1 Zouao 3:2 - Kulina New Testament Brazil

² Ouimecotedeni, titouideni ouati uana tani. Rridapanape Deocca erredeni iquerrenani. Naraha itezerremacca uima denimape ssamoqquiri inaccani. —Iape pina nerrecossa inapazerre? −ineraha narraro uimape iaza auato terreraccani. Naraha arrirraro uimana nauatoqquiri inarraro: Niza Zeso Cristo iaza auatoni-pomaza poua qqui inauissa tazapa iape pina pouassa inanitoui.

Culina Mádija

² Ohuemecotedeni, titohuideni ohuati huana tani. Jidapapi Diocca ejedeni iquejenani. Naraha itedsejemacca ima denimapi ssamoqquiri inaccani. —¿Iapi pina nejecossa inapadseje? −inaraha najaro imapi iadsa ahuato tejeraccani. Naraha ajijaro imana nahatoqquiri inajaro: Nidsa Jesocristo iadsa ahuatoni-pomadsa pohua qqui inahissa tadsapa iapi pina pohuassa inanitohui.

1 Zouao 3:2 Iomraidhean Croise

Mateo 5:8

—Tibodideniza Deotouira tiquenezape ticcadeni uima carrima-rrerezape Deopa tibodideniza uatizeheri inanarraro. Rridapanapa Deo tiadeniza torrizerarrari. Niza memeuarripa Deo Poua qqui tiquenauitoui.

Roca 17:30

Rrehe, ouape Madirra Bedi orrarraroa occaronapomanicca uada naqui narrarossa nanitoui. Pina Noe madipozassa, pina Ro madipozassa narraro. Niza zotode arrirraro namiza rrizera onanipomeza madirra mota otoui narroremana-rrararraridenipa rricauitoui −narrari Zeso.

Roca 20:36

Nazapa pouadenipa zoqquemanapoma-rrarauitoui. Pina Deocca zozosse tabaqqui memeuarriccassa quenauitoui. Deocca nauatonihe carrimanazapa Deocca erredeni toquerrenarrari.

Huano 1:12

Naraha madirra Zesoza parrissa naza: —Zeso ouaza torrana −nazapa narrarizana Deo uati uati tarrari: —Occa erredeni tirrarraro bica tani −nanarra narrari.

Huano 11:52

Naraha Zesopa zodeodeni pouadeni motta manaconedeni torrauiuarrine rraraui. Bazima Deocca madirra madirizemanarrarideni manaconedeni naco torrauiuarrine. Nezape Deocca erredeni madirizemanarrarideni irrariqquinissa taniuarrine.

Huano 17:24

—Nazama Abi, ouaza tinanabaqquirraripa occarizaniuarri ouaza rrauirizauiuarrine, ticca danirri occa deni torrehe qqui toquenauiuarrine oneza. Narraro deni torrehepe zama inauato-rreraccazama Tiape ouaza teti uana teza ouaza da tarrarode.

Romanodenidsa 8:16

Deo Corimerrinena ibodiza uima auato tarraro: Parrissa Deocca erredeni iquerrenarraro.

Romanodenidsa 8:18

Oua obodi uatozape arrirraro namiza imadiza ocasserani eraha narrarope rricaca tani. Niza memeuarrina Deocca deni torrehe Poua zibehinema qqui inauitoui. Pocca deni torrehe iaza torranitoui. Narrarona iaza denima bica tarraro.

Romanodenidsa 8:19

Deo inauatorizarrari bazimaza Deocca erredeni iquerrenarraro auatoqquiri inaniuarrine ia qquidepa narroremanaui. Pocca nauatonarra bazimapa narraro qquide toui inacomemanarrari.

Romanodenidsa 8:29

Deopa narrarideniza taide nauato taporrari: —Pouadenipa pina occa erredenissa onanabaqquiuitoui −naporrari. Narraria arra Deo Poua Bedipa imecotedeni bazimacca ato torrarrariparra.

1 Corintodeniza 13:12

Rridapanape Deocca uima nemanehe imittanissa terreraccani. Pina ssonobaza icorime qqui inarrarossa narraro. Zizi tezape ssonobaza icorime qqui ineraha qqui inanissa terrerani. Naraha niza zotodena Deocca uima nemanehe qqui inanissa tanitoui. Cristo poua pano, assirema qqui inauitoui. Rridapanape Deocca uima motara nauato onarraro. Oparrirenissa terrerani. Niza zotodena pocca uima bazima nauato onanissa tanitoui. Pina Poua ouaza nocco rrizera tarrarissa nanitoui.

1 Corintodeniza 15:49

Rridapanape pina madirra nami nauatorrarissa inarraro. Niza zotodena pina Cristo memeuarri madirrarissa inanitoui.

1 Corintodeniza 2:9

Naraha arri Deo Atti dozo naporrarozape arrima narraro: —Deo inanarroraporrarope pina arra qqui toquenapo-rrararraricca, mittemanapo-rrararraricca, bodideni uatouiuarrine ssamoqquiri naporraricca narraro uima bicani bazima Pouaza uatideni uanaqquiri narrarideniza inanarroraporraro −nani nade Deo Atti dozo naniza.

2 Corintodeniza 3:18

Narrarorrinea iape pina Moize poua pano oza narrarissa inerrerarraro. Ia bazimape pina pipirissa ineza. Deocca biquehe, pocca deni torrehe auato inanarizarraroparri. Ia Zozossede Deorrine icca madie tobicazanaporraro, pina pouassa inaniuarrine. Deo Corime iaza madizapa ia acco tocanabaqqui-zanaporrari.

