Biblia Todo Logo
Bìoball air-loidhne

- Sanasan -




1 Zouao 3:3 - Kulina New Testament Brazil

3 Nazama arra madirra attideni: —Zeso auatoni-pomazapa pina pouassa inanitoui −quequenanarraripa pouadeni cacauemanauissa tarrari, bodideni uissoqquiri nauiuarrine. Pina Zeso poua uimasiri cappira, bodi uisso tarrarissa quenauiuarrine.

Faic an caibideil Dèan lethbhreac

Culina Mádija

3 Nadsama aja madija attideni: —Jeso ahuatoni-pomadsapa pina pohuassa inanitohui −quiquinanajaripa pohuadeni cacahuamanahissa tajari, bodideni huireqquiri nahijine. Pina Jeso pohua imasiri cappira, bodi huire tajarissa quinahijine.

Faic an caibideil Dèan lethbhreac




1 Zouao 3:3
21 Iomraidhean Croise  

Ticcadeni Abi Deo memeuarri madirraripa pocca touati uanehe parrirenissa tarraro. Tiadeni naqui tinaparriremananissa tarri, pina ticcadeni Abi Deocca touati uanehessa tinanemanana, onarraro −nade Zeso.


Nazama tiadeni naqui pina ticcadeni Abi Deorrinessa tinanemanana. Abi Deopa touati uanehe, acco canehema madirraza uati uana tarrari, tiadeni naqui madirra bazimaza tetideni uanaqquiri neza pouadeni acco acco titicanabaqquimana nana, onarraro −narrari Zeso.


Occa madie nemanehe Tiaza accora onarraro. Arra occa mamari tabaqquideni naco pina ouassa quenauiuarrine poccadeni madie nemanehe Tiaza accoraqquiri nauiuarrine damera onarraro. Ticca parrissehezara madimana-zanapouiuarrine −nade Zeso.


Deopa pina iaza inanarrarossa narraro pouadeniza naqui nema inanarraro. Arra Pouarrine Zesoza parrissa quenazapa pouadeni bodi inauisso-baqquirrari.


Deo Atti onihi Izaiarrine dozo narraro naqui: —Nizaranibote Zese-Izahi potemaui tamine deni torrauicca torrauitoui. Zodeo querrena-rrararrarideni ecauabaqquiuitoui. “Pouarrine itezerremacca uima bicani torranitoui” quenauiuarrine −napoui nade Izaia.


Ouimecotedeni, tiadeniza ouati uana tani. Deo pocca madirraza uati taporraricca rridapana arri iaza bacco narraroparri. Nema nezape ibodi uisso tehe imadina. Essire inauaidira-rreraniuarrine ia ecauana. Pina issicari-rreraniuarrine soue taniza iccariuarrarrarossa inana. Deo noppine icappineza imadinissa zanapona. Ibodi uisso, ssiuarra tehe imadi-zanaponiuarrine Pouazara damamera inana.


Nema tiquenarrarope itezerremacca uima bicani iaza torranitoui nauatoqquiri tiquenarraro. Arri: —Iape memeuarri imadinitoui −tiquenarrarorrinea Deocca toquerrenarrarideniza tetideni uanaqquiri narraroparri. Parrissehecca uima arri Zeso Cristo tauimari icassiuaueraniuarrinecca tiadeni mari tocanabaqquipozama Zeso Cristopa memeuarri pocca madirraza uima bicani inanarrorarraro timittemanarraroparri. Nezape narraro uimatoui timadimanarraro.


Nazama arra ia Zozossede Zeso Cristo, Abi Deo tezerre iaza uatideni uanana tarrari. Pouadeni pamaha bicaqquiri naza ibodi acco acco totocanabaqquimana zanaporrariparra. Pouadenirrine itezerremacca uima bicani iaza torraniuarrine nauatoqquiri inehe imadirraroparri.


Deo nama narraripa iaza uati cauanari canarrarirrine. Iape bicaqquiri inerreraraha icca uimasiri manaconi iaza torra-rreraniuarrine ia todinibaqquirrari. Nazama arri pocca camittehe rriquerreranicca touini imadirrarope iaza inanarrorarraroparri.


