1 Zouao 2:1 - Kulina New Testament Brazil

¹ Ouimecotedeni, tiadenipe occa erredenissa tiquenarraro. Arrirraro uima tiadeniza dozo onarraro, uimasiri tinanemana-rreraniuarrine oneza. Naraha uimasiri tinanemana tani. Uimasiri tinanemanezape ticcadeni uima cacattemadepa Abiuarri aniui. Narraripa Zeso Cristo. Pouapa uimari parrirenissa tarraro.

Culina Mádija

¹ Ohuemecotedeni, tiadenipi occa ejedenissa tiquinajaro. Ajijaro ima tiadenidsa dsodo onajaro, imasiri tinanamana-jeranijine onadsa. Naraha imasiri tinanamana tani. Imasiri tinanamanadsapi ticcadeni ima cacattemadepa Abihuaji anihi. Najaripa Jesocristo. Pohuapa imari pajiranissa tajaro.

1 Zouao 2:1 Iomraidhean Croise

Roca 10:22

Nazapa pocca mamari tabaqquiza uati tapomarrari: —Occa Abipa ouaza pocca nauatoue bazima inanarizarraro. Occa Abina poua motta ouaza nauato taui orrari narrari. Occa Abipa nazama Poua orrari naha ouaza nauato taha nama narronarrari. Ouape Abi Deocca Erredeni orrani. Oua naqui nezama. Oua orrari onehe Pouaza nauato onehe nema onarronarraro. Nazama oua Deo Bedi orrezape madirradeni ouaza toquerrenarraripa pouadeniza nacassa onezape orrine pouadenipa Deo Pouaza noccodeni torrizerauitoui −narrari Zeso.

Huano 13:33

Occa erredenideni, rridapanape tiadeniza omadiniuarrine uada uapi terrerani. Oua noue orrirezape tiadenipe otoui qqui tarizemananitoui. Narrarope maitta taide zodeodenicca taminedeniza uati onarrarossa narraro tiadeniza uati onarraro. Oua occaniuarripe rraui tirraniuarrine ssamoqquiri tiquenani.

Huano 14:16

Nazama ouape Abiza uati onanitoui. Naui tiadeni Acco Canade ouaha zosse inaronauiuarrine. Narraripa Poua Corime Parrissehe Maride tiadeniza madiuiparra nauiuarrine.

Huano 14:6

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Huano 21:5

Naraha Zeso iaza uaua nade: —Zabissodeni aba ticarrimanaco? −nade. Naraha: —Aba noueraui −inade.

Huano 5:14

Zotodena Zeso poua inanomirraripa Deoza dada toqquimauarri bacco inarrari. Nauizana pouaza uati tarraride: —Rridapanape tinomizama uimasiri tinanapoma-rrerana. Uimasiri tinanapomezape denima ocasserehe tiaza ssonarinitoui −narraride Zeso poua inanomirrariza.

Huano 5:36

Nazama Zouao Batistacca uatinarrape arrimani. Occa nauatouena deni torrarraro. Occa nauatouepe occa Abicca zossenirri. Narraro nauatouerrinena uima auato tarraro: Parrissa occa Abi oua cazosserrari.

Huano 6:27

—Naraha tiadenipe ticcadeni rrirripa rricaca tauicca touira tibodideni uato-rrerarri, onarraro. Rrirripa rricaquera tauicca touira tibodideni uatomemanarri −nade. —Ouape Madirra Bedi orrarraroa rrirripa rricaquera tauiccara tiadeniza da onarizauiuarrine, onarraro. Nazama narraro cacauehepe occa Abi Deo ouaza da ineza occarronarraro −nade Zeso.

Huano 8:11

Neraha Zesoza uati tade: —Oua Zozossede, noueraparra −nade. Naraha Zeso poniza uati tapomade: —Rrehe, oua naqui tizoqquerri onerrerani. Nazama ticcanina. Rridapanape maqquiderre ouaha narra terrerana. Uimasiri tinanapoma terrerana −nade Zeso.