2 Corintodeniza 4:17

Arrirraro namiza ocasserani errarope bazira tani, rricaca tani. Naraha narrarorrine Deocca biquehe, pocca deni torrehe rricaquera tanicca denima denima iaza torrazanaponitoui.

Carasiadeniza 3:26

Zeso Cristoza rrehe tiquenezape Deo pocca erredeni tiquerrenarraro.

Carasiadeniza 4:6

Nazama Deo pocca erredeni iquerreneza naqui Poua Bedi Corime iaza madiuiuarrine ibodiza zosse izimarraride. Narrarirrinena ettipe: —Parrissa, Tiape icca Abi Deo −inarraro.

Piripodeniza 3:21

Niza Zeso Cristo ccanipomazapa pouarrine ime cacarriqquimeranitoui. Arri essirepe rrazizi tani, uimasiri icarrirre narraro. Naraha niza inauatonizape essire rrazizira tanicca icarrinitoui. Pina Zeso Cristo memeuarri poua assire bicabote carrirrarissa narraro icarrinitoui. Zeso Cristopa dacorehe carrirrari. Narraro pocca dacoreherrine namiuarricca, memeuarricca bazima zossede torrarrari. Narraro pocca dacoreheza essire cacarriqquimeranitoui.

Corosadeniza 3:4

Ticcadeni camittehe zati rrinedepa Cristo pouana parra. Niza poua ccanipomazapa poua zibehinema, pocca deni torrehema ccaniuitoui. Tiadeni naqui pouaza rrizera tanimanapomanitoui. Nezape pocca deni torrehe tiadeniza torrarrarope auato tanitoui.

Ebreodenidsa 9:28

Zeso Cristo naco zoqqueui orrarirrari. Uimasiri manaconi poua ccaccorarrari. Pouarrine icca uimasiri rricarizarrarodenipe uapi inani. Niza ccanipomazapa icca uimasiri manaconi zoqquepoma-rrarauitoui. Pouatoui imadirraro ia tonassiuauabaqquiuiuarrinena ccanipomauitoui.

2 Pedoro 1:4

Deopa pocca dacorehema Poua uati taporraricca uima bicani iaza da inarraro. Narraro pocca danirripe deni torranicca, bica tani. Narraro iaza torrarrarope pina Deo Pouassa inaniuarrine, arrirraro namicca uaidirehe touini inarraroccaza naqui zori icanireniuarrine.

1 Zouao 2:28

Ouimecotedeni, occa erredenissa tiquenarraro. Rridapanape Zeso Cristo pouaza timadimananissa zanaporri. Nani niza Zeso poua ccaronapomaza tibodideni cappine-rreraniuarrine. Poua qqui tiquenaza comehiqquiri tiquenerreraniuarrine.

1 Zouao 2:7

Ouimecotedeni, titouideni ouati uana tani. Deocca zossenirri tiadeniza dozo onarrarope zati rrerani. Arri taide timittemanaporrarocca tiadeniza dozo onapomarraro. Pocca zossenirri aniporrarope: —Timecotedeniza tetideni uanaqquiri narri −narraro anirronarrarope timittemanani parri naccani.

1 Zouao 3:1

Qqui! Abi Deopa itoui uati cauanari canarrarirrine madirra iaza: —Deocca erredeni −quequenanarrari. Nezape parrissa pocca erredeni iquerrenarraro. Naraha arrirraro zamacca madirra bazimapa Deoza noccodeni rrizaqquiri naporra narraria iaza naco noccodeni rrizaqquiri narrariparra.

1 Zouao 3:10

—Nerrecorraridenina Deocca erredenideni? Nerrecorraridenina Deoza uauadide Tocorime-Taminecca erredenideni? −titiquena naraha nauatoqquiri tiquenaniuarrinepe arrima narrarona parri: Madirra uima bicani ihinanemana nerrerarrarodenipa Deocca erredeni querrena-rrararrari. Madirra pouadeni imecotedeniza uatideni uaneraqquiri narrarideni naco Deocca erredeni querrena-rrararrari. Narraridenina Deoza uauadide Tocorime-Taminecca erredeni querrenarrari.

1 Zouao 3:21

Ouimecotedeni, titouideni ouati uana tani. Ibodipe iaza: —Uimasiri ticarrini −inerrerezape Deoza icappina-rrerarraroparri.

1 Zouao 5:1

Ettipe: —Zesopa parrissa ia Idinide Cristo-Mesia −inezape Deocca erredeni iquerrenarraroparri. Iape imehiza eti uanaqquiri nezape pocca erredenideniza naqui eti uanaqquiri narraroparri.

Apocalipsis 2:28

Naraha cacauehe narrarossa narraro tiadeniza naqui onanarizezape zama bazima tecauarize-mananitoui. Tiadeniza uima onihi bica tanicca naqui onanarizanitoui. Madirra bazima ticcadeni deni torrehe qqui toquenauitoui. Pina ssiuarrarronanicca amoua ssiuerrene dacorarrarissa tiquenanitoui.

Apocalipsis 22:4

Deo Poua assire qqui quenauitoui. Poua oni pocca zozosse bazima uassarideniza dozo narizanitoui. Narraro uimape Deo Poua pocca toquerrenarrari.