2 Timoti 1:10 - Kulina New Testament Brazil

¹⁰ Pocca touati uanehe iaza auato inananiuarrinepe ia Tonassiuauade Zeso Cristo iauarri zosse inaronarrari. Zeso zoqqueza nauatonizapa parri izoqquerinicca zoqquehe inassamorraro. Poua tauimari icassiuaueraniuarrineccape camittehe rriquerreranicca iaza auato inanarraro.

Culina Mádija

¹⁰ Pocca tohuati huanehe iadsa ahuato inananijinepi ia Tonassiajade Jesocristo iahuaji dosse inaronajari. Jeso dsoqquedsa nahatonidsapa paji idsoqquerinicca dsoqquehe inassamojaro. Pohua tahimari icassiejeranijineccapi camittehe jiquejeranicca iadsa ahuato inanajaro.

2 Timoti 1:10 Iomraidhean Croise

Roca 11:36

Naraha tibodideniza Deo ssiuerrene irrizape, arri zizinicca uima soue tanicca tibodideni tecauemane-rrerezape, otauimari Deocca uima tibodideniza auato tanissa tanitoui. Pina rrorrororo ssiuerrene tiadeniza tossiuarrabaqquirrarissa nauitoui −narrari Zeso.

Roca 13:7

Nazapa uizarra cacauadeza uati tarrari: “Uarrano taideccaza qquide occarrona, uarrano zotodeccaza qquide occarrona, rridapana naqui qquide occarrona neraha bono qqui onarraraua. Ca tarro! Pouama nauiza ua zanapona onerrerani” narrari.

Roca 2:11

—Rridapanapa tiadeni Tonassiuauade tossonaui, tamine Dabicca zamabote Bereiaza. Pouapa ia Idinide Cristo-Mesia narrari.

Huano 1:9

Ssiuarrani parrissehepe arri namiuarri bacco naronarraro. Narraro ssiuarranina madirra bazimaza torrarizarraro.

Huano 14:6

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Huano 20:31

Nazama arrirraro orrine papeoza dozo narraroza naqui —Parrissa Zesopa Cristo-Mesia, Deo Bedi −tiquenaniuarrine, onarraro. Parrissa tiquenezape ticassiuaueraniuarrine, onarraro.

Huano 4:42

Nazapa amonerreza uati toquenade: —Taidepe tettizaha “Zesopa Cristo-Mesia” inaporraro. Naraha rridapanape Zeso pocca marinarra imittezape pouaza parrissa inarraro. Tettizaha imittani orrari-rrerani. Rridapanape pocca marinarra imittezape nauatoqquiri inani: “Pouapa zama bazimacca madirra Tonassiuauade” inarraro −quenade.

Huano 5:40

Naraha tiadenipe ouaza parrissa tiquenerrerarraro. Ouaza parrissa tiquenezape camittehe rriquerreranicca ticarrimana-zanaponitouiraha −nade.

Tahimarideni 13:23

Nazama arra tamine Dabi Potemauipa Zesoparra. Narrarina ia Izarraeodeni Tonassiuauade torrauiuarrine Deo zosse inaronarrari. Pina taide Deo Poua uati tapouissa narraro.

Tahimarideni 5:31

Deopa pocca dacorehe Zesoza inanezape deni inanarrariparra. Deo Poua uinori nauatoniuarri Zeso inauittarizapa Pouarrine madirra bazimacca tamine torrarrari. Deo Pouarrine madirra Tonassiuauade torrarrariparra. Ia Izarraeodeni Tonassiuauade torrazapa pouarrine ibodi cacarriqquimerezape Deoza iquerrenarraro. “Icca uimasiri inebona” inezape Pouapa icca uimasiriza: “Ouati rrimani” narrari.

