1 Zouao 4:4 - Kulina New Testament Brazil

⁴ Ouimecotedeni, occa erredenissa tiquenarraro. Tiadenipe Deocca tiquerrenarrarorrine mamaizadedeniza deni tiquerrenani. Arra tiadeniza Deo madirrarina dacorarrari. Arrirraro zamacca madirrapa arramani toquerrenaui.

Culina Mádija

⁴ Ohuemecotedeni, occa ejedenissa tiquinajaro. Tiadenipi Diocca tiquejenajarojine mamaidsadedenidsa deni tiquejenani. Aja tiadenidsa Dio madijarina dacorajari. Ajijaro dsamacca madijapa ajamani toquejenahi.

1 Zouao 4:4 Iomraidhean Croise

Huano 12:31

Arrirraro zamacca uima uaidira tezape Deo izaua-baqquiuitoui. Narrizoue naqui narroranitoui. Arrirraro zamacca uaidirehe zozossede Tocorime-Taminepa uauattarro torrauitoui.

Huano 14:30

Naraha ouape occa uima denima tiadeniza uati ozanapo-rrerana. Arrirraro zamacca zozossede Tocorime-Taminepa bacco nabote naui. Naraha pocca dacorehepe ouaza deni torra-rrerani.

Huano 16:11

Uima onihi: Deo uauattarro inanabaqquiza nanarrizo toquerrenauiuarrine auato inanarrarope taide arrirraro zamacca zozossede Tocorime-Tamine Deorrine uauattarro torraporrariparra −nade Zeso.

Huano 17:23

Ouape pouadeniza, Tiape ouaza inarraro. Naui pouadenipa orrariqquimanauissa tauiuarrine. Nazapa arrirraro zamacca madirra nauatoqquiri nauiuarrine ticca zossenirri occarronarrarode. Arrirraro uima naqui nauatoqquiri nauiuarrine: Tiape parrissa quenarrarideniza teti uana tarraro. Pina ouaza teti uana tarrarossa narraro.

Romanodenidsa 8:31

Arrirraro uima imittezape: —Rrehe, uima bicani icarrini −inarraro. Deo iaza nacassa tazapa arra madirra iaza nacasseraqquiri narraridenicca uimape ponima torrarraro.

Romanodenidsa 8:37

Narraro ocasserehe onihi onihi narizarraro bazima iaza ssonariraha Cristo iaza uati cauanari canazapa iana deni iquerrenarraro.

1 Corintodeniza 2:12

Nazama arri iaza da inarrarope arrirraro zamacca rrerani. Deo Poua Corimena iaza da inarraro. Pouapa iaza bica taza Poua Corime ia acco canarrari, Deo pocca uima bicani iaza inanarraro imittaniuarrine.

1 Corintodeniza 6:13

Nazama madirra attideni onihi naqui arrima narraro: —Izone bazinipe zamatapauarrine, zamatapapa izone bazinicca −quequenanarrari. Naraha niza Deorrine narraro pamehepe rricanitoui. Naraha essirepe parrissa uananeheuarrine rrerani. Essirepe ia Zozossedecca. Ia Zozossedepa essirecca.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

2 Corintodeniza 6:16

Ia Deoza rrehe inarraro essirepe Deo camitta tarraricca mamadi iquerrenarraro. Nema inezape madirracca deo pouamaccaza iquerrenaniuarrine ssamo tani. Arrana Deo Poua Attipa: —Ouape pouadeniza omadinitoui; pouadeniza naqui occarizanitoui. Ouape pouadeni Cacauade Deo orranitoui Pouadeni naco occa madirra toquerrenauitoui −napoui nade.

Epesodeniza 2:2

Ticcadeni madie pina Deoza toquerrenarrararraridenissa tiquenarrarode. Arrirraro namicca uimatoui dameraqquiri tiquenezape Deoza uauadide Tocorime-Tamine attizana iboraqquiri tiquenarrarode. Narraripa arra qqui inabaqqui-rrararrarideni zossede torrarrariparra. Pouapa Deoza iboqquiri narrarideniza naco zosse zosse narrari.

