2 Timoti 2:3 - Kulina New Testament Brazil

³ Ocasserani tiaza bacco tezape nema nehe tinauanarri, onarraro. Zeso Cristocca zozosse tirrezape pina isso teppeppe ibora tarrarissa tarri.

Culina Mádija

³ Ocasserani tiadsa bacco tadsapi nema nehe tinahanaji, onajaro. Jesocristocca dodosse tijadsapi pina soldado ibora tajarissa taji.

2 Timoti 2:3 Iomraidhean Croise

Tahimarideni 23:31

Nazapa isso teppeppedeni zome Paoro iaqquemanazapa oza panani Atipatriza bacco toquenarrari. Pina poccadeni tamine pouadeni zosse inabaqquipoui attissa inanemanarraro.

1 Corintodeniza 13:7

Touati uanehe icarrizape itesserrine bica terrereraha nema nehe pouaza eti uana tarraro. —Itessepa bica taui, maizera taui, madiuissa taui −inarraro. Pouarrine bica terrerani qqui ineza naqui: —Niza pocca madie tobicanitoui −inarraro. Pouarrine ocasserani eza naqui mouaraza inauananiuarrine iparrireni.

1 Corintodeniza 9:7

Arra isso teppeppedenipa taminecca ziniroza zama ecauemana-rreraqui? Narraroza zama ecauemanarraro. Uizarracca ppa taui uva cacauadepa uva bono rrirripa narraraco? Rrirripa naui. Eueue cacauade naco eueue zorrorini ze ze narraraco? Ze ze naui.

2 Corintodeniza 1:6

Arri ia ocasserehe inauanarrarope ponima rrerani. Tibodideni acco icanabaqquiniuarrine, tossiuauehe ticarrimananiuarrine ocasserehe ihinauana narrarode. Deo ibodi acco canazapa ia naqui tibodideni acco icanabaqquirraro. Nema nezape ocasserehe pina iaza ssonarirrarossa narraro tiadeniza ssonarizape mouaraza tinauanemananiuarrine tiparriremananitoui.

1 Timoti 1:18

Rrehe Timoti, tiape pina occa erredenissa tarrarode. Arriza anipoza Deo Corimerrine Deo Atti uati toqquimadedenipa Deoza tizepe irriniuarrinecca uima uati toquenapoza omittade. Poccadeni uatinarra tinaparrirenissa taniuarrinepe Deoza tizepe irrinissa tana. Pina isso teppeppessa tarri. Uaidirehe tazarrani ticauadireniuarrine daco tirrirarri.

2 Timoti 1:1

Nirra Timoti? Oua Paoro tiaza occa uima dozo onarraro. Deo touininaza Zeso Cristocca zozosse orrarraro. Ouape Zeso Cristo tauimariza rrehe ineza camittehe rriquerreranicca icarrirraro tauimarini madirra mari ocanarizabaqquiuiuarrinepa Abi Deo, Poua Bedi Zeso Cristo tezerre oua zosse iquenarraro.

2 Timoti 1:8

Nazama madirra ouahadeniza ia Zozossede Zeso Cristo tauimari tecomeraza naqui comehi tina-rrereza mari ticanabaqquirizana. Arri oua toponi cocoroza ouezani tauimarini timitteza naqui ticomehi terrerana. Arri ouape Zeso Cristo tauimari mari mari onarizarrarorrine tozepe orrarrarode. Tia naqui Zeso Cristo tauimari icassiuaueraniuarrinecca tecomerarizarrarorrine ocasserehe tinauaneraha nema nehe orri terrerarri. Pina tetizeri narizana, onarraro. Deo tibodi inadacora-zanaponitoui.

2 Timoti 2:10

Nezape orri onerrereza ocasserehe uapima onauanarraroparri. Nema onarrarope Deo icatterriza-baqquiporrarideni Zeso Cristo tauimari icassiuaueraniuarrinecca mittemanaza parrissa quenazapa Deo inassiuauabaqquiuitoui, Deo Poua ssiuerrenema Pouaza madimana-zanapouiuarrine.

2 Timoti 2:9

Narrari tauimarirrine ocasserani onauanarizarraro. Pina uaidirehe tonanemanarraridenissa onehe cadeiaza oua rrore iquenezape oua coro izimemanarraro. Neraha Deo Attipe rrore iquenaniuarrine ssamo tani.

2 Timoti 3:11

Arri oza panani Atioquiaza, Iconioza, Listaraza naqui nanarrizo onauanarizani nauato tinani. Naraha oua Zozossede Deopa oua tonassiuauarraride.

2 Timoti 4:5

Naraha tibodi uatonissa zanaponiuarrine daco tirrirarri. Ocasserehe tiaza ssonariza naqui nema nehe tinauanarri. Zeso Cristo tauimari icassiuaueraniuarrinecca madirra bazimaza tecomerarizaniuarrine damera tinarri. Ia Zozossede Deo pocca zosseheza tizepe irriza naqui tinaparrirenissa tarri, onarraro.

Piremao 1:2

Ticca ozauarri Deo Atti mittemanauiuarrine totoqueriqqui narrarideniza naqui nirra inarraro. Arri imecote Apia poniza naqui nirra inarraro. Imecote Ariquipo, Zeso Cristo tauimari maride ihicaberariza narrariza naqui nirra inarraro.

Ebreodenidsa 10:32

Tibodideni uatome-manarri. Taide Zeso Cristo tauimari timittemanapozape pouaza tiquerrenarrarorrine uima ocassera tanicca onihi onihi tiadeniza ssonari ssonari narrarode. Naraha dacoco tirrireza tinauanemana tinauanemana narrarode. —Peperriua, Deo onebona −titiquena nerrerade.

Ebreodenidsa 11:27

Moizepa Deoza rrehe nauissa taza Ezitoza nebozapa toccarrari. Ezitocca taminecca uadie noppineni cappina-rrararrari. Deocca zossenirrissa inananiuarrinena damera tarrari. —Peperri onana −narrararrari. Ia Cacauade Deo auatora taraha Moizepa pina Deo qqui tarrarissa naza pocca zossenirriza ibora tarrari.

Ebreodenidsa 6:15

Nazapa Abarahao Deo pouaza uati tarraricca toui mouaraza madirrari. Zotode Deo pouaza uati taporrarissa nehe torrarraro.

Satiacocca 1:12

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.