pouadeni tezerremacca uima torrabote nanicca auato onananiuarrine occaronarraro −nade ouaza.

Apocalipsis 22:8

Ouape Zouao, arri rridapanacca, itezerremacca Deorrine bazima ouaza auato inaneza omittarraro, qqui onarraro. Narraro rriquezape Deocca zozosse ouaza uati uati tarrari baccouarri opitoza ouittarraro, pouaza ouatizeniuarrine.

Apocalipsis 22:9

Naraha poua attipa: —Nema terrerarri. Ouape Deocca zozosse orrani. Pina tiassa, pina timecotedeni Deo Atti cacomeraqquiri narraridenissa onarraro. Arra madirra bazima arrirraro uima papeo dozo naniza iboraqquiri narraridenissa onehe Deocca zozosse orrani. Deozara tetizerri −nade.

Apocalipsis 4:1

Arra Zeso Cristo pouaza quequeriqquimana narrarideniza uima uati taui rricani nattinipe qqui onanerre memeuarri pina totoqquezima touabarrarossa nehe qqui onarraro. Atti naco dacorarrari pina rrorro trobeta moui omittaporrarossa narraro omittapomarraro. Nazapa ouaza uati tarrari: —Arriuarri ticcamacossarri. Rridacca qqui tinarraro nattini zotode torraniuarrinecca uima tiaza noue onana −nade.

Apocalipsis 5:7

Nazapa Eueue Bedipa papeo pico naqquini idiniuarrine deni torrauicca uiuittari bicaboteuarri toccarrari. Nauiza uittarirrari zepe nauatoniccaza papeo zorro irrizarraro idirraro.