2 Timoti 1:2 - Kulina New Testament Brazil

² Rrehe Timoti, tiaza ouati uana tani. Zeso Cristoza rrehe tezape ouaza pina occa erredenissa tarraro. Nezape tiaza ouattia: Icca Abi Deo, ia Zozossede Zeso Cristo tezerre tiaza uima bicani inanemanana. Poccadeni touati uanehema tia acco icanemanana. Poccadeni rronehe naqui tiaza torrana, onarraro.

Culina Mádija

² Jehe Timoteo, tiadsa ohuati huana tani. Jesocristodsa jehe tadsapi ohuadsa pina occa ejedenissa tajaro. Nadsapi tiadsa ohuattia: Icca Abi Dio, ia Medsede Jesocristo tedseje tiadsa ima bicani inanamanana. Poccadeni tohuati huanehema tia acco icamamanana. Poccadeni jonehe naqui tiadsa tojana, onajaro.

2 Timoti 1:2 Iomraidhean Croise

Tahimarideni 16:1

Nazapa Paoro Sira tezerre oza panani Derbiza bacco toquenarrari. Denima touedarraripa oza panani Ristaraza bacco toquenarrari. Nauizapa Timoti madirrari. Pouapa Zesoza rrehe naporrari. Poua imeni naqui Zesoza rrehe naporraro. Ponipe zodeo, naraha imehipa zama Cresiacca madirra.

Romanodenidsa 12:19

Ouimecotedeni, tiadeniza ouati uana tani. Madirrarrine tiadeniza uima ssonarizape: —Manaco −tiquenerrerarri. —Ouacconepa Deona inarrizobaqquiuitoui −tiquenarri. Deo Atti dozo nanipe arrima nani: —Poccadeni narrizoue manaconipe Ouana pouadeni onarrizobaqquiuitoui −naui nade ia Zozossede Deo.

1 Corintodeniza 4:17

Nema onezape tiadeniuarri Timotira zosse onarrari. Pouapa orrine Zeso Cristoza torrazapa pina occa erredenissa narrari. Pouaza ouati uana tani. Pouapa ia Zozossede tauimariza damera tarrari. Occa marinarra pina Zeso Cristo mari mari narizarrarissa narraro tiadeniza uati tauitoui, tibodideni uatome-mananiuarrine. Narraro marinarrape arri Zeso Cristoza quequeriqquimana nauiuarri mari mari ohocanarizabaqqui narrarissa narraro.

Piripodeniza 4:1

Nazama ouimecotedeni, Zeso Cristoza dameraqquiri tizanapomanarri. Titouideni ouati uana tani. Tiadeni qqui onabaqqui-ccaraho ohonanani naraha oqquena-rreraccani. Maittaccazama Deo Atti tiadeni mari ocanabaqquipozape Zeso Cristo tauimariza rrehe tiquenade. Poua tauimariza timadimananissa zanapozape ouatizerraro. Tiadenipe occa cacatize tabaqqui tiquerrenani. Narraroa pina mari mari oneza occa marinarra manaconi ouaza torrarrarossa tiquenarraroparri, Deorrine.

2 Timoti 2:1

Timoti, tiape pina occa erredenissa tani. Zeso Cristocca touati uanehema daco tirrirarri.

Titodsa 1:4

Tito, tiaza occa uima dozo onarraro. Arri oua titezerre: —Parrissa Zeso Cristopa ia Tonassiuauade −inezape tiape pina occa erredenissa tarraro. Icca Abi Deo, ia Tonassiuauade Zeso Cristo tezerre tiaza uima bicani inanemanana. Tibodiza naqui poccadeni rronehe torrana, onarraro.

Titodsa 2:13

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui.

3 Zouao 1:4

Rrehe Caio, tiape pina occa erredenissa tarraro. Zesoza toquerrenarrari pina occa erredenissa quenarraridenipa parrisseheza madimanauissa tarrari uima omittezape ouatizeri narraro. Uatizehe onihi aniraha arrirraro uatizehena ouaza denima bica tarraro.