Romanodenidsa 16:26

Naraha rridapanana touatorraro. Pina Deo Atti cacomeraqquiri narrarideni dozo iquenaporrarossa, pina Deo madizanaporraricca zossenirrissa narraro Zeso Cristo tauimari zama bazimacca madirraza torrarizarraro. Narraroza parrissa quenazapa pouaza iboraqquiri nauiuarrine.

Romanodenidsa 2:7

Madirra uima bicani inanemanarrarodenizapa Deo pocca camittehe rriquerreranicca da inarizanitoui. Pouadenipa Deocca deni torrehetoui madimanarrari. Pouadeniza Deoa: —Occa erredenideni, bicaqquiri tiquenani −nauiuarrine touini quenarrari. Camittehe rriquerreranicca touini naco madimanarrari.

Romanodenidsa 3:31

Nazama Zeso Cristoza parrissa inezape Moizecca marinarrape ponima torraniuarrinequi? Ponima torra-rrerani. Zeso Cristoza parrissa inezape Moizecca marinarra inaparrirenissa tarraro.

Romanodenidsa 6:6

Arrirraro uima nauatoqquiri inarraro: Icca madie rradani naqui pina Cristo aua porimacossaniza uatiarrarissa narraro. Narraro rriquezape ia touini inanicca uaidirehe naqui rricarraro. Iaza arrimani torrezape pina ia zossedessa napoma-rrerani. Nema nezape uimasiriza imadizanapo-rreranitoui.

1 Corintodeniza 4:5

Nema narraroa ia Zozossede ccanipoma-rraraccazapa tiadenipe madirracca uima nattome tiquenerrerarri. Titessedeniza: —Tirrinedeni uaidira tani −tiquenerrerarri. Niza ia Zozossede ccanipomazana poua ssiuerreneza uima bazima auatoma-rizanitoui. Arri ia bazima ibodicca uima ecomarraro pouarrine auatoma, ibodiza touini inarrarocca auatoma narizanitoui. Nazapa bica inanarraroccaza Deopa iaza: —Tirrinedeni bica tani −nauitoui.

2 Corintodeniza 5:4

Parrissa arrirraro namiza imadiqquezape essire rricaca taniccaza imadirrarorrine orri orri izanaporraro. Ocasserehepe iaza ccanarra tarrarossa narraro. Naraha essire rrirehe imadiniuarrine touini inerrerani. Essire zatina touini inarraro. Narraro icarrizape rricaca tanicca inebonitoui. Camittehe rriquerreraniccazana imadi-zanaponitoui.

Carasiadeniza 5:4

Parrissa tibodidenipe: —Moizecca marinarrassa onaneza oua orrine Deoza occa uima parrirenissa tanitoui −tiquenezape Zeso Cristoza tiarrimanarraro. Deocca touati uanehe tettarromanarraro.

Epesodeniza 1:18

Deoza ouatti onihi naqui: —Abi Deo, pouadeni tezerremacca uima bicani bodideniza auato tinanarri −ohonanarraro. Deopa pocca madirra tiquerrenaniuarrine tiadeni uaua tabaqquirrari. Itezerremacca uima bicani iaza torraniuarrine touini imadirrarope parrissa iaza torranitoui. Narraro nauatoqquiri tiquenaniuarrine Deoza uati uati ohonanarraro. Deo Pouaza toquerrenarrarideniza pocca danirri bicani da inani nauatoqquiri tiquenaniuarrine naqui Pouaza uati uati ohonanarraro.

Epesodeniza 1:9

Deopa iaza uima bicani inananiuarrine ecauaporrarope taide auatora taporaha rridapana iaza auato inanarraro. Narraro uimape Poua touini napoza: —Occa erredeniza arrima onananitoui −napode.

2 Tesaronicadeniza 2:8

Nazana uimasiri ssebote auatomauitoui. Naraha zotodepa ia Zozossede Zeso Cristorrine rricauitoui. Zeso Cristo poua zibehinema, pocca dacorehema ccaronapomazapa poua arrariza rrappo naza inanazoqqueuitoui.