Madirra bazimaza rroneqquiri tiquenehe timadimananiuarrine dameraqquiri tiquenarri. Tibodideni uisso teza, uimasiri rrirehe timadimananiuarrine naqui dameraqquiri tiquenarri. Tibodideni uisso terrerezape ia Zozossede Deo qqui tiquena-rrarauitoui.


Rrehe, Deo iaza uati tazapa: —Tiadeniza arrima onananitoui −nazapa pocca uatinarra cacarriqquimeraniuarrine ssamo tani. Poua Atti: —Oua onima uati onarraro, omaize-rrerani −naza naco cacarriqquimeraniuarrine ssamo tani. Deopa maizera taui. Pouana ia touacaua-baqquiuiuarrine touini inezape Pouaza iquerrenarraro. Parrissehera uati tarraricca uima imittezape etizerraro. Poua uati taporraricca iaza parrissa torraniuarrine touini imadirraro.


Nazapa Zeso pouana icca danirri Deoza dada toqquimade, icca uima Deoza uauati toqquimade deni torrauicca iaza parrireuissa tarrari. Pouapa uima bicanira carrirrari. Pouaza uima nouerarraro. Uimasiri cappirauissa tarrari. Pouapa uimasiri carrimanarrarideniza carrimaraha. Imehi Deo pouara inanarrari. Idimacossaniza deni inanarrari. Nazapa memeuarri madimanarrarideni bazimaza deni torrarrari. Ouaha pina pouassa narrari noueraui.


Deo Pouaza uarriraqquiri tiquenarri. Manaco Deopa tiadeniza uarrira tauitoui. Ticcadeni uimasiri tinebomanarri. Pina tizepedeni ssaua tiquenarrarossa tiquenarri. Ticcadeni uimape pamarraro: Deoza tetideni uanaqquiri, arrirraro namicca uimaza tetideni uanaqquiri narrarope bica terrerani. Tibodidenicca uima tinauissomananiuarrinepe arrirraro namicca uima tinebomaneza Deotouira tetideni uanaqquiri narri.


Deopa pocca madirra tiquerrenaniuarrine tiadeni tocatterrizabaqquirrari. Pouapa uimasiri ssamo tarra narrari. Poua bodipa ssiuarra uisso tarrari. Nema nezape tiadeni naqui tibodideni ssiuarra uisso teza uimasiri rrirehe timadimanarri.


Deopa ia Zozossede Zeso Cristocca Abi. Pouaza etizeza ettipe: —Abi Deo bica tinani, deni tirrani! −inana, onarraro. Pouapa itoui uati cauanari canaza Pouarrine ibodi zati torrarraro. Pina issonapomarrarossa inarraro. Zeso Cristo zoqqueza nauatonirrarirrine ettipe: —Ia naqui izoqqueraha inauatoniza imadipomanitouiua −inarraro.


Deopa pocca dacorehema Poua uati taporraricca uima bicani iaza da inarraro. Narraro pocca danirripe deni torranicca, bica tani. Narraro iaza torrarrarope pina Deo Pouassa inaniuarrine, arrirraro namicca uaidirehe touini inarraroccaza naqui zori icanireniuarrine.


Ouimecotedeni, titouideni ouati uana tani. Narraro uima bazima torranitoui timadimanaqquezape Deocca rroneheza timadimana, uimasiri rrirehe timadimana naniuarrine dameraqquiri tiquenarri. Nezape Deo baccouarri tidomo ueza bicaqquiri, uissoqquiri tiquenehe tiadeni qqui tabaqquiuiuarrine.


Madirra attipa: —Deocca orrani −nazapa pocca madie pina Zesocca madiessa nazana bica tani.


Parrissa imecotedeniza eti uana tezape arrirraro uima nauatoqquiri inaporraro: Niza madirra bazimacca uima cattemaniuarrinecca uada bacco tezape Deo pocca querrena-rrararrarideniza narrizoue inassonarinitoui. Naraha iape icappina-rreranitoui. Nema inarrarope pina Zeso Cristo arrirraro namiza madizassa inarraro.


Lean sinn:

Sanasan


Sanasan