Tahimarideni 7:52

Arra ticcadeni idideni Deo Atti cacomeraqquiri narrarideni ihinarrizobaqquimana narrarattaco? Ihinarrizo-baqquimana narrari. Ihinarrica-baqquimana narrari naco. Deo Atti cacomeraqquiri narraridenipa Deo Attira uati toquenarra narronapoui. Narraria arra madirra Tonassiuauade Bicabote ccarronauitoui quequenanarrariparra. Narraria Mesia quequenanarraripa pocca uima borocco, Deoza ibora tarrariparra. Nazama narraro uimape parrissa torrarraroa arra Mesia ccarronarrariparrade. Narraria ccarronezatiraha Poua Attiza rrehe tiquenerrereza zoqqueuiuarrine teccoremanazapa tinanazoqquemanarrariparrade.

Romanodenidsa 5:10

Taide uimasiri icarrie imadipozape Deo tezerre icauadirehe imadipoccade. Nema inaza imadiporaha Deo Poua Bedi icca uimasiri manaconi zoqquezana Deo Poua tezerre icarronerarraroparri. Rridapanapa Cristo nauatonia camitta taha madizapa ia tonassiuauabaqquiuitoui, inarraro.

Romanodenidsa 6:15

Rridapanape Moizecca marinarraza imadi-rrerani. Deocca touati uanehezana imadirraro. Nema ineraha uimasiri inanani bica taqui? Bica terrerani. Poni! Nema inerrerana.

Romanodenidsa 8:34

Nerrecorrarina Deo icatterriza-baqquirrarideniza: —Narrizoueuarri ocasserani auemanauitoui −nauiuarrine parrirerrari? Ssamo taui. Zeso Cristopa itoui parrissa zoqquerrari. Narrarina parrissa nauatonirrari. Toccamacossanizapa Imehi Deo uinori nauatoniuarri uittarirrari. Nauiuarri uittariza Imehiza uati uati nanarra narrari, ia touacaua-baqquiuiuarrine.

1 Corintodeniza 15:34

Tibodideni uatome-mananissa tarri. Ticcadeni uimasiri naqui tinebomanarri. Deoza ssamoqquiri narrarideni tiadeniza animanaui. Narraridenirrine ticomehimana-rreraqui? onarraro.

2 Corintodeniza 5:21

Cristopa uimasiri inana-rrereraha icca uimasirirrinena Cristopa uimasiri ponissa naza Deocca uadie pouaza ssonarirraro. Deo nama narraria ia Cristoza irrariqquirraro icca uima Pouaza parrirenissa taniuarrine.

Carasiadeniza 4:19

A, otessedeni, tiadenipe occa erredenissa tiquenani. Ticcadeni uima ouaza ocassera tezape pina amonerre poni bedi tossonauiuarrine comene auarrarossa onarraro. Tiadenipe Zeso Cristo pouassa tiquenaniuarrine bacco tiquenerrerezape ouaza ocassera-zanapoccanitoui.

Epesodeniza 2:18

Zeso Cristo pouarrine ia zodeodeni, zodeo tiquerrena-rrerarrarodeni bazima pouaza parrissa inezape Abi Deoza iarriraniuarrine iparrireni. Poua Corime ia bazimaza anirraripa orrarirrari. Narraripa ia acco tocanabaqquiza Deoza uati inezape Pouaza ia tonauarrira-baqquirrari.

Epesodeniza 4:26

Tedimanezape uimasiri tinanemanarrerarri. Tedimaneraha narraro uadaza tetideni ssonani bica tani.

1 Timoti 2:5

Deopa orrarirrari. Pina pouassa narrari ouaha noueraui. Icca uima Pouaza tobicaniuarrinepe icca uima tonanabicade madirra orraria aniui. Madirra ouaha pina pouassa narrari noueraui. Narraria arra Zeso Cristoparra.