2 Timoti 1:1

Nirra Timoti? Oua Paoro tiaza occa uima dozo onarraro. Deo touininaza Zeso Cristocca zozosse orrarraro. Ouape Zeso Cristo tauimariza rrehe ineza camittehe rriquerreranicca icarrirraro tauimarini madirra mari ocanarizabaqquiuiuarrinepa Abi Deo, Poua Bedi Zeso Cristo tezerre oua zosse iquenarraro.

2 Timoti 1:8

Nazama madirra ouahadeniza ia Zozossede Zeso Cristo tauimari tecomeraza naqui comehi tina-rrereza mari ticanabaqquirizana. Arri oua toponi cocoroza ouezani tauimarini timitteza naqui ticomehi terrerana. Arri ouape Zeso Cristo tauimari mari mari onarizarrarorrine tozepe orrarrarode. Tia naqui Zeso Cristo tauimari icassiuaueraniuarrinecca tecomerarizarrarorrine ocasserehe tinauaneraha nema nehe orri terrerarri. Pina tetizeri narizana, onarraro. Deo tibodi inadacora-zanaponitoui.

2 Timoti 4:1

Rrehe Timoti, Zeso Cristo ccanipomaza tamine torrazapa madirra bazima ecauabaqquiuitoui. Nazama camittaqquiri narraridenicca uima icattema, rriquemanaporraridenicca uima icattema nauitoui. Nama nazapa Deo, Zeso Cristo tezerre ouatti nauatoto taza tia ocazosserraro:

2 Timoti 4:8

Nazama pina rrorroppade taide bacco nauarranipoza manaconi bicabote pouaza da iquenarrarissa narraro naqui Deo pocca danirri bicani ouaza da inanitoui. Narraro danirripe Deoza bicaqquiri narrarideniza torranitoui. Niza ia Zozossede Zeso Cristopa uima cattemade parrireuissa tarrari poua baccouarri idomo uezape Deo pocca danirri ouaza da inanitoui. Ouaza da inarrarope ouaza orrari-rreranitoui. Pouaza uatideni uanaqquiri narrari, poua ccaniuitouira narroremanarrarideni bazimaza da inarizanitoui.

Titodsa 2:11

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni.

Titodsa 2:13

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui.

Titodsa 3:4

Naraha arra ia Tonassiuauade Deo Pouana madirra bazimaza uati uanarride razapa pocca biquehe, pocca touati uanehe zama bazimacca madirraza auato inanarizarraroparri.

Ebreodenidsa 10:32

Tibodideni uatome-manarri. Taide Zeso Cristo tauimari timittemanapozape pouaza tiquerrenarrarorrine uima ocassera tanicca onihi onihi tiadeniza ssonari ssonari narrarode. Naraha dacoco tirrireza tinauanemana tinauanemana narrarode. —Peperriua, Deo onebona −titiquena nerrerade.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

2 Pedoro 1:11

Nezape niza zotode Deocca cacauehe rriquerreraniccaza bacco tiquenezape Deo uatizeza noccobirri nemanehe tiadeniza icanauabanitoui. Naniza rraui tirrezimezape ia Zozossede, ia Tonassiuauade Zeso Cristopa tiadeni touacauabaqqui-zanapouitoui.

2 Pedoro 1:3

Deo pocca dacoreheza ibodi acco tocanabaqquirrari, icca madie Pouaza inananiuarrine. Poua nacassa tauiccassa inananiuarrine naqui ia tonaparrire-baqquiuissa tarrari. Deo ibodi acco tocanabaqquirrarirrine Zesoza nauatoqquiri inarraro. Zesopa pocca deni torrehe, pocca biquehe icarriniuarrine ia uaua tabaqquirrari.

