2 Timoti 2:8 - Kulina New Testament Brazil

⁸ Tibodi uatomarri: Zeso Cristopa zoqqueraha nauatonirrari. Pouapa tamine Dabi Potemaui. Narrari tauimari icassiuaueraniuarrinecca mari mari onarizarraro.

Culina Mádija

⁸ Tibodi huatomaji: Jesocristopa dsoqqueraha nahatonijari. Pohuapa tamine Dabi Potemahi. Najari tahimari icassiejeranijinecca mari mari onaridsajaro.

2 Timoti 2:8 Iomraidhean Croise

Mateo 1:1

Rrehe, arrirraro uimape Zeso Cristo tauimari. Zeso biridi orrariapa Izarraeo potemaui zodeodeni quequenanarraridenicca tamine Dabi. Biridi ouaha naco Izarraeo potemaui zodeodeni bazimacca idi Abarahao. Nazapa Abarahao potemaui onideni ua ineza Zeso imenicca maqqui oni bacco inaniuarrine.

Roca 24:46

Poua atti naco: —Rrehe, Deo Atti dozo nanizape otauimari. Narraroa arri madirra Idinide Cristo-Mesia quequenanarrari ccarronazapa ocasserani imeni inauananitoui. Madirra inanazoqque-manaza ppa izemanaraha uada 3 naza nauatoniuitoui.

Tahimarideni 13:23

Nazama arra tamine Dabi Potemauipa Zesoparra. Narrarina ia Izarraeodeni Tonassiuauade torrauiuarrine Deo zosse inaronarrari. Pina taide Deo Poua uati tapouissa narraro.

Tahimarideni 2:24

Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.

Tahimarideni 2:30

Nazama Dabipa Deo Atti cacomeraboterra narrari nauato taporrari. Pouaza Deo uati tapozapa: “Parrissehera tiaza uati onarraro. Tipotemani orrariapa tamine deni torrauicca torrauitoui” napoui nade Deo.

Romanodenidsa 16:25

Deoza etizena. Pocca uima bicani icassiuaueraniuarrinecca mari mari ohonanarrarope tiadeni tonadacora-baqquirraro. Narrarope Zeso Cristo tauimari timittemanarraroparri. Maittaccazama zama nauatopo-rreraccazama Deorrine narroraporaha auatora taporraro.

Romanodenidsa 2:16

Niza Deo madirradenicca uima nattome inabaqquiuiuarrinecca uada bacco tazana Zeso Cristo izosseuitoui. Nazana madirra bodideniza uima ecomemanarraro Zeso auato inananitoui. Narraro uima torraniuarrinepe Zeso Cristo tauimari icassiuaueraniuarrinecca mari mari ohonanarraroza uati uati onapode.

1 Corintodeniza 15:1

Ouimecotedeni, tetideni rrima-rreraniuarrine tiadeniza uati omanirraro. Zeso Cristo tauimari icassiuaueraniuarrinecca tiadeniza ouaccoraporrarode. Narraro uimaza rrehe tiquenezape tinebomana nerrerarraroa arrirraroparri.

1 Corintodeniza 15:4

Cristo uatiaza ppa izemanaraha uada 3 nazapa nauatonirraride. Narraro naqui Deo Atti dozo iquenaporraroza nema naporraro.

2 Tesaronicadeniza 2:14

Nazapa Zeso Cristo tauimari icassiuaueraniuarrinecca tiadeni mari icanabaqquizape timittemanarrarode. Narraroza Deopa titouideni uaua narrari. Niza zotodepe arra ia Zozossede Zeso Cristo poua zibehine, pocca deni torrehe tiadeniza torranitoui.

1 Timoti 1:11

Rrehe, narraro marinarra bicabotepe Zeso Cristo tauimari icassiuaueraniuarrinecca tazarrani orrariqquirraro. Abi Deo bicabote deni torrarraripa pocca zossenirri oua cazosserraride, madirra mari ocanabaqqui-rizauiuarrine, onarraro.

1 Timoti 2:7

Narrarope Zeso poua tauimari ouacomera-rizaniuarrine otoui uaua nazapa pouarrine pocca zozosse orrarraro. Zodeo querrena-rrararrarideni poua tauimariza parrissa quenauiuarrine, pocca parrisseheza naco rrehe quenauiuarrine mari ocanarizabaqquiuiuarrine oua zosse tarrari. Parrissehera dozo onarraro, omaize-rrerani.

2 Timoti 1:8

Nazama madirra ouahadeniza ia Zozossede Zeso Cristo tauimari tecomeraza naqui comehi tina-rrereza mari ticanabaqquirizana. Arri oua toponi cocoroza ouezani tauimarini timitteza naqui ticomehi terrerana. Arri ouape Zeso Cristo tauimari mari mari onarizarrarorrine tozepe orrarrarode. Tia naqui Zeso Cristo tauimari icassiuaueraniuarrinecca tecomerarizarrarorrine ocasserehe tinauaneraha nema nehe orri terrerarri. Pina tetizeri narizana, onarraro. Deo tibodi inadacora-zanaponitoui.

2 Timoti 2:7

Rrehe, narrarideni tauimarideniza tibodi uatonissa tarri. Ia Zozossede Zeso Cristopa uima bazima timittanissa taniuarrine tia acco canauitoui.

Apocalipsis 5:5

Naraha nauiuarri cacauadedeni rrassi nauarranirrari 24 quenarrari orraria ouaza uati tarrari: —Orri terrerarri, arra Izarraeo bedi Zoda potemaui dacorehe carrirrari pina zomarrissa narrari. Narraripa Izarraeodenicca tamine Dabi Potemaui. Pouana zoqqueheza deni torrarrari. Papeo pico naqquini inauabaniuarrine parrireui. Pouana nepi nacossanicca 7 nehe itabo rizaniuarrine bica taui −nade ouaza.