1 Timoti 3:14

Rrehe Timoti, nani tia qquide occabote nani oneraha taidepe ouattira tiaza dozo onaporraro.

Ebreodenidsa 9:24

Zeso Cristopa arri namiuarricca —Deo aniuiuarri bica tanicca −quequenanarrariza toqquezima-rrararrari. Narrarope madirra icanauatomanarraro. Deo tazari parrissehecca corimanira. Pouapa memeuarri parrissa Deo madiuiuarrina toqquezimarrari, nauiza icca uima Imehiza uati tazapa Imehi: —Peperriua, ouati rrimani −nauiuarrine.

Satiacocca 1:27

Naraha madirra Deoza rrehe nauissa tarraripa arrirraro zamacca uimasiriza carrima-rrararrari. Erredeni meze toquerrenarrari, amonerre tobaccopero ocasserani auemanezape acco canade nacassa tarrari. Madirra nama narraripa icca Abi Deoza bica tarrari.

Satiacocca 3:9

Ebenoza ia Zozossede Abi Deoza etizezape: —Bica tinani −inarraro. Naraha Deo pina Pouassa naha madirra inauatobaqquirrarideniza uadi inezape: —Uaidiraqquiri tiquenani −ina tani.

1 Pedoro 2:22

Pouapa uimasiri inana-rrerani. Nouerarraro! Madirradeni icamaizabaqqui-rrararrari. Nouerauissa tarrari!

1 Pedoro 3:18

Zeso Cristopa icca uimasiri manaconi ocasserani auaza zoqquerrari. Zoqqueui orrariraha pouarrine uimasiri manaconi parrirenissa tehe nema zanaponitoui. Pouapa uimasiri cappiraraha uimasiri inanemanarrarodenitoui ocasserani auarrari. Nama narraripa Deoza ia bacco inaniuarrine. Pouapa pina madirrassa naza assire zoqqueraha poua corime Deoza tomadinipomarrari.

1 Zouao 3:18

Ouimecotedeni, occa erredenissa tiquenarraro. Iape ettizara eti uana tani orrari nerrerana. Arri izepe irrirraroma imecotedeniza eti uana tana. Parrissa Deocca touati uanehe icarrizape icca madieza auato inanana, onarraro.

1 Zouao 3:5

Naraha tiadenipe nauatoqquiri tiquenani: Arra Zeso Cristopa icca uimasiri inarricaniuarrine namiuarri ccaronarrari. Pouapa uimasiri cappirarra narrari.

1 Zouao 3:7

Ouimecotedeni, occa erredenissa tiquenarraro. Parri, madirra ouaha tiadeni tocamaizabaqquirana. Uima parrissehepe arrima narrarona parri: Zeso Cristopa uima bicani ponira parrirenissa tehe carrirrari. Arra madirra uima bicani parrirenissa inanemanezape pina Zesorrinessa inanemanarraro. Pouadenipa Deo inaparrirebaqquiuissa taporra narrari.

1 Zouao 4:4

Ouimecotedeni, occa erredenissa tiquenarraro. Tiadenipe Deocca tiquerrenarrarorrine mamaizadedeniza deni tiquerrenani. Arra tiadeniza Deo madirrarina dacorarrari. Arrirraro zamacca madirrapa arramani toquerrenaui.

1 Zouao 5:21

Ouimecotedeni, occa erredenissa tiquenarraro. Parri, Deoza rrehe quenarrararraridenicca deo maizanirriccazapa: —Ia cacauade −tiquena terrerarri. Arra Deozara: —Ia Cacauade orrariui −tiquenarri, onarraro.

3 Zouao 1:4

Rrehe Caio, tiape pina occa erredenissa tarraro. Zesoza toquerrenarrari pina occa erredenissa quenarraridenipa parrisseheza madimanauissa tarrari uima omittezape ouatizeri narraro. Uatizehe onihi aniraha arrirraro uatizehena ouaza denima bica tarraro.