Biblia Todo Logo
Bìoball air-loidhne

- Sanasan -




2 Timoti 4:2 - Kulina New Testament Brazil

2 Deo Atti mari mari tarizarri. Uarrirriraza maride tirrarizaniuarrine tibodi titinarrorapo narri. Madirra Deo Atti mittade nacassaqquiri nazapa mari ticanabaqquina. Nacasseraqquiri naza naco nama naha mari ticanabaqquina. Madirra uima tonanaza naco mouaraza uati ticanauissa tarro: —Uima tinanarraroza peperri tarri −tana. Madirra poua bodi cacarriqquimerauiuarrine naco mari ticanarro, uima bicani touira poua bodi uatouiuarrine. Touattauiuarrine narro taza naco nama naha mouaraza mari ticanarro.

Faic an caibideil Dèan lethbhreac

Culina Mádija

2 Dio Atti mari mari taridsaji. Huajijiradsa maride tijaridsanijine tibodi titinajorapo naji. Madija Dio Atti mittade jipaqquiri nadsapa mari ticanabaqquina. Jiperaqquiri nadsa naco nama naha mari ticanabaqquina. Madija ima tonanadsa naco mohuaradsa huati ticanahissa tajo: —Ima tinanajarodsa epeje taji −tana. Madija pohua bodi cacajiqquimerahijine naco mari ticanajo, ima bicani tohuira pohua bodi huatohuijine. Tohuattahijine najo tadsa naco nama naha mohuaradsa mari ticanajo.

Faic an caibideil Dèan lethbhreac




2 Timoti 4:2
36 Iomraidhean Croise  

—Arra madirra mota attidenipa: “Zesopa Cristo-Mesia rraraui, pocca uimape onihi, Cristo-Mesiacca uimassa nerrerani” quenaraha madirra mota nama quena-rrararrari attidenipa: “Parrissa Zesopa icca Mesia” quenaza pouadenizana Deo pocca biquehe inananitoui. Arrirraro uima bazima Zouaoza uati tinanimanana −narrari Zeso.


Nazapa Zesoza bacco toquenazapa uati toquenauissa tarrari: —Arra rromanodenicca isso teppeppe zossedepa bica taui. Pouapa icca madirra zodeodeniza naco uati uana tarrari. Pouapa icca Deo Atti mamari naqui pouarrinena icarrirraro. Pouapa iaza bica taui. Manaco poua acco ticanarro, inarraro −quenarrari Zesoza.


Naraha Zeso pouaza uati tarrari: —Madirrapa Deocca camittehe cappiremanarrarideni carri taui. Pouadenina poccadeni madirra zoqqueza ppa izemanauiuarrine parriremanaui. Naraha tiape ouaza ticcarizarri. Deocca cacauehecca uima tecomerarizaniuarrine. Icca bobode inarrorani −narrari Zeso.


Narraro zamaza bacco toquenazapa oza onini Saramineza uana tocanemanarrari. Nauiza zodeodenicca Deo Atti mamari onihiuarri, onihiuarri Deo Atti maride toquerrenarizarrari. Arra Zouao pouaza Maraco quequenanarrari naco pouadeni birri accode ccarizarrari.


Nezape rrassinarracca uada bacco teza Deo Atti mamari oza nouerezape oza panani amossiniuarri rrauirrenarraro, ueni inidiuarrina rrauirrezippade. Nauiuarri Deoza uatide totoqueriqqui narrari uitide ineza. Naniuarri bacco inezape amonerre ponidenira queriqquimanani qqui inabaqquizape ia naqui ponidenizama naniza rrassi ineza Deo Atti mari icanabaqquirrarode.


Nezape rrassinarracca uada rriquezape narraro zomeza arra Zeso zoqqueui tauimari ibodi uatomaniuarrine, pao dize nariui irripaniuarrine iqueriqquirrarode. Paoro attipa: —Izamassape denima rrauirraniuarrine −naza Zesoza rrehe quenarrarideni mari icanabaqquizapa zome nocconi torrade.


Nezape oza panani Rromauarri bacco izimezape Paoropa pouara madiuiuarrine taminedeni rrehe quenarrari. Paoro poua cacauade isso teppeppe orrari orrari zanapomanaza madirraride.


Nazapa nerrecoma naza pouadeni maride torrauiuarrine? Mamaride zossede nouerazapa maride torra-rraraui. Narraroa arri Deo Atti dozo naporrarozape arrima narraro: —Madirra uima bicani icassiuaueraniuarrinecca maride bacco nazapa uatizehe torrarizani −nani nade.


Arri titezerremadenicca uima bicanitoui timadimanezape uatizehema timadimanarri. Ocasserani temaneza naqui mouaraza tinauanemanarri. Deoza uatide naqui tinebomana-rrerarri.


Rrehe, tiadeni mariderrine Deo Atti ticauatterezape tiadeni marideza accoraqquiri tiquenana, onarraro. Ticarrimananicca bazima pouaza accoraqquiri tiquenaniuarrinepe bica tani, onarraro.


Arra Deo oua cazosserraripa arri Zeso Cristoza tirrariqquimanarrarocca uima toccanissa taniuarrine cacauade orrarraroparri. Narraroa arri Deo Atti nemanehe onaparrirenissa teza tiadeni mari ocanabaqquirraroparri.