Epesodeniza 3:17

Zeso Cristoza parrissa tiquenaza tibodideniza madiuiuarrine Deoza uati uati onarraro. Deocca touati uanehema timadimananiuarrine naqui Pouaza uatide damera onarraro. Pina aua rrabo nami bodiuarri toqquezimarrarissa tiquenarri. Tirrabodeni Deocca touati uaneheza denima toqquezima-zanapozape Deoza tetideni uana taniuarrine, timecotedeniza naqui tetideni uana taniuarrine.

Epesodeniza 6:10

Ouimecotedeni, rridapanape occa marinarra rricanicca tiadeniza dozo onarraro. Ia Zozossede Deopa dacorarrari. Pocca dacorehepe deni torranicca. Narraro pocca dacorehema dacoco tirrirarri.

1 Zouao 2:1

Ouimecotedeni, tiadenipe occa erredenissa tiquenarraro. Arrirraro uima tiadeniza dozo onarraro, uimasiri tinanemana-rreraniuarrine oneza. Naraha uimasiri tinanemana tani. Uimasiri tinanemanezape ticcadeni uima cacattemadepa Abiuarri aniui. Narraripa Zeso Cristo. Pouapa uimari parrirenissa tarraro.

1 Zouao 2:13

Rradauideni, tiadeniza naqui dozo onarraro. Arra Deo zama inauatopo-rreraccazama madirraripa Zeso pouaza tinoccodeni rrizeraqquiri nani. Zabissodeni, zouatodeni, tiadeniza naqui dozo onarraro. Deo Atti tibodideniza anirraro. Dacoraqquiri tiquenani. Arra Deoza uauadide Tocorime-Taminepa arramani tinanemanarrari. Tiadenina deni tiquerrenarraro. Rrehe ouimecotedeni, tiadeni bazima Abi Deoza nauatoqquiri tiquenani. Narraroa arri tiadeniza occa uima dozo onarraroparri.

1 Zouao 3:20

Ibodipe iaza: —Uimasiri ticarrinina−tani. Naraha icappine-rrerana. Ibodipe arrimani, Deona deni torraui. Deopa uima bazima nauato tarrari. Ibodicca uima naco nauato tarrari.

1 Zouao 3:24

Pocca zossenirriza iboraqquiri inezape pouaza imadirraro. Poua naco iaza madirrariparra. Arra Poua Corime iaza da inarizarraripa narrarirrine Deo iaza madiui nauatoqquiri inarraroparri.

1 Zouao 4:13

Nazama Deo Poua Corime iaza da inarrarorrine Deo iaza madiui nauato, manaco Deoza imadini nauato inarraroparri.

1 Zouao 4:16

Deopa iaza uati cauanari canaui nauatoqquiri inarraro. Narraroza parrissa inarraro. Deopa touati uanehe rrinede. Touati uanehema imadirrarope Deoza imadirraro. Deo naco iaza madirizarrari.

1 Zouao 4:6

Naraha iape Deocca iquerrenarraro. Madirra Deoza nocco rrizera tarraripa icca marinarra mittarrari. Naraha Deocca rrararraripa icca marinarra mitta-rrararrari. Nama nazapa iaza auato tarrari: Arra icca marinarra mittarraripa poua bodiza parrissehe carrirrarirrine parrissehera uati uati tarrari. Naraha icca marinarra mitta-rrararraripa poua bodiza maizehe dacorarrarorrine maizehera uati uati tarrari.

1 Zouao 5:19

Nazama iape Deocca erredeni iquerrenerre narraro ibodi nauatoqquiri inarraro. Naraha zama nemanehecca madirra motapa Deoza uauadide Tocorime-Tamine attizara iboraqquiri narrari.

1 Zouao 5:4

Deocca erredeni iquerrenezape iana deni iquerrenarraro. Arrirraro zamacca uimape arrimani torrani. Zeso Cristoza rrehe inanissa tezape iana deni iquerrenarraro.

Apocalipsis 12:11

Imecotedenipa deni toquerrenarrari. Tocorime-Taminepa arramani torraui. Eueue Bedi Zeso zoqqueza emene toccarrarirrine, poua tauimari ecomerarize-manarrarorrine naco deni toquerrenarrariparra. Pouadenipa zoqquehe noppineni cappinemana-rrararrari. “Izoqqueza naqui bica tani. Deo inebo-rrarauitoui” quequenanarrari.