2 Pedoro 2:20

Zesoza rrehe quenarrarideni mota naco uaidirehecca zozosse toquerrenanipoma taui. Taide ia Zozossede, ia Tonassiuauade Zeso Cristoza tocauatterazapa arrirraro namicca uaidirehe inebomanarraro. Naraha zotode uaidireheza toquerrenanipomaza uimasirirrine rrore naqquimanazapa ponicca zozosse toquerrenanipomarrari. Madirra nama quenarraripa poccadeni madie taidecca uaidira tarrarope arrimani. Naraha zotodeccape denima uaidira tarraro.

2 Pedoro 3:18

Naraha ia Zozossede, ia Tonassiuauade Zeso Cristoza tinoccodeni torrizeranissa taniuarrinepe dameraqquiri tizanapomanarri. Pocca touati uaneheza ticcadeni madie tobica-zanaporri. Rridapana, zotode naqui pouaza etizeza: —Bica tinani! Deni tirrani! −ihizanapo nana, onarraro. Parrissa nema nana. Peperri.

2 Pedoro 3:2

Arri maittaccazama Deo Atti cacomeraqquiri narrarideni uati toquenaporraricca naqui tibodideni uatome-manarri. Arra ia Zozossede, ia Tonassiuauade Zeso Cristocca zossenirripe pocca zozosse tabaqqui ia tiadeniza ecomerarraro naqui tibodideni uatome-manarri, onarraro.

1 Zouao 1:2

Deopa narraro camittehe iaza noue inarrarode. Narraro camittehe qqui inarrarope arri ecomerarizarraroparri. Tiadeniza naqui narraro camittehe rriquerreranicca tauimarini uati inarraroparri. Narraro camittehepe Abi Deoza aniporraro. Narraro iaza auatorrarode.

1 Zouao 4:14

Arra Zeso inoccoza qqui inarrari tauimari irrine auato taniuarrine inaza poua tauimari uati uati inarraroparri: Abi Deopa pocca Erredeni zosse inaronarrari, zama bazimacca madirra Tonassiuauade torrauiuarrine.

Apocalipsis 18:1

Uima qqui onaporraro rriquezape Deocca zozosse ouaha memeuarri ccaronaui qqui onarrari. Zossehe dacoranicca carrirrari. Poua zibehinerrinepe nami bazima tossiuarrabaqquirraro.

Apocalipsis 2:7

—Deo Corimepa otauimariza quequeriqquimana narrarideniza uati uati tarrari. Arri bazima titiqueriqquiriza naniuarri teribodeni ticarrimanezape Poua Atti timittemananissa tarri, onarraro. Arri occa dacorehema timadimaneza ouaza rrehe tiquenarraro tinebomane-rrerezape niza Deocca zama bicaniuarri aua bono camittehecca tirripemananiuarrine tiadeniza da onarizauitohui −nade Zeso.

Apocalipsis 20:14

Madirra pouadeni oni camittehe carrimana-zanapouiuarrinecca papeoza nouerazapa coriza rrororo cananiza ua tozipparrari. Zoqquehe coriza imeni rrororo cananiuarri coro tozipparraro. Zoqquehecca cacauehe naqui coro tozipparraro. Narraro coriza imeni rrororo canarrarocca uimape zoqquehe zotodecca.

Apocalipsis 22:14

Nazapa madirra pina poccadeni etero ssaua quenarrarossa naza bodideni touissorizazapa Deo pocca biquehe pouadeniza inanarizanitoui. Narraridenipa aua bono camittehecca rripemanaui bica taui. Deocca oza pananicca totoqquezimaza rraui torrezimaui naco bica taui.

Apocalipsis 22:17

—Nirra, ticcarronarri −quenaui Deo Corime, Eueue Bedicca amonerre tazarrani. (Narraro amonerrecca uimape Zeso Cristoza ihiqueriqqui narrarocca uima.) Madirra arrirraro uima mittemanarrarideni naco: —Rrehe, ticcarronarri −quenana. Passotoui bacco rrocorrari zede touini nazapa ccarronana, passo camittehecca manaconi rrirehe ze nauiuarrine.