Itoui naqui Deoza uati uati tiquenarri, naui Pouarrine madirra bodideni narroremanapozapa: —Rrari, iaza Zeso Cristo tauimari tecomeremanarri −quenauiuarrine. Nani Zeso Cristo tauimari icassiuaueraniuarrinecca mari icanabaqquiuiuarrine, inarraro. Narraro uima taide auatora taporaha rridapana iaza touatorraro. Narraro uima ouacomerarrarorrine toponi cocoroza ouezarraroparri.


Tiadenipe pina arri icca madiecca uimassa, pina arra ia Zozossede Deo tauimari timittemanarraro pocca madiecca uimassa tinanemanarraroparri. Narraroa arri Deo Atti timittemaneza rrehe tiquenezape Deo Corimerrine tetizemanarraroparri. Arri ocasserani terizemaneraha Deo Corimerrine Deo Attizara tetetizemana narraroparri.


Imecotedeni, tiadeniza denima uati inana. Madirra zepe irriuiuarrine ibo tazapa tettideni dacoraza uati ticanemanarro, zepe irride ibora tauiuarrine. Madirra bodi ocassera taza Zesoza: —Peperri onana −nabote nazapa poua tinauatizemanarro, Zesoza torraniuiuarrine. Madirra pocca rrehenirri tomirriraza poua bodi acco ticanemanarro, pocca rrehenirri todacorani napomaniuarrine. Madirra bazimaza rroneqquiri tiquenarri. Pina madirra tiadeniza uima inassonarizape pouaza tedimane-rreraza mouaraza tinauanemanarri, inarraro.


Madirra Deo Corimerrine Deo Atti ecomerezape tettideni: —Maiza maiza narrari −tiquenerrerana.


Tiauarri bacco onerreraccazama ticca mamari tabaqqui titinequeriqquibaqqui naza pouadeniza Deo Atti ua ua tizanapona. Deo Attiza iboraqquiri nauiuarrine pouadeni tinauatizebaqquiza mari ticanabaqquiuissa tarro, onarraro.


Nazapa pocca uima nebo-rraraza Deo Atti mamariuarri Zesoza rrehe quenarrarideni bazima mittemanauiuarrine uati ticanarro. Nema tezape tirrine bazima uimasiri inanemananiuarrine noppineni cappinemanauitoui, onarraro.


Narraro uimape madirra pocca uimasiri ineboza bodi uisso taha madi-zanapozapa Deoza bica tarrari. Pina tozepetarri bica taniccassa narrari. Deoza zepe irriuiuarrine narrora, uima bica taniccara inananiuarrine narrora narrari.


Deoza iboqquiri narrarideni naco mouaraza mari icanabaqqui-zanapona. Nama nazapa Deorrine bodideni cacarriqquimerauiuarrine uitide. Nazana marinarra parrisseheccazara parrissa quenauiuarrine.


Naraha Timoti, tiana occa marinarra timittazanaporraro. Occa madie naqui qqui tizanaporraro. Deoza ozepe irrizanaponirrine damera onani naqui nauato tinani. Zeso Cristoza rrehe onarraro naqui tiaza auato tarraro. Narro tanicca naqui mouaraza nema nehe onauanani nauato tinani. Madirratoui ouati cauanari canani naqui nauato tinani. Ocasserehe ouaza ssonariza daco orrirani naqui tiaza auato tarraro.


Rrehe Tito, poua attipa parrissa. Nezape ticca madirraza tetti dacorehema uati ticanabaqquirro: —Parri, marinarra maizehecca maridedeni carri taui. Tiadeni tocamaizabaqquiuiuarrine touini quenarrari. Zeso tauimari parrisseheccazara rrehe tiquenarri −tana, onarraro. Daco tirrirarri. Tetti mittemanazapa poccadeni rrehenirri todacorapomaniuarrine.


Rrehe Tito, arri uima bazima orrine dozo onarraroza mari ticanabaqquirro. Pina arri Deo Attissa inanemananiuarrine tinauatizebaqquirro. Arri Deo Attissa inanemana-rrerezape tetti dacorehema uati ticanabaqquirro. Pouadeniza: —Narraro uimape bica terrerani −tana. Madirra tia arrimani inanemana-rrerana. Nama quena-rrarauiuarrine ticappinarrereza daco tirrirarri.


Rrehe ouimecotedeni, arrirraro uima teppe tiadeniza dozo onarrarope ticcadeni rrehenirri todacorani naniuarrine. Arri orrine dozo nanipe uapi terrerani. Pamema nani. Narraro ua tiquenanissa tarri. —Ua nani narro tani −tiquenerrerarri.


—Ouape madirraza ouati uana teza uimasiri inanemanezape ouatti dacorehema pouadeniza: “Nema tiquenerrerarri” ohonanarraro. Poccadeni uima tobicaniuarrine naqui mari mari onarraro. Ouazara tetizemanarri. Ouazara dameraqquiri tiquenarri. Tibodideni cacarriqquimereza Deoza tiquerrenanipomarri.


Lean sinn:

Sanasan


